Jenesis 9:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Egha Noa ua kamaghɨn mɨgei, “E Ikiavɨra Itir Godɨn ziam fam, a Siemɨn God. Egha kɨ kamaghɨn Godɨn azai, Kenan pura Siemɨn ingangarir gumazimɨn ikiam.

Jenesis 9:26 ပူးပေါင်းရင်းမြစ်များ

Onger Akaba 144:15

Gumazamizir God kamaghɨn deragha me gamiba, me bar akongegh. Gumazamizir Ikiavɨra Itir God inizɨ, a men Godɨn mɨn iti, me bar akongegh.

Hibru 11:16

Egha me uan nguazir ghurim gɨnɨghnɨzir pu. Puvatɨ. Me nguazir igharazir iniasava amim, a bar deragha nguazir me ataghizim bar a gafira. A Godɨn Nguibamra. God me bagha nguibar kam akɨrizɨ a iti, eghtɨ me an ikiam. Egha gumazir kaba kamaghɨn God mɨgɨa ghaze, “Nɨ en God.” Ezɨ, God men akar mɨkemezir kamɨn aghumsɨghizir puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 9:5

Men ovavir faragha itiba, bar ziar ekiaba iti. Ovavir kabar iza, Gumazir God Uam E Iniasa Mɨsevezim, Krais nguazir kamɨn gumazimɨn mɨn men ikɨzimɨn aven oto. Krais a God, egha biziba bar dar dapanimɨn iti. Eghtɨ e zurazurara Kraisɨn ziam fam!

Godɨn Araziba 33:26

Egha Moses kamaghɨn mɨgei, “O Israelia, godɨn tam ua en Godɨn mɨn itir puvatɨ. A gavgavir ekiam ko angazangarimɨn aven mɨdorozir karis gaperagha, ian akurvaghasa ghuariam gisɨn izi.

Jenesis 27:37

Ezɨ Aisak a ikaragha ghaze, “A nɨ gativaghamin gavgavim kɨ a ganigha gɨfa, egha kɨ ghaze, nɨn adarazi bar an ingangarir gumazibar ikiam. Egha kɨ witɨn avɨriba ko wainɨn avɨriba a ganigha gɨfa. Ezɨ nan otarim, kɨ datɨrɨghɨn nɨ bagh damuamin biziba bar puvatɨ.”

Jenesis 27:40

Egh nɨ uan mɨdorozir sabamɨn amodoghɨn mɨsogh daghebar amɨ, egh dabirabir aghuim buriam. Egh nɨ uan dozimɨn apebamɨn ikiam. Egh gɨn nɨ uabɨ abigh egh an apengan ikian kogham.”

Jenesis 14:20

Guizbangɨra, nɨ apaniba ko uariv sozi, Godɨn Bar Pɨn Itim nɨn akurazɨ, nɨ me abɨni, kamaghɨn, e an ziam fam.” Ezɨ bizir Abram iniziba bar, a 10plan akuabar da abigha 10ɨn vamɨra isa Melkisedek ganɨngi.

Jenesis 24:27

Egha kamaghɨn mɨgei, “Kɨ uan gumazir ekiam Abraham, an Godɨn ziam fasa, a Ikiavɨra Itir God. A nan gumazir ekiamɨn apangkuvigha egha a mɨkemezɨ moghɨra deraghavɨrama a gami. Guizbangɨra, Ikiavɨra Itir God na inigha iza nan gumazir ekiamran adarazir dɨpenim gatɨ.”

Jenesis 27:29

Kɨ kamaghɨn Godɨn azai, nguazimɨn itir gumazamiziba nɨn ingangarir gumazibar mɨn ikiam, eghtɨ kantrin mabar gumazamiziba nɨn apengan ikiam. Eghtɨ nɨ uan aveghbuaba me gativagh men ganam. Eghtɨ nɨn amebamɨn ovavir boriba nɨn apengan ikiam. Eghtɨ gumazir paza nɨ damuasa Godɨn azangsɨziba, kɨ kamaghɨn Godɨn azai, eghtɨ a me gasɨghasigham. Eghtɨ gumazir deragh nɨ damusɨ nɨ bagha Godɨn azangsɨziba, kɨ kamaghɨn Godɨn azai, a uaghan deraghvɨram me damuam.”

1 Atriviba 9:21

Israelia fomɨra men avɨribav soghezɨ me ariaghire, egha bar me kuavaremezir puvatɨzɨ, men ovavir borir vabara ikiavɨra iti. Ezɨ datɨrɨghɨn Solomon me gamizɨma, me puram an ingangarir gumazir kɨnibar mɨn otivigha, datɨrɨghɨn ikia kamaghɨra iti.

Josua 9:23

Ia ifarazɨ bighangɨn, God paza ia damuam. Ia datɨrɨghɨn en ingangarir gumazibar ikɨ mamaghɨra ikɨva, Ikiavɨra Itir Godɨn Dɨpenim bagh daziba abɨghɨva, dɨpaba tuva da ater daruam.”

Gumazir Dapaniba 1:28

Ezɨ gɨn Israelia ikia ghua gavgavigha, Kenanian gumazamizir kabagh amizɨ, me men ingangarir gumazamizir kɨnibar otifi. Israelia bar me batoghezir puvatɨ.