Jenesis 8:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Egha a 7plan dughiabar uam orarkegha kuarazir bunbam uam anemada. Ezɨ kuarazir bunbam ua izezir puvatɨ.

Jenesis 8:12 ပူးပေါင်းရင်းမြစ်များ

Aisaia 30:18

Guizbangɨra, Ikiavɨra Itir God, a Godɨn guizɨn arazibagh amim. Kamaghɨn amizɨ, a ian apangkuvighasa ifongiar bar ekiam iti. A uan apangkuvim ian akakaghasa ia mɨzua iti. Gumazamizir nɨghnɨzir gavgavim an ikiava, uarir akurvaghasa a mɨzua itiba, me bar akuegham.

Aisaia 26:8

O Ikiavɨra Itir God, e nɨn Akar Gavgavibar gɨn zui, egha e nɨ baghavɨra gara, nɨrara mɨzua iti. Egha uan navir averiabar aven nɨn ziar ekiam bar a gifongegha ghaze, gumazamiziba bar nɨ gɨfogh zurara nɨ gɨnɨghnɨgham.

Aisaia 25:9

Ezɨ bizir kaba otivamin dughiamɨn, gumazamiziba kamaghɨn mɨkɨmam, “Ikiavɨra Itir God, en God. E nɨghnɨzir gavgavim an ikɨ, a mɨzuam ikɨtɨ, anarɨra izɨ en akuragh uam e iniam. A uabɨra Ikiavɨra Itir God, egha an en akura. Kamaghɨn amizɨ, a uam e inizir bizir kam bagh, e bar akuegham.”

Jenesis 8:10

Ezɨ 7plan dughiaba gɨvazɨma, Noa ua kuarazir bunbam amada.

Aisaia 8:17

Egh kɨ datɨrɨghɨn, Ikiavɨra Itir God damuasa mɨkemezir biziba, kɨ puram a mɨzuam da bagh gan ikiam. Kɨ fo, an akɨrim ragha Israelian gumazamizibagh asagha gɨfa, egh a ua ragh men ganan kogham. Eghtɨ kɨ nɨghnɨzir gavgavim an ikɨvɨra ikiam.

Onger Akaba 27:14

Nɨ nɨghnɨzir gavgavim Ikiavɨra Itir Godɨn ikɨ a bagh mɨzuam. Nɨn navim osɨman markɨ. Nɨ tugh gavgavigh mamaghɨra ikɨ mangɨtɨ a izɨ nɨn akuragham.

Habakuk 2:3

Bizir kam otivamim dughiam, a tɨghar maghɨn izɨ guizɨn otivam. Kamaghɨn amizɨ, bizir kɨ nɨn akaghamin kaba, nɨ da osirightɨ da ikɨ. Bizir kɨ nɨn akakaghamiba, da bar guizbangɨra kɨran oveghangɨn otivigham. Nɨ ti ghaze, da zuamɨra otoghan kogham, puvatɨ, nɨ pura mɨzuam ikɨ, bizir kam bar aghumra izɨva otogham.

Jenesis 8:11

Ezɨ dughiar kamɨn bar guaratɨzimɨn kuarazir bunbam uamategha a bagha izi. Egha uan akamɨn olivɨn temer dafarir igiar mam iviragha izi. Ezɨ Noa kamaghɨn fo, dɨpam dakegha gɨfa.

Jeremaia 48:28

“Ia Moapia, ia uan nguibaba ategh mangɨ dagɨabar tongɨn mongegh. Ia kuaraziba danganir kurabagh isɨn mɨkonibar ingari moghɨn damu.