Jenesis 7:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Eghtɨ dughiar 7pla gɨvaghtɨ, kɨ amozim nguazimɨn anemadaghtɨ, a 40plan arueba ko dɨmagaribar arigh mamaghɨra ikiam. Eghtɨ bizir kɨ ingarizɨ angamɨra itiba, kɨ dagh asɨghasɨghtɨ, da bar arɨmɨghiregham.”

Jenesis 7:4 ပူးပေါင်းရင်းမြစ်များ

Jenesis 7:17

Ezɨ 40plan aruebar dɨpam izɨvavɨra ikia, kurim asirafa. Ezɨ kurim nguazim ategha pɨn iti.

Jenesis 7:12

Ezɨ amozir ekiam 40plan arueba ko dɨmagaribar izaghira mamaghɨra iti.

Jenesis 6:17

“Nɨ oragh! Kɨ aperiar ekiam damightɨ a nguazimɨn otogh, nguazimɨn itir bizir angamɨra itiba bar dar amightɨ da bar moghɨrama ovengam.

Jenesis 6:13

Kamaghɨn, God kamaghɨn Noa mɨgɨa ghaze, “Gumazamiziba bar uariv soghava orazir puvatɨzir arazim gami, ezɨ nguazir kam arazir kuram bar a gizɨfa. Kamaghɨn, kɨ nguazir kam sara, me gasɨghasɨghasa. Kɨ gumazamiziba bar me agɨvaghtɨ, me ua ikian kogham.

Jenesis 6:7

Egha Ikiavɨra Itir God ghaze, “Kɨ ingarizir bizir kaba bagha osemegha nan navim bɨki. Kamaghɨn, kɨ guizbangɨra gumazamizir kɨ ingarizibagh asɨghasɨghtɨ, men tav ua nguazimɨn ikian kogham. Eghtɨ kɨ asɨzir nguibamɨn itiba ko ruarimɨn itiba, ko kuaraziba bar, kɨ uaghan dagh asɨghasigham.”

Onger Akaba 69:28

Nɨ gumazamizir kabar ziaba, akɨnafarir zurara itimɨn aven da angarigh. Egh men ziaba, nɨn damazimɨn zuezir gumazamizibar ziaba koma ada osiran markɨ.

Akar Mogomem 3:5

Gumazamizir mɨdorozim gamua apaniba abɨriba, korotiar ghurghurir kamagh garitam arughtɨ, akɨnafarir God gumazamizir ikɨrɨmɨrir zurara itim iniamin ziaba osirizim, kɨ men ziaba angarighan kogham. Puvatɨ. Kɨ uan afeziam ko an enselbar damazibar gumazir kamɨn gun mɨkɨm suam, me konanaba.

Amos 4:7

“Dughiar kamɨn, ian azenibar dagheba tɨghar aghungamin iakɨnir 3pla ikiavɨra iti, ezɨ kɨ amozimɨn anogoroke. Kɨ amozim gamizɨ, a nguibar mabar ize, egha nguibar mabar puvatɨ. Kɨ amozim gamizɨ, an azenir mabagh ize, ezɨ azenir maba amoziba puvatɨgha bar mɨsɨngi.

Jopɨn Akɨnafarim 28:25

Bar fomɨra, God nɨghnigha amɨnimɨn gavgavimɨn abara, egha uaghan nɨghnigha ongarir ekiam ikiasa, a dɨpabar ababanim ati.

Jopɨn Akɨnafarim 22:16

Me tɨghar ghuram, God zuamɨra me agefi. Me bar kufi, mati dɨpenim faner ekiamɨn apɨnimɨn ikia ikufi. Egha mati aperiar gavgavim fanemɨn otogha dɨpenim gasɨghasigha an ingarizir temeba ko dagɨaba atera ghue.

Jenesis 8:12

Egha a 7plan dughiabar uam orarkegha kuarazir bunbam uam anemada. Ezɨ kuarazir bunbam ua izezir puvatɨ.

Jenesis 7:10

Dughiar 7pla gɨvazɨma, aperiar ekiam otogha nguazim gizefi.

Jenesis 8:10

Ezɨ 7plan dughiaba gɨvazɨma, Noa ua kuarazir bunbam amada.

Jenesis 6:3

Ezɨ God ghaze, “Gumazamiziba angamɨra ikiasa kɨ uan Duam me gatɨ. Ezɨ men mɨkarziba nguazir kamɨn biziba, kamaghɨn kɨ uan Duamɨn amamangatɨghtɨ, a me ko dughiar ruarimɨn ikian kogham. Datɨrɨghɨn me 120plan azenibara ikegh egh ovengam.”

Jenesis 2:5

an amozim amadazɨma a izir puvatɨ. Ezɨ nguazimɨn azenimɨn ingaramin gumazamiziba puvatɨ. Kamaghɨn, graziba ko temeba tɨghar nguazimɨn otivam.

Jenesis 7:3

Kamaghɨra nɨ kuarazir igharagha garibar 7plan amebaba ko apuriba ini. Nɨ kamaghɨn damightɨ da arɨmɨghireghan koghtɨ, dar nguziba gɨn nguazimɨn otivigh bar avɨrasemegham.

Jenesis 8:2

Ezɨ dɨpar nguazimɨn averiamɨn izim uam anadir puvatɨ. Ezɨ overiamɨn amozim izir tuaviba pɨrizɨ, amozim ua izaghirir puvatɨ.

Jeremaia 28:16

Kamaghɨn amizɨ, Ikiavɨra Itir God kamaghɨn mɨgei: Nɨn akaba gumazamizibagh ekuizɨ, me nan akaba barazir puvatɨ. Kamaghɨn, kɨ nguazir kamɨn nɨ agɨvagham. Nɨ azenir kamnaghɨram aremegham.”