Jeremaia 10:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ O Ikiavɨra Itir God, kɨ fo, e gumazamiziba uari uan daroriba gativaghan kogham. E mangamin tuaviba, e deragha dar garir puvatɨ.

Jeremaia 10:23 ပူးပေါင်းရင်းမြစ်များ

Aghuzir Akaba 20:24

E nguazir kamɨn itir dughiamɨn, Ikiavɨra Itir God e bagha tuaviba bar adagh inabazɨ da iti. Ezɨ e manmaghɨn tuavir kabagh fogham, da managh zui? Bar puvatɨ.

Aghuzir Akaba 16:1

E bizibar amuasa nɨghnɨsi, Ikiavɨra Itir God faragh amamangatɨghtɨ, e akatam mɨkɨmam.

Onger Akaba 37:23

Ikiavɨra Itir God ifongezɨ moghɨn, a gumazamiziba daruasa me bagha tuavim atɨ. A gumazitamɨn arazim bagh bar akongeghɨva, an a geghuv gavgavim a danɨngtɨ, a tugh gavgavigham.

Onger Akaba 17:5

Dughiabar zurara nɨ nan akakazir tuavimra, kɨ an gɨn zui. Kɨ tuavir kam ategha pura tintinibar zuir puvatɨ.

Aghuzir Akaba 3:6

Bizir nɨ bar amiba, nɨ Ikiavɨra Itir Godra nɨghnɨgh egh dar amu, eghtɨ a tuavir aghuir nɨ mangamimra nɨn akagham.

Aghuzir Akaba 16:9

E zurara bizibar amuasa nɨghnɨsi. Ezɨ Ikiavɨra Itir God tuavir e daruamibar en akakasi.

Aisaia 26:7

O God, gumazamizir nɨn damazimɨn deraziba, nɨ me zuir tuavim akɨrizɨ, a voroghɨra iti. Ikiavɨra Itir God, nɨn damazimɨn derazir gumazamiziba, nɨ me bagha tuavim akɨrizɨ a dera.

Daniel 5:23

Nɨ uabɨ uan ziam fasa nɨghnɨgha, Ekiar Uan Nguibamɨn Itim, nɨ nan ziam dɨkabɨra. Egha uan ingangarir gumazibav kemezɨ me kavɨn nɨn afeziam Godɨn Dɨpenimɨn iniziba inigha ize. Egha nɨ uan gumazir ekiaba ko uan amuiba ko nɨn amuir doziba ko, ia bar kavɨn kabar wainɨn dɨpaba api. Egha ia marvir guar me gol ko, silva ko, bras ko, ain ko, temeba ko, dagɨamɨn ingarizibar ziaba fe. Ezɨ marvir guar kaba me garir puvatɨgha mɨgɨrɨgɨaba barazir puvatɨgha bizitam gɨfozir puvatɨ. God uabɨra nɨn ikɨrɨmɨrim ko nɨ amir biziba bar dar gara dagh atifa. Ezɨ nɨ an ziam fer puvatɨ.