Jenesis 49:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Ezɨ Juda, nan otarim, nɨ mati laionɨn igiar mam. An asɨzibav sogha da apa, ghua bar gavgafi. Egha nɨmɨra apiav ikia uabɨ akunasavɨra gara iti, ezɨ gumazamiziba a dɨpovan atiatingi.

Jenesis 49:9 ပူးပေါင်းရင်းမြစ်များ

Dɨboboniba 24:9

Israelia, mati laionɨn bar gavgavim. A dakutɨ, tav a gaghunan atiatigham. Gumazitam deragh Israelia damusɨ mɨkɨmtɨ, God deragh a damuam. Eghtɨ gumazitam Israelia ikuvsɨ akavsiam me darɨghtɨ, God pazɨvɨra a damigham.”

Akar Mogomem 5:5

Ezɨ gumazir dapanibar mav kamaghɨn na mɨgei, “Nɨ arangan markɨ. Nɨ orakigh. Laionɨn kam Judan adarazir atrivimɨn oto, atrivir bar ekiam, an Atrivim Devitɨn ovavim, egha a mɨdorozim gamua uan apanim abɨragha gɨfa. Kamagh amizɨ, me akɨnafarimɨn 7plan kandelɨn, grisɨn mɨghɨnɨziba adegh, akɨnafarir kam onegham.”

Dɨboboniba 23:24

Ia gan! Israelɨn ikɨzim, mati laionɨn bar gavgavim. An avughsan kogh mangɨ dughiar an asɨzim suegh bar anebɨghɨrarɨgh an tuzibar amɨva an ghuzim sara dozegham.”

Maika 5:8

Eghtɨ Jekopɨn ovavir boribar ikiavɨra itir varazira, me kantrin igharazir avɨribar gumazamizibar tongɨn ikɨ, mati laion ruarimɨn itir asɨziba ko, sipsipɨn dɨvazimɨn aven itibar amasa gari. A sipsipbar tongɨn mangɨ, uabɨ fɨ sipsipbav kɨn me givi me aghoram. Eghtɨ gumazir men akurvaghamiba puvatɨgham.

Hosea 5:14

Kɨ datɨrɨghɨn bar gavgavigh laionɨn gavgavimɨn mɨn otogh Efraimia ko Judabav sogham. Kɨ uabɨ tintinimɨn me abɨghɨrarigh me kurvagh mangɨtɨ, gumazitam men akuraghan kogham.

Esekiel 19:5

Amebam a bagha dughiar ruarimɨn a mɨzua itima, a izezir puvatɨ. Ezɨ a tagha ua nguzir igharazir mam inizɨ an an danganim ini, ezɨ an an gara a geghuvima, a bar mɨkarzim saram aghungigha, laionɨn igiar aghuimɨn oto.

1 Korin 15:24

Eghtɨ nguazir kam gɨvaghamin dughiam otogham. Eghtɨ Krais duar gavgavir gumazamizibagh ativiba ko, nguazir kamɨn garir adariaba ko, aser gavgaviba, a bar me gasɨghasigham. Egh a God Bizibagh Ativamin Dughiam isɨ, God Afeziamɨn dafarim darɨgham.

Hosea 5:4

Israelia uan God ategha asebar ziaba fema, men arazir kam tuavir amizimɨn arazibar mɨn iti. Arazir kam me gativagha, pamten men nɨghnɨziba ikiagharɨsi, eghtɨ me uamategh uan God bagh izeghan kogham.

Godɨn Araziba 33:20

Egha Moses kamaghɨn Gatɨn anabamɨn adaraziv gɨa ghaze, “Ikiavɨra Itir God, Gatɨn anabamɨn nguazim gamizɨ, an ekefe. Kamaghɨn amizɨ, ia bar an ziam fɨ. Gatɨn adarasi, laionɨn mɨn, asɨzim mɨsuegh an agharim asigham o, an dapanir inim adeghasa a mɨzua iti.

2 Eghaghaniba 9:18

Atrivimɨn dabirabim bar pɨn iti, ezɨ adɨrɨziar tuiv mavanangamim, a 6plan ighuviba iti. Ezɨ ighuvir kaba, me 12plan laionɨn nedazibar ingarigha da asezɨ da tuivighav iti. Ezɨ adɨrɨziar ighuvir kaba vaghvagha laionɨn nedazir pumuning iti, mam vongɨn iti, ezɨ mam vongɨn iti. Atrivir dabirabir kam, an agharimning arɨghamin danganir pumuning iti. Ezɨ agharimning arɨghamin danganir kamningɨn boroghɨn, me laionɨn nedazir pumuningɨn ingarizɨ, mam vongɨn itima, mam vongɨn iti. Kantrin igharazibar atriviba, men atrivibar dabirabitam, tong kamaghɨn garir puvatɨ.