Jeremaia 10:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁸ Ikiavɨra Itir God, kamaghɨn ia mɨgɨa ghaze, “Dughiar kamɨn kɨ nguazir kamɨn itir gumazamiziba batueghtɨ me mangegham. Kɨ osɨmtɨzir ekiam me danightɨ, me mɨzazir ekiam baragham.”

Jeremaia 10:18 ပူးပေါင်းရင်းမြစ်များ

1 Samuel 25:29

“Gumazir ekiam, gumazitaba nɨn gɨntɨgh nɨn mɨsoghsɨ izɨtɨ, Ikiavɨra Itir God, nɨn God deraghvɨra nɨn akurvagham, mati gumazim uan bizir aghuiba deraghavɨra dagh eghufi. Egh nɨn apaniba batuegham, mati gumazim katapelɨn dagɨam gasavamadi moghɨn, a nɨn apanibagh asɨvamangam.

Sekaraia 1:6

Nan akam inigha izir gumaziba, kar nan ingangarir gumaziba, me nan akaba ko, arazir kɨ ifongeziba isa ian ovavibagh anɨngizɨ, me me baraghan aghuagha osɨmtɨzibar aven zui. Egha gɨn me navibagh iragha fogha ghaze, Ikiavɨra Itir Godɨn Gavgaviba Bar Itim, fomɨra mɨkemezɨ moghɨn, en arazir kurar kaba bangɨn ivezir kuram e ganɨngi.

Esekiel 6:10

Egh me kamaghɨn fogh suam, Kɨrara kɨ Ikiavɨra Itir God. Egh me fogham, Akar Gavgavir kɨ amizim, a purama akar kɨnim puvatɨ.”

Jeremaia 23:20

Ikiavɨra Itir Godɨn anɨngagharim ikɨvɨra ikɨ mangɨ, bizir a damuasa nɨghnɨziba bar ada gɨvagham. Egh dughiar abuananamɨn, ia gumazamiziba bizir kaba deraghvɨram adagh fogham.”

Jeremaia 16:13

Kamaghɨn amizɨ, kɨ nguazir kamɨn ia batueghtɨ, ia mangɨ, nguazir igharazir ia ko ian inazir afeziaba fomɨra fozir puvatɨzimɨn ikiam. Kɨ ian apangkuvighan kogham, kamaghɨn amizɨ, ia nguibar kamɨn arueba ko dɨmagaribar ia asebar ziaba fam.’ ”

Godɨn Araziba 28:52

Egh me Ikiavɨra Itir God, ian God, ia ganɨngizir nguazir kaba bar a dagh asɨghasigham. Eghtɨ nguibaba avɨnizir dɨvazir gavgavir ia dar aven mongasava amiba, ia nɨghnɨzir gavgavim dar iti, eghtɨ me dagh asɨghasɨghtɨ da bar iregham.

Jeremaia 22:26

Nɨ uan amebam ko, kɨ gua inigh, gua isɨ kantrin igharazim mɨkɨnigham. Kar guizbangɨra guan kantrin guan amebamning gua batezir puvatɨzim, eghtɨ gua an ikɨ mangɨva an aremegham.

Sefanaia 1:17

Ikiavɨra Itir God kamaghɨn mɨgei, Gumazamiziba arazir kurabar na gami, kamaghɨn amizɨ, kɨ bizir kurar avɨrim damutɨ da me bativam, eghtɨ me damazir okavɨrɨzibar mɨn punpun, daruamin tuaviba buriam. Eghtɨ men ghuziba dɨpamɨn mɨn irɨtɨ me arɨmɨghiram. Eghtɨ men kuaba nguazim gisɨn kurighirɨ mati afiar buariba.

Aisaia 22:17

“Nɨ ti ghaze, nɨ gumazir gavgavim, a? Bar puvatɨ! Nɨ kamaghɨn fogh, Ikiavɨra Itir God, bar pamtemɨn nɨn suiragh, nɨ munumigh nɨ rightɨ, nɨ balɨn muziarimɨn mɨn otogham. Egh a nɨ akunightɨ, nɨ akɨgh mangɨ bar saghon itir nguazir ekiatamɨn irɨgham. Egh nɨ danganir kamɨn aremegham. Egh nɨ karisɨn bar dirir nɨ bar ifongezir kaba ategham. Nɨ datɨrɨghɨn atrivimɨn ingangarim gami. Egh nɨ gɨn aghumsɨzim atrivimɨn adarazir ganɨdir gumazimɨn otogham.