Jeremaia 10:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Jerusalem ikuvigha gɨfa, egha pura iti, mati purirpenir mam dɨpɨrigha irɨ. A mati en purirpenibar benir dar suighiziba dɨghoraghirezi da dɨpɨraghiregha ire. Ezɨ gumazamiziba bar Jerusalem ategha ghuegha gɨfa, mati en boriba bar ariaghiregha tav ua itir puvatɨ. Kamaghɨn amizɨ, ua Jerusalemɨn ingaramin gumazitam ua itir puvatɨ.

Jeremaia 10:20 ပူးပေါင်းရင်းမြစ်များ

Jeremaia 4:20

Kɨ garima, me kantrin aven itir danganiba bar dar gumazamiziba paza me gamua me gasɨghasɨzima, biziba bar moghɨra ikufi. Kɨ garima, me zuamɨra en purirpenibagh asɨghasɨki.

Jeremaia 31:15

Ikiavɨra Itir God kamaghɨn mɨgei: “Me Raman nguibamɨn tiarir mam barasi, azir akam ko tuatem. Reselɨn boriba ua itir puvatɨ. Kamaghɨra, a uan ovengezir boriba bagha azi. A navir amɨrizim inian aghua.

Aisaia 54:2

“Egh nɨ uan averpenim asamimɨn danganir mɨtaghniam a gisɨfagh, egh uan averpenir ekiam asaragh. Egh nɨ uan averpenim bar an arokegh, egh an beniba ateghtɨ da tong ruaragh, egh averpenim gavgavim a danɨngamin afughafuziba isɨ pamtemɨn nguazimɨn dagh afughafughtɨ, da magɨreghtɨ, nɨ beniba pamtemɨn afughafuzir kabagh ikegh.

Aisaia 51:16

Kɨ uan akaba ia ganɨngi, eghtɨ ia nan akaba bar deraghvɨra da akunam. Egha kɨ bar deravɨra uan agharimɨn ia monge. Kɨ Ikiavɨra Itir God, kɨ overiam ko nguazim isa aningɨn danganibaram arɨghizɨ, aning bar gavgavighavɨra iti. Ezɨ ia Saionɨn gumazamiziba, kɨ kamaghɨn ia mɨkeme, ‘Ia nan gumazamizibara.’ ”

Aghuzir Akaba 12:7

Gumazim arazir kuram damigh, a bar ikuvightɨ an adarazi uaghan bar gɨvagham. Eghtɨ gumazir aghuimɨn adarasi, me deraghvɨra ikɨ mamaghɨra ikiam.

Jopɨn Akɨnafarim 7:8

Gumazamiziba datɨrɨghɨn nan gari, me gɨn ua nan ganan kogham. Nɨ nan ganvɨra ikɨtɨ, kɨ pura puvatɨghtɨ, nɨ ua nan ganan kogham.

Aisaia 51:18

Jerusalemɨn nguibar ekiam, nɨn borir tuavim nɨn akakagh, nɨn dafarimɨn suiragh mangamiba puvatɨ. Boritam nɨn dafarimɨn suiragh, nɨ damutɨ, nɨ deragh daruan kogham.

Maika 2:9

Egha ia nan gumazamizibar tongɨn itir amizir odiariba, ia men dɨpenir me ifongeziba bagha me batosi. Egha kɨ men boriba, gɨn me danɨngamin bizir aghuiba, ia men tuavim apɨrigha da okemegha gɨfa.

Jeremaia 30:17

Ian apaniba kamaghɨn mɨgei: ‘Saion mati bizir kɨnim, egha bar ikufi. Ezɨ gumazitam an apangkuvir puvatɨ. Kɨ uabɨ ian mɨkarzibar amightɨ, da ua deragham, egh ian duabar amightɨ, da mɨsigham.’ Kɨ Ikiavɨra Itir God, kɨ kamaghɨn mɨkemegha gɨfa.”