Jenesis 8:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Ezɨ dughiar kamɨn God Noa ko asɨzir a ko kurimɨn itiba gɨn amadazir puvatɨ, a me gɨnɨghnɨghavɨra ikiava amɨnim amadazɨ a dɨpam gisɨn ivaima dɨpam sɨvagha uaghiri.

Jenesis 8:1 ပူးပေါင်းရင်းမြစ်များ

Jenesis 30:22

Ezɨ God Resel gɨnɨghnɨsi. Egha Reselɨn azangsɨzim baregha an navir averiam akɨri, eghtɨ a boritam batam.

Jenesis 19:29

God nguibar nguazir zarir kamɨn itiba bar adagh asɨghasɨki. Egha an Abraham gɨnɨghnɨgha, nguibar Lot itim gasɨghasɨgha, Lot gamizɨ an osɨmtɨzir kam gita.

Ua Me Ini 2:24

Ezɨ God men ararem baregha Abraham ko, Aisak ko, Jekop ko, amizir Akar Dɨkɨrɨzir Gavgavim ginɨrɨ.

Onger Akaba 136:23

En apaniba e abɨrima an e gɨnɨghnɨghavɨra iti. A zurara en apangkuvigha mamaghɨra iti.

1 Samuel 1:19

Elkana uan amuimning ko boriba, me dɨmagarimɨn Silon akuima, amɨnim tirazɨma, me mɨzaraghara dɨkavigha Ikiavɨra Itir Godɨn ziam fe. Me an ziam fegha gɨvagha, uamategha uan dɨpenim bagha Raman nguibamɨn ghue. Ezɨ Elkana, uan amuim Hana koma akui. Ezɨ Ikiavɨra Itir God, Hanan azangsɨzim ginɨrɨgha a ikara.

Ua Me Ini 14:21

Moses uan agharim ghufegha, ongarim gisɨn anemada. Ezɨ dɨmagarimɨn Ikiavɨra Itir God, amɨnir gavgavim gamizɨ, an aruem anadi naghɨn oto. Egha dɨmagarir kamɨn amɨnim ongarim gɨva ghuavti amɨnim tira. Ezɨ ongarim tongɨra biaghirɨgha, akuar pumuningɨn irɨgha nguazir dakɨrtɨzimɨn oto.

Onger Akaba 106:4

O Ikiavɨra Itir God, nɨ uan gumazamizibar akurvaghsɨ izɨ egh na ginɨrɨgh. Nɨ men akurvagh egh uaghan nan akuragh.

Amos 8:7

Ikiavɨra Itir God, a Jekopɨn ovavir boribar God, an akam akɨrigha ghaze, Ia Israelia, ia amir arazir kurar kaba, kɨ da bakɨnɨghnighan kogham.

Habakuk 3:2

O Ikiavɨra Itir God, nɨ uan gavgavimɨn amizir bizibar akaba, kɨ da baraki. O Ikiavɨra Itir God, kɨ nɨn ingangaribar akaba baregha, dɨgavir kuram gami. Nɨ fomɨram amizir bizir bar ekiaba, nɨ datɨrɨghɨn en dughiamɨn, nɨ ua dar amuasa kɨ ifonge. Eghtɨ datɨrɨghɨn itir dughiamɨn gumazamiziba, uaghan nɨn arazibagh fogham. Guizbangɨra, nɨn adarim en iti, nɨ Godɨn apangkuvim. Ezɨ kɨ nɨn azangsɨsi, nɨ en apangkuvigh en akuragh.

Onger Akaba 137:7

O Ikiavɨra Itir God, nɨ dughiar gumaziba Jerusalem gasɨghasɨzi, Idomia e gamizir arazim gɨnɨghnɨgh. Me ivɨvɨgha ghaze, Jerusalemɨn dɨpeniba bar dɨpɨrighiregh nguazim giregh.

Onger Akaba 132:1

O Ikiavɨra Itir God, Devit uabɨ ko, a inizir osɨmtɨzir ekiar kaba, nɨ dagh nɨghnɨghvɨra ikɨ.

Nehemia 13:31

Kɨ gumazamizir maba ofa tuamin dazibar kuasa me a mɨsefe. Egha uaghan me da inigh izamin dughiam amɨsefe. Egha uaghan dagher faragha azenibar aniziba, ko iter ovɨzir faragha aniziba, me ofan mɨn da inigh izasa kɨ me mɨkeme. “O nan God, kɨ nɨn azai, kɨ amizir arazir kaba, nɨ dagh nɨghnɨgh deragh na damu.”

Nehemia 13:22

Ezɨ kɨ gɨn Livaiba me mɨgɨa ghaze, “Ia Godɨn Arazibar gɨn mangɨ uari akɨrigh Godɨn damazimɨn zuegh. Egh dughiar ia zueghamim, ia izɨ dɨvazimɨn tiar akabar gantɨ, gumaziba Sabatɨn dughiamɨn Godɨn Akar Gavgavimɨn gɨn mangam. Kar, Godɨn dughiar kamra. Eghtɨ gumazir igharaziba uaghan uan biziba inigh nguibar ekiamɨn izan markɨ.” “O nan God, kɨ nɨn azai, nɨ uan apangkuvir arazimɨn gɨn mangɨ nan arazir aghuim gɨnɨghnɨgh, egh nɨ uaghan nan apangkufigh deravɨra na damu.”

Nehemia 13:29

“O nan God, nɨ ofa gamir gumazir kabagh amizir arazir kurar kam gɨnɨghnɨgh. Me ofa gamir gumazibar adarazigh amizɨ, me nɨn damazimɨn mɨze. Egha me Akar Dɨkɨrɨzir Gavgavir nɨ ofa gamir gumaziba ko Livaibagh amizir kam gasɨghasɨki.”

Nehemia 13:14

“O nan God, nɨ na gɨnɨghnɨgh. Guizbangɨra, kɨ nɨn Dɨpenimɨn ingangarim gamua nɨn ziam famin arazibar kɨri. Nan ingangarir aghuimɨn akar nɨn akɨnafarimɨn itim, nɨ a batuegh a gɨn amadaghan, kɨ aghua.”

Akar Mogomem 18:5

A uabɨ uan arazir kurabar pozim mɨkɨrav iti, da ghuavanaga Godɨn Nguibamɨn oto. Ezɨ God an amizir arazir kurabagh nɨghnɨghavɨra iti.

Akar Mogomem 16:19

Ezɨ Babilonɨn nguibar ekiam bɨaghiregha 3plan okoruabar otifi, ezɨ gumazamizibar nguibaba bar moghɨra ikufi. God Babilonɨn nguibar ekiamɨn arazir kuram gɨnɨghnɨgha, egha a gamizɨ a uan wainɨn kap bar aneme, kar Godɨn anɨngagharir arazimɨn wainɨn kap.

Aghuzir Akaba 25:23

Gɨrakɨrangɨn mɨgeir akaba gumazim gamima an guam mɨsɨngi, mati amɨnim amozim inigha izi.

Jopɨn Akɨnafarim 14:13

“Gumazamizir oveaghueziba, me ti ua ikɨrɨmɨrir igiam iniam? O God, kamaghɨn deragham, nɨ Gumazamizir Oveaghuezibar Nguibamɨn na modogh mangɨ, nɨn anɨngagharim bar amɨraghamin dughiamɨn tugh. Egh nɨ ua dughiatam, na gɨnɨghnɨghsɨ a ginabagh. Eghtɨ kɨ pura nɨ mɨzuam ikɨ mangɨtɨ, dughiar nɨ na ataghɨraghasa mɨsevezim otogham.

Dɨboboniba 22:32

Ezɨ ensel kamaghɨn a mɨgei, “Nɨ tizim bagha uan donki, 3plan dughiar kabar a mɨsoke? Nɨ oragh. Darorir nɨ amir kam, a nan damazimɨn derazir puvatɨ. Kamaghɨn amizɨ, kɨ nɨn apanimɨn mɨn nɨn tuavim apɨrasa ize.

Jona 4:11

Kɨ uaghan apangkuvir ekiam Niniven nguibar bar ekiamɨn iti. An aven, arazir kuratam gamizir puvatɨzir borir avɨriba iti, men dɨbobonim 120 tausen gafira. Egha uaghan bulmakaun bar avɨriba iti.”

Onger Akaba 36:6

Nɨn arazir aghuim bar ekevegha mɨghsɨar ekiabar mɨn tughav iti. Nɨn kotɨn aven itir arazimɨn mɨngarim, e deragha a gɨfozir puvatɨ. An ongarimɨn mɨn bar konegha vɨn mar iraghu. O Ikiavɨra Itir God, nɨ gumazamiziba ko asɨziba vɨrara deravɨra me geghuva men gari.

Ua Me Ini 15:10

Ikiavɨra Itir God, nɨ uan amɨnim dughiar vamɨran a giverazɨma, ongarim Isipia avara. Ezɨ me dagɨamɨn mɨn ongarir bar puvɨra ingarim giraghue.

Dɨboboniba 10:9

“Apaniba izɨ ian nguazimɨn ia mɨsoghsɨ damutɨ, ia faragh sɨgham givitɨ, gumaziba zuamɨra dɨkavigh mangɨ apaniba ko mɨsogham. Ia kamaghɨn damutɨ, kɨ Ikiavɨra Itir God, ian God, kɨ ia gɨnɨghnɨgh ian akuragh ian apaniba abɨraghtɨ ia deraghvɨra ikiam.

Jopɨn Akɨnafarim 12:15

Egh God amozimɨn anogoreghtɨ, aruer ekiam otoghtɨ, nguazim bar mɨsigh gavgavigham. Egh an amozir avɨrim amangtɨ faneba bar aperiar ekiaba otivtɨ, dɨpam nguazimɨn danganir avɨriba avaragh dagh asɨghasigham.

Onger Akaba 29:10

Ikiavɨra Itir God uan atrivir dabirabim gaperagha ongarir konibagh ativagha dar gari. A en atrivimɨn ikia, egh mamaghɨra ikiam.

Onger Akaba 105:42

Guizbangɨra, Ikiavɨra Itir God uan ingangarir gumazim Abraham koma Akar Dɨkɨrɨzir Gavgavim gami, egha an a gɨnɨghnɨghavɨra ikia, bizir kabagh ami.

Aisaia 44:27

Kɨ kamagh mɨkɨm suam, ongarim nɨ dakegh, eghtɨ a dakegham. Egh kɨ uaghan faner uaghira ongarim ginivizibar amightɨ, da mɨsigham.

Nahum 1:4

An ongarim dagarvagh an atartɨ, ongarim dakegham. Egha uaghan fanebagh ami da dati. Egh a suam, biziba ikuvigham, eghtɨ azeniba ko, grazir aghuariba mɨsɨngigh arɨmɨghiregham. Basanɨn nguazir aghuimɨn itir azeniba ko, Karmelɨn Mɨghsɨamɨn itir temeba ko, Lebanonɨn kantrin itir akɨmariba, da bar mɨdiava ariaghiri.

Jenesis 9:10

Egha uaghan bizir angamɨra ia ko kurimɨn ikezir kaba, kuaraziba, nguibamɨn asɨziba ko, ruarimɨn asɨzir ia ko itiba, da bar, kɨ me ko Akar Dɨkɨrɨzir Gavgavir kam gami.

Onger Akaba 115:12

Ikiavɨra Itir God zurara e gɨnɨghnɨgha mamaghɨra iti. Egh a deravɨra e damuam. A, e Israelia deravɨra e damuam. Egh uaghan Aronɨn adarasi, me ofa gamir gumaziba, a deravɨra me damuam.

Jeremaia 50:38

Asebar marvir guaba da nguibar kam gizɨfa. Ezɨ Babilonia aser kabar gɨn ghua, dar atiatia gumazir onganibar mɨn otifi. Kamaghɨn amizɨ, aruem dughiar ruarimɨn Babilonian gan me inigh mangɨtɨ, men faneba ko daghuriba bar mɨsigham.

Sekaraia 10:11

Kɨ me inightɨ me uamategh uan nguibamɨn izam, eghtɨ Isipia ko, Asiriaba ongarir ekiamɨn mɨn men tuavim apɨrightɨ, kɨ me abɨnigham. Kamaghɨra, kɨ Isipian gavgavim agɨvagh, egh uaghan Nailɨn Fanem damightɨ a mɨsigham. Eghtɨ Asirian gavgavim uaghan gɨvagham.