Jeremaia 10:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ O Ikiavɨra Itir God, nɨ uan arazir aghuimɨn e akɨrmɨgh, pura en anɨngaghan markɨ. Nɨ en anɨngagheghtɨ e bar moghɨra ikuvigham.

Jeremaia 10:24 ပူးပေါင်းရင်းမြစ်များ

Onger Akaba 38:1

O Ikiavɨra Itir God, nɨ anɨngagharim ikɨ, egh nan ataran markɨ. Nɨ adarim nan ikɨ, egh nɨ ivezir kuram na danɨngan markɨ.

Onger Akaba 6:1

O Ikiavɨra Itir God, nɨ adarim ikɨ pamten na mɨkɨman markɨ. Nɨn navim ikuvightɨ, nɨ ivezir kuram na danɨngan markɨ.

Jeremaia 30:11

Kɨ Ikiavɨra Itir God, kɨ ia ko ikɨ ian akurvagham. Kɨ ia batoghezɨ, ia ghua kantrin igharazibar tongɨn itiba, kɨ bar me agɨvagham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Aisaia 40:23

An atriviba ko gumazir ziaba itiba abɨrima, me ua ziaba puvatɨ.

Jopɨn Akɨnafarim 6:18

Dughiar maba gumaziba uan kamelɨn biziba ateriba ko, tuaviba ataghɨragha tuavir igharazibar zui. Egh me dɨpaba puvatɨgh, tuavim ategh mangɨ daghurir kabar dɨpaba buriam. Eghtɨ dɨpar kaba dakeghtɨ, me pura gumazamiziba puvatɨzir danganimɨn daru mangɨ arɨmɨghiregham.

Habakuk 3:2

O Ikiavɨra Itir God, nɨ uan gavgavimɨn amizir bizibar akaba, kɨ da baraki. O Ikiavɨra Itir God, kɨ nɨn ingangaribar akaba baregha, dɨgavir kuram gami. Nɨ fomɨram amizir bizir bar ekiaba, nɨ datɨrɨghɨn en dughiamɨn, nɨ ua dar amuasa kɨ ifonge. Eghtɨ datɨrɨghɨn itir dughiamɨn gumazamiziba, uaghan nɨn arazibagh fogham. Guizbangɨra, nɨn adarim en iti, nɨ Godɨn apangkuvim. Ezɨ kɨ nɨn azangsɨsi, nɨ en apangkuvigh en akuragh.

Jeremaia 46:28

Kɨ Ikiavɨra Itir God, kɨ kamaghɨn mɨgei: Kɨ ia ko ikɨ ian akurvagham. Kamaghɨn amizɨ, Ia Israelia, ia nan adarasi, ia nan ingangarir gumazamiziba, ia atiatingan markɨ. Kɨ ia batoghezɨ, ia ghua kantrin igharazibar tongɨn iti. Eghtɨ kɨ kantrin kaba bar me agevegham. Egh kɨ ia agɨvaghan kogham. Guizbangɨra, kɨ puv ia damigham, kɨ arazir voroghɨra itim gɨnɨghnɨgha ia akɨri.”

Onger Akaba 6:2

O Ikiavɨra Itir God, kɨ bar osemegha ua gavgaviba puvatɨ, ezɨ nɨ nan apangkufigh. Nan gavgaviba bar gɨfa, eghtɨ nɨ gavgavir igiam na danɨngightɨ kɨ ua deragham.

Aisaia 28:28

A witɨn ovɨziba dɨkabɨnamin arazim bar a gɨfo, egha an adar bretbar ingaram. Egha a witɨn ovɨziba, ko witɨn mɨseviba, da amɨsɨvasa hos ko wilkar isa witɨn ovɨzibagh isɨn ghua da mɨrmɨra zui. Egha a deravɨra aghumra ghua dar gara ghaze, A witɨn ovɨziba amɨsar dagh asɨghasɨghan kogham.