Jeremaia 10:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ “Israelia, ia kamaghɨn nɨghnɨzir gavgavim Godɨn itir puvatɨzir gumazamizibav kɨm, ‘Ian aseba overiam ko nguazimɨn ingarizir puvatɨzɨ, da ua nguazim ategh an ikian kogham, egh overiamɨn apengan ikian kogham.’ ”

Jeremaia 10:11 ပူးပေါင်းရင်းမြစ်များ

Onger Akaba 96:5

Nguazimɨn itir gumazamizibar aseba, da pura ifavarir godba. Ikiavɨra Itir God, an overiamɨn ingari.

Sekaraia 13:2

Ikiavɨra Itir Godɨn Gavgaviba Bar Itim ua kamaghɨn mɨgei, “Kɨ dughiar kamɨn godɨn ifavarir marvir guaba nguazir kamɨn da batuegham, eghtɨ gumazitam uam a dagh nɨghnɨghan kogham. Egh uaghan akam inigha izir ifavarir gumaziba ko, duar mɨzɨrɨziba, kɨ nguazir kamɨn da batuegham.

Sefanaia 2:11

Ikiavɨra Itir God me damutɨ, me puvɨram atiatingam. Kantriba bar, a men asebar amutɨ da pura bizir kɨnibar mɨn otivam. Eghtɨ gumazamizir ongarimɨn mɨriamɨn itiba ko, gumazamizir ongarir arighatɨzimɨn itiba, me uan nguibabara ikɨva uan teviba apɨr dapaniba avighɨva an ziam fam.

Jeremaia 51:18

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ, me bar ikuvigham.

Jeremaia 10:15

Kar me dɨbovir akabav kɨmasa pura ingarigha arɨghizir bizir kɨniba. Eghtɨ Ikiavɨra Itir God, me tuisɨghamin dughiam izɨtɨ me bar ikuvigham.

Akar Mogomem 20:2

Egha a kuruzir ekiar kamɨn suiragha anebɨra, kar kuruzir bar fomɨra itim, a Satan, gumazir akam isa bar gumazamizibagh asim. Satan 1,000plan azenibar kalabusɨn ikiasa, ensel a inigha senɨn a ike.

1 Samuel 5:4

Me uam akuigha mɨzaraghara ua ghua Dagonɨn dɨpenimɨn aven ghua garima, marvir guar kam ua Ikiavɨra Itir Godɨn Boksiamɨn boroghɨn irɨ. Ezɨ Dagonɨn dapanim ko agharimning dɨpɨriaghirɨgha tiar akamɨn boroghɨn irɨghav iti. Ezɨ an namnamra deraghavɨra iti.

Aisaia 57:12

Ia ti ghaze, ia arazir aghuibaram ami. Ian arazir ia amiba, kɨ da azenim datɨgham. Eghtɨ da tong ian akuraghan kogham. Bar puvatɨgham.

Jeremaia 43:12

Egh kɨ Isipɨn asebar ziaba fer dɨpenibar apongegham. Dɨpenir kaba, da Isipɨn asebar marvir guaba dar iti. Eghtɨ Nebukatnesar marvir guar katabar apongɨva, taba inigh uan kantrin mangam. Egh a Isipɨn kantrin biziba bar ada batuegham, mati sipsipbagh eghuvir gumazim, uan korotiamɨn piba batosi. A Isipba bar me gafiragham. Egh a kantrin kam ategh deraghvɨra mangam.

Jeremaia 43:13

A Isipɨn ikiamin dughiamɨn, a dagɨar dɨpenir akɨnir ruarir dɨpenir kamɨn itiba apɨrigham, gumazamiziba zurara dɨpenimɨn ghua, aruemɨn ziam fe, mati men asem. Egh a bar Isipian asebar ziaba fer dɨpeniba, bar dar apongtɨ da isigham.”

Jeremaia 50:2

“Nɨ Kantrin Igharazibar Gumazamiziba bagh mangɨ, akam me mɨkɨn. Nɨ nir avɨzim fegh ghuanang, eghtɨ gumazamiziba an ganigh, izɨ akam baragh. Egh akam mongan markɨ. Nɨ mangɨ kamaghɨn me mɨkemegh, ‘Apaniba Babilonɨn nguibam inigha gɨfa. Babilonɨn aser kam, Bel, a bar aghumsɨki. Ezɨ asem Marduk dɨgavir kuram gami. Ezɨ Babilonɨn asebar marvir guaba bar aghumsɨki, ezɨ dar nedazir kuriba dɨgavir kuram gami.’ ”

Esekiel 30:13

“Kɨ Ikiavɨra Itir Godɨn Ekiam, kɨ kamaghɨn mɨgei: Kɨ Isipɨn kantrin nguibar ekiam Memfis, an marvir guaba ko aseba bar adagh asɨghasigham. Eghtɨ tam ua Isipɨn atrivimɨn ikian kogham. Egh kɨ gumazamiziba bar me damightɨ me bar atiatigham.