Jeremaia 1:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ Ikiavɨra Itir God gɨn kamaghɨn nan azara, “Jeremaia, nɨ tizimɨn gari?” Ezɨ kɨ a ikaragha ghaze, “Kɨ amonɨn temer aguamɨn gari.”

Jeremaia 1:11 ပူးပေါင်းရင်းမြစ်များ

Amos 7:8

Egha a kamaghɨn nan azara, “Amos, nɨ bizir tizimɨn gari?” Ezɨ kɨ kamaghɨn mɨgei, “Kɨ ainɨn muziarir benimɨn guraghav itimɨn gari.” Ezɨ a kamaghɨn na mɨgei: “Nɨ oragh! Kɨ ainɨn benir muziarir guraghav itimɨn suiragha, Israelian gumazamizibar aban men arazibar ganɨva da tuisɨghasa. Kɨ men gari, me mati dɨpenir dɨvazibar mɨn voroghɨra tuivighav itir puvatɨ. Kɨ men arazir kuraba ua da ikarvaghasa, egh kɨ ua uan nɨghnɨzim giraghan kogham.

Amos 8:2

Egha a nan azara, “Amos, nɨ bizir tizimɨn gari?” Ezɨ kɨ a ikaragha ghaze, “Kɨ dagher aghuir anigha gɨvazir abuananabar gari, da akɨrar mam gizɨvagha iti.” Ezɨ Ikiavɨra Itir God, ua kamaghɨn na mɨgei: “Dughiar abuananam otogha gɨfa, kar dughiar kɨ ivezir kuram isɨ uan gumazamiziba Israelia danɨngamim, mati gumazamiziba dagher aghuir anigha gɨvazir abuananaba asiamin dughiam otogha gɨfa. Egh kɨ ua uan nɨghnɨzim giraghan kogham. Kɨ bar me gasɨghasigham.

Sekaraia 5:2

Ezɨ ensel na mɨgɨa ghaze, “Nɨ bizir tizimɨn gari?” Ezɨ kɨ ghaze, “Kɨ garima akɨnafarir irɨghizir mam mɨghegha zui. Ezɨ an ruarim 10 mitan tu, ezɨ an arozim 5 mitan tu.”

Sekaraia 4:2

Egha a kamaghɨn nan azara, “Nɨ tizimɨn gari?” Ezɨ kɨ ghaze, “Kɨ garima, me golɨn ingarizir aghorim ko, borem arɨghamin itarir ekiam, an pɨn iti. Ezɨ golɨn itarir ekiar kamɨn 7plan lamɨn aghoriba a gaseghav ti. Ezɨ 7plan lamɨn kaba, da vaghvagha borer itarir ekiamɨn itim gekuasa 7pla wikba iti.

Jeremaia 24:3

Ezɨ Ikiavɨra Itir God kamaghɨn na mɨgei, “Jeremaia, nɨ bizir tizimɨn gari?” Ezɨ kɨ kamaghɨn a ikaragha ghaze, “Kɨ fighɨn ovɨzibar gari. Fighɨn aghuiba da bar dera, ezɨ fighɨn kuraba, da bar ikufi, gumaziba dar aman iburagham.”

Dɨboboniba 17:8

Egha amɨmzaraghan Moses Purirpenimɨn aven ghua garima, asadivir aghorir Aronɨn ziam itim, kar Livain anabamɨn asadivir aghorim, a ghuzir igiaba otivigha akɨmariba onezɨ, amonɨn temer ovɨziba anigha an guighav iti.

Esekiel 7:10

Egha Ikiavɨra Itir God ua kamaghɨn na mɨgei: Ia gan! Dughiam otogha gɨfa! Ezɨ asɨghasɨzir ekiam otivasa. Israelia zurara uan namakabar ikuvava, arazir aghuibar me gamir puvatɨ. Me zurara uari pɨrafir arazim gami.

Jenesis 30:37

Egha gɨn Jekop temebar aguaba inigha, vaghvagha dar inir maba afoghafogha da afɨrizɨ, da ghurghuri. Ezɨ maba iniba sara iti.

Aisaia 55:11

Ezɨ kamaghɨra, nan akam uaghan, pura uamategh na bagh izeghan kogham. Puvatɨ. A kɨ mɨkemezɨ moghɨra bizibar amutɨ da otivam. Eghtɨ ingangarir kɨ damuasa ifongeziba, a adar amutɨ dar dagheba otivam.

Esekiel 12:25

Kɨ Ikiavɨra Itir God, kɨ uabɨ Israelia me ko mɨkɨmam. Eghtɨ bizir kɨ mɨkemeziba, da zuamɨram otivam. Ia akaba batozir ikɨzim, ia oragh! Ia aremeghan kogh ikɨvɨra ikɨtɨ, kɨ mɨkemezɨ moghɨn damuam. Kɨ Ikiavɨra Itir Godɨn Ekiam, kɨ kamaghɨn mɨkeme.”

Esekiel 12:28

Eghtɨ nɨ me mɨkɨm suam, Kɨ Ikiavɨra Itir Godɨn Ekiam me ikaragha ghaze, Kɨ sughsughan kogham. Bizir kɨ mɨkemeziba, da datɨrɨghɨn otivam. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa!”