Jenesis 48:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Guizbangɨra, Sekemɨn nguazimɨn itir mɨghsɨar apɨrazim, a bar nguazir otevir aghuim. Ezɨ kɨ fomɨra uan mɨdorozir sabam ko pimɨn suiragha, Amoria ko mɨsuegha nguazir kam ini. Kɨ nguazir otevir kam, nɨrara danɨngam. Kɨ nɨn aveghbuabar anɨngan kogham.”

Jenesis 48:22 ပူးပေါင်းရင်းမြစ်များ

Jon Osirizir Akar Aghuim 4:5

Egha a ghua Samarian Distrighɨn aven itir nguibar mamɨn oto, an ziam Sikar. Ezɨ Sikarɨn nguibam, a nguazir Jekop uan otarim Josep ganɨngizimɨn boroghɨra iti.

Josua 24:32

Bar fomɨra, Israelian ovavim Jekop, Sekemɨn afeziam Hamor, an ovavir boriba da, nguazir otevir mam givese. An 100plan silvan dagɨabar nguazir kam givese. Bar gɨn Israelian gumazamiziba Isipɨn kantri ategha izir dughiamɨn, me uan inazir afeziam Josepɨn aghariba ateravɨra iza bar abuan uan nguazimɨn ize. Egha me datɨrɨghɨn Josepɨn aghariba isa, nguazir Jekop fomɨra ivezezimɨn dar afa. Nguazir kam, a Josepɨn ovavir boribar nguazim.

1 Eghaghaniba 5:2

Guizbangɨra, Juda uan aveghbuabar tongɨn bar gavgavigha ziar ekiam iti, ezɨ gɨn Israelian atriviba, Judan ovavir boribar tongɨn otifi. Ezɨ Josep, Israelɨn otarir ivariamɨn mɨn danganir kam ini.

Amos 2:9

“Israelia nan gumazamiziba, kɨ ia bangɨn Amoria gasɨghasɨki. Gumazir kaba temer sidabar mɨn ruarigha, egha okɨn temebar mɨn gavgafi. Ezɨ Amoria kɨ bar moghɨra me gasɨghasɨki.

Gumazir Dapaniba 11:23

Kamaghɨra, Ikiavɨra Itir God, a Israelian God, a uabɨ Amoria batuegha, men nguazim isava uan gumazamizibagh anɨngi. Kar Israelia. Ezɨ nɨ datɨrɨghɨn ua nguazir kam iniasa?

Godɨn Araziba 21:17

Otarir ivariaba zurara biziba isi moghɨn, afeziam uan biziba abigh 3plan pozibav kɨnigh, egh pozir pumuning isɨ guizɨn otarir ivariam danɨngigh. Guizbangɨra, otarir ivariar kamɨn amebam, an pam deragha a gifongezir puvatɨ, ezɨ otarir kam, kar gumazir kamɨn faraghavɨram otozir otarim. Kamaghɨn, an otarir ivariamɨn mɨn afeziamɨn biziba iniam.”

Jenesis 34:28

Egha me uaghan sipsipba, bulmakauba ko donkiba ini. Egha me bizir nguibamɨn aven itiba ko azenan itiba sara bar ada ini.

Jenesis 33:19

Hamor a Sekemɨn afeziam, Jekop an adarazi dama nguazim givese, nguazir kamɨn a uan purirpenibar ingari. Nguazir otevir kamɨn ivezim a 100 silvan dagɨaba.

Jenesis 15:16

Eghtɨ nɨn ovavir boriba ua zuamɨra nguazir kamɨn izeghan kogham. Nɨn adarazi mangɨ namba 4ɨn ovavir boriba otivigh egh uamategh nguazir kamɨn izam. Ezɨ Amorɨn iti darazi datɨrɨghɨn arazir kurar avɨritabagh amir puvatɨ. Me gɨn arazir kuratabar amutɨ, kɨ mɨzazim me gasegh egh nguazir kamɨn me batuegham. Eghtɨ nɨn ovavir boriba uamategh izam.”

Esekiel 47:13

Ikiavɨra Itir Godɨn Ekiam kamaghɨn mɨgei, “Kɨ bar fomɨra akar dɨkɨrɨzim ian inazir afeziaba bagha a gamua ghaze, kɨ Israelɨn nguazir kam isɨ ia danightɨ, a zurara ian nguazimra ikiam. Kamaghɨn amizɨ, ia nguazir kam deraghvɨra a tuisɨgh bar uari romegh Israelian anabar 12pla bagh anebɨgh me danɨng. Anababa bar, da vaghvagh nguazir otevir tam iniam, eghtɨ Josepɨn anabam, a nguazir otevir pumuning iniam. Nguazir kamɨn mɨtaghniabar, kara.

1 Eghaghaniba 1:14

Jebusia, Amoria, Girgasia ko,