Jeremaia 10:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ gumazir kabar arazir men aseba feba, da guizɨn araziba puvatɨ. Me temer mam ruarimɨn an okegha, dɨgɨribagh amir gumazibagh anɨngizɨ, me temer kamɨn asemɨn marvir guam akɨri.

Jeremaia 10:3 ပူးပေါင်းရင်းမြစ်များ

Ofa Gami 18:30

“Ia Akar Gavgavir kɨ ia ganɨdir kamɨn gɨn mangɨ. Gumazamizir ian faragha ghua nguazir kamɨn ikia amizir arazir bar kurir kɨ bar aghuaziba, ia dar amuan markɨ. Ia kamaghɨn damigham, ia nan damazimɨn mɨzegham. Ia oragh. Kɨ Ikiavɨra Itir God, ian God, kɨ mɨkemegha gɨfa.”

1 Pita 1:18

Ezɨ ia fo, ia uan ovavibar arazir kuraba isa dagh amuava dar gɨn zui. Arazir kaba, da dagheba puvatɨ. Ezɨ God ia givezegha ian arazir kuraba gɨn amada. God ia givezezir dughiamɨn, a nguazir kamɨn bizir ikuvitam anɨngizir puvatɨ, mati silva ko gol. Puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 1:21

Me God gɨfogha kamaghɨn nɨghnɨzir puvatɨ, “A guizbangɨra God.” Egha an ziam fan aghua. Egha a mɨnabir pu. Puvatɨ. Men nɨghnɨziba onganizɨ moghɨn itima, me fofozir aghuiba puvatɨzɨ, mɨtatem men nɨghnɨziba avaragha dagh izɨfa.

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Matyu 6:7

“Ia God ko mɨkɨmsɨ mɨgɨrɨgɨar kɨnir avɨribar amuva, God gɨfozir puvatɨzir darazi ami moghɨn damuan markɨ. Me ghaze, me mɨgɨrɨgɨar avɨribar amuam, eghtɨ kamaghɨn God me baragham.

Aisaia 45:20

Ikiavɨra Itir God ghaze, “Ia Kantrin Igharazibar Gumazamizir ikiavɨra itir varazira, ia izɨ uari akufagh! Ia gumazamizir mɨdorozimɨn aven deravɨra ikia, ikiavɨra itiba, ia bar moghɨra kot bagh izɨ! Me uan marvir guar me pura ter otevir kɨnibar ingariziba, da inigha tintinibar dar atera izi. Kɨ men gara ghaze, Me guizbangɨra nɨghnɨzir aghuiba bar puvatɨ. Me uarir akurvaghasa asebar dei, ezɨ da gumazitamɨn akuraghamin gavgaviba puvatɨ.

Jeremaia 2:5

Ikiavɨra Itir God kamaghɨn mɨgɨa ghaze: “Ian inazir afeziaba arazir kurar manamɨn gari, kɨ a gamizɨ, me na ategha bar nan saghon ghue? Egha marvir guar kɨnibar ziaba fema, da tong men akurvazir puvatɨ.

Aposel 19:26

Ia garava orasi, gumazir kam Pol, gumazamizir avɨrim an akaba bangɨn ira dar gɨn zui. Efesusɨn kaghɨra puvatɨ, Esian Provins bar. A gumazamizibar nɨghnɨzibagh ami, da tuavir igharazibar zui. A kamaghɨn mɨgɨa ghaze, gumaziba amir marvir guaba, da guizbangɨra godba puvatɨ.

Onger Akaba 115:4

Kantrin Igharazibar Gumazamiziba, silva ko gol isa uan marvir guabar ingari. Me uari uan dafaribar dar ingari.

Jeremaia 1:16

Nan gumazamiziba akɨrim ragha na gasaragha, uari bagha marvir guabar ingarigha, dar damazimɨn dapaniba avia da bagha ofan mughuriar aghuiba zuibagh amua dar ziaba fe. Me kamaghɨn amua, bar arazir kuram gami. Kamaghɨn, kɨ me isɨ kot datɨgham.

Jeremaia 14:22

Kantrin igharazitamɨn aser kuratam amozim damightɨ an arigham ti? Puvatɨ. O overiam uabɨ amozim e danigham ti? Bar puvatɨ. Ikiavɨra Itir God, en God, nɨrara nɨ bizir kamagh garibagh ami da otifi. Kamaghɨn amizɨ, e nɨghnɨzir gavgavim nɨn iti.”

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.