Jeremaia 10:14 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁴ Ezɨ gumazamiziba, me bar onganigha bizitam gɨfozir puvatɨ. Gumazir marvir guaba golɨn dar ingariba, me bizir me ingarizir kaba bagh bar aghumsɨgham. Kar guizɨn godba puvatɨ. Marvir guar kaba, da amɨnir datɨrɨghɨn en ikia angamɨra itir kam puvatɨ.

Jeremaia 10:14 ပူးပေါင်းရင်းမြစ်များ

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Aisaia 42:17

Gumazamiziba marvir guabar ziaba fa nɨghnɨzir gavgavim dar ikia ghaze, da men guizɨn godba. Ezɨ kɨ bar gumazamizir kaba batuegh me damutɨ, me bar aghumsigh uan nɨghnɨzibagh iragham.”

Aisaia 45:16

Asebar marvir guabar ingarir gumaziba bar guizbangɨra okam nɨghnɨgh bar aghumsigham.

Onger Akaba 97:7

Gumazamizir marvir guabar ziaba feba bar aghumsɨki. Aseba teviba apɨrigh Ikiavɨra Itir Godɨn ziam fam.

Aisaia 44:11

Ia gan! Gumazamizir dɨgɨribagh amir kaba, me pura nguazir kamɨn itir gumazir kɨnibara, egha marvir guabar ingari. Kamaghɨn amizɨ, gumazamizir marvir guabar ziaba feba, me bar aghumsigham. Kɨ ghaze, me bar izɨ nan damazimɨn kotɨn tuifigh. Bar guizbangɨra, kɨ me damightɨ, me bar atiatigh bar aghumsigham.

Onger Akaba 14:2

Ikiavɨra Itir God uan Nguibamɨn pɨn ikia, nguazimɨn itir gumazamizibar garima, men tav nɨghnɨzir aghuim ikia a gɨfofoghasa a buri, ti puvatɨ.

Onger Akaba 92:6

Gumazir nɨghnɨzir aghuiba puvatɨgha onganiziba, me bizir kabagh foghan kogham.

Onger Akaba 94:8

Ia gumazamizir nɨghnɨzir aghuiba puvatɨziba, ia oregh deragh fogh. Ia bar gumazir onganiba, ia manadɨzoghɨn fofozitam ikiam?

Aghuzir Akaba 30:2

Agur kamaghɨn mɨkeme: Kɨ gumazimɨn mɨn itir puvatɨ. Guizbangɨra, kɨ gumazimɨn mɨn nɨghnɨzir puvatɨ. Nan nɨghnɨzim bar ikufi.

Akɨnafarir Pol Romɨn Nguibar Ekiamɨn Itir Sios Bagha Osirizim 1:25

Kamaghɨn amir gumazamiziba, me Godɨn guizɨn akamɨn gɨn mangan fɨrɨn, akar ifavarimɨn anetɨ. Me biziba bar adar ingarizir Godɨn kamnangɨn ziam fan aghuagha, uam akɨrim ragha a gasara. Egha a ingarizir bizibar ziaba fava da bagha ingari. God a biziba bar dar mɨngarim, kamaghɨn e zurazurara an ziam fɨ mamaghɨra ikiam! Guizbangɨra!

Jeremaia 10:5

Ezɨ marvir guar kaba biziba dar puvatɨ, da nedazir kɨniba. Kuaraziba izɨ gumazibar azenibar zuravariba ko daghebar amɨsɨ, dar gan atiatingasa me dar ingarigha da ase. Men marvir guar kaba mɨgeir puvatɨ. Egha da aruir puvatɨzɨ, gumaziba da ateragha arui. Me ian tav gasɨghasighan kogham, kamaghɨn ia dar atiatingan markɨ. Me uaghan bizir aghuitam damightɨ an otoghan kogham.”

1 Samuel 5:4

Me uam akuigha mɨzaraghara ua ghua Dagonɨn dɨpenimɨn aven ghua garima, marvir guar kam ua Ikiavɨra Itir Godɨn Boksiamɨn boroghɨn irɨ. Ezɨ Dagonɨn dapanim ko agharimning dɨpɨriaghirɨgha tiar akamɨn boroghɨn irɨghav iti. Ezɨ an namnamra deraghavɨra iti.

Aisaia 57:12

Ia ti ghaze, ia arazir aghuibaram ami. Ian arazir ia amiba, kɨ da azenim datɨgham. Eghtɨ da tong ian akuraghan kogham. Bar puvatɨgham.