Jenesis 7:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Dughiar kam Noa 600plan azeniba iti, ezɨ azenir kamɨn iakɨnir namba 2ɨn, dughiar namba 17ɨn, nguazim akam akarizɨma, dɨpar nguazimɨn averiamɨn itir ekiam akariaghɨrɨgha zuamɨram anabo. Ezɨ amozim izaghira mati me dɨpam fusfusi.

Jenesis 7:11 ပူးပေါင်းရင်းမြစ်များ

Jenesis 8:2

Ezɨ dɨpar nguazimɨn averiamɨn izim uam anadir puvatɨ. Ezɨ overiamɨn amozim izir tuaviba pɨrizɨ, amozim ua izaghirir puvatɨ.

Malakai 3:10

Ia uan biziba 10plan pozibar arigh egh dar pozir tam inigh izɨ nan dɨpenim datɨgh. Eghtɨ nan ingangarir gumaziba, dagher avɨriba ikiam. Ia kamaghɨn damightɨ, kɨ Ikiavɨra Itir Godɨn Gavgaviba Bar Itim, kɨ uan Nguibamɨn tiar akaba kuigh, uan bizir aghuiba isɨ amozimɨn mɨn da ingegham, eghtɨ ia bizir aghuir avɨrim ikɨ egh ua bizitamɨn oteveghan kogham. Ia tuavir kamɨn gɨn mangɨ damu ganigh, egh fogh suam, nan akam a bar guizbangɨra.

Jeremaia 51:16

A tiarim akarigha mɨgeima, overiam bar pamtemɨn tɨngazi. Ezɨ ghuariar pɨziba nguazir otevibar mɨgha iza, egha uari akufa. God onɨmaribagh amima, da taghtazima amozim izaghiri. Egha amɨnim asirafima, a uan danganim ataghɨragha izi.

Jeremaia 5:22

Ikiavɨra Itir God kamaghɨn ia mɨgɨa ghaze, Ia manmaghsua nan damazimɨn atiatiava agoir puvatɨ? Kɨ ongarim dɨpɨr izɨ mɨtivasa danganimɨn abaragha gɨfa, ezɨ ongarir dadarim an ongarim dɨpɨr izɨ tuivamin dɨvazimɨn mɨn ikɨ mamaghɨra ikiam. Eghtɨ ongarir ekiam pamten dɨpɨr izɨ, egh dɨvazir kam azovagh mangɨghan kogham.

2 Atriviba 7:19

Egha gumazir dapanir datɨrɨghɨn aremezir kam, a kamaghɨn Elisan akam ikaragha ghaze, “Nɨ oragh! Ikiavɨra Itir God ti uan Nguibamɨn tiar akaba kuigh dagher avɨriba e gingegham, kɨ ghaze, e zuamɨra ti dagheba dagɨar muziarimɨn kamaghɨn dagh ivezeghan kogham.” Egha Elisa kamaghɨn gumazir dapanir kam mɨgɨa ghaze, “Bar guizbangɨra, nɨ bizir kamɨn gantɨ, an otogham. Egh nɨ dagher katam ameghan kogham.”

Esekiel 26:19

“Kɨ Ikiavɨra Itir Godɨn Ekiam, kɨ kamaghɨn mɨgei: O Tair, kɨ nɨ damightɨ nɨ pura ikiam, mati nguibar ekiar akaraghirezimɨn mɨn, nɨn gumazamiziba puvatɨgham. Kɨ ongarir konir gavgavimɨn nɨ avaragham.

Onger Akaba 33:7

Gumazim dɨpam isa itam guruizɨ moghɨn, an ongarim isa danganir vamɨran anekufa. Egha ongarim gamizɨ a bar konegha nguazimɨn apengan itir danganimɨn vɨn mar iraghu.

2 Atriviba 7:2

Ezɨ gumazir dapanir atrivim geghuva a ko izezim, Elisan akam baregha, kamaghɨn an akam ikaragha ghaze, “Nɨ oragh! Ikiavɨra Itir God ti uan Nguibamɨn tiar akaba kuigh dagher avɨriba e gingegham, kɨ ghaze, e zuamɨra ti dagheba dagɨar muziarimɨn kamaghɨn dagh ivezeghan kogham.” Ezɨ Elisa kamaghɨn gumazir dapanir kam mɨgei, “Bar guizbangɨra, nɨ bizir kamɨn gantɨ, an otogham. Egh nɨ dagher katam ameghan kogham.”

Matyu 24:38

Dɨpar ekiar nguazim bar anevarazim tɨghar izamin dughiamɨn, gumazamiziba dagheba ko dɨpaba apa, uarir ikia mamaghɨra iti. Me kamaghɨn amua ikiav itima, Noa kurimɨn aven ghu.

Aisaia 24:19

Nguazim bar puvɨra nɨgh bɨghirɨ, akaba akarɨghiregh ikiam.

Onger Akaba 74:15

Faneba ko daghuriba, nɨ dɨpaba dagh atɨzɨ da ivemara uaghiri. Nɨ faner ekiabagh ami da dati.

Jenesis 6:17

“Nɨ oragh! Kɨ aperiar ekiam damightɨ a nguazimɨn otogh, nguazimɨn itir bizir angamɨra itiba bar dar amightɨ da bar moghɨrama ovengam.

Jopɨn Akɨnafarim 28:4

Me nguazir torir kaba, saghon mar ada okori, danganir kaba, gumazir igharaziba dar zuir puvatɨ. Me uarira ikia ingari. Me nguazir torir kabar beniba uari dafegha dar suigha, uaghira mangɨ izegh gamua ingangarim gami.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

2 Pita 3:6

Egha gɨn God mɨkemezɨ dɨpaba uam oto. Ezɨ aperiam bar nguazir kam avara, ezɨ nguazim bar ikufi.

Jenesis 7:6

Noa 600plan azeniba itima, aperiar kam oto.

Jopɨn Akɨnafarim 12:15

Egh God amozimɨn anogoreghtɨ, aruer ekiam otoghtɨ, nguazim bar mɨsigh gavgavigham. Egh an amozir avɨrim amangtɨ faneba bar aperiar ekiaba otivtɨ, dɨpam nguazimɨn danganir avɨriba avaragh dagh asɨghasigham.

Jopɨn Akɨnafarim 38:16

“Jop, nɨ ti ongarir dɨkɨnim giraghugha, an ganiz o? Egha dɨpaba an otivi danganibar ganiz o?

Aghuzir Akaba 3:20

Egha nɨghnɨzir aghuimɨn dɨpar ekiar nguazir averiamɨn itim gamizɨ an akariaghɨrɨgha anabo. Egha ghuariabagh amima, da uari akuvima amozim izi.

Aisaia 24:18

Eghtɨ gumazitam dughiar kurar kamɨn mɨgɨrɨgɨam bareghɨva arɨmangam, a torir ekiamɨn magɨrɨgham. Egh a uamategh anabogh arɨ mangɨsɨ, ivem gasagham. Guizbangɨra, overiam kuighirɨghtɨ, amozir ekiam nguazim giram. Eghtɨ nguazimɨn mɨngarim nɨgham.

Jenesis 8:14

Egha ghua iakɨnir namba 2ɨn, namba 27ɨn dughiam otozɨ, nguazim bar mɨsɨngi.

Jopɨn Akɨnafarim 38:37

Tina ghuariaba bar da mengamin fofozim iti? Ghuariaba mati nguazir mɨneba overiamɨn iti, ezɨ tina da fusfughtɨ amozim izighiram?