Jenesis 48:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Dughiar kamɨn Jekop bar ghuri, ezɨ an damaziba deragha bizibar garir puvatɨ. Kamaghɨn, Josep borimningɨn akua iza Jekopɨn boroghɨra tuzɨ, Jekop aningɨn toregha aning muki.

Jenesis 48:10 ပူးပေါင်းရင်းမြစ်များ

Jenesis 27:27

Ezɨ an an torima Aisak an korotiabar mughuriam baregha deravɨrama a gami. Egha ghaze: “Aia, nan otarimɨn mughuriam mati dagher azenimɨn mughuriam! Azenir kam deraghasa Ikiavɨra Itir God deraghavɨram a gami.

Jenesis 27:1

Ezɨ dughiar kamɨn Aisak ghurigha an damaziba ikufi. Ezɨ a uan otarir ekiam Ison diazɨ a izima an a mɨgɨa ghaze, “Nan otarim.” Ezɨ Iso a ikaragha ghaze, “Kɨ kati.”

Aisaia 59:1

Ia oragh! Ia kamaghɨn nɨghnɨghan markɨ, Ikiavɨra Itir God ian akurvaghamin gavgaviba puvatɨ. Egh ia kamaghɨn nɨghnighan kogham, an kuariba pɨrizɨ, e an deir dɨmdiaba, an ada barazir puvatɨ.

Aisaia 6:10

Egha a uaghan kamaghɨn mɨkeme: “Nɨ gumazamizir kabav kɨmɨva, men nɨghnɨzibar amightɨ, da pɨrigh, egh men kuaribar amightɨ, me akam baraghan aghuagh, egh men damazibar amightɨ, me ganan iburagham. Puvatɨghtɨma, me ua bizitamɨn ganigh akam baregh an mɨngarim gɨfogham. Egh me navibagh iragh egh na bagh izɨtɨ, kɨ men arazir kuraba gɨn amadaghtɨ, me ua deragham.”

1 Atriviba 19:20

Egha Elaija zuima, Elisa uan ingangarir bulmakauning ategha ivegha an gɨn ghua kamaghɨn Elaija mɨgei, “Nɨ na ateghtɨ, kɨ uamategh mangɨ uan amebam ko afeziamɨn toregh aningɨn agharibar suiragh, egh izɨ nɨn gɨn mangam.” Ezɨ Elaija a mɨgɨa ghaze, “A dera, nɨ mangɨ. Kɨ nɨn anogoreghan kogham.”

1 Samuel 3:2

Dughiar kamɨn Elin damaziba an ikufi, egha kɨran oveghangɨn da bar okavigham. Dɨmagarir mamɨn a uan akuir danganimɨn akui.

Jenesis 45:15

Egha Josep bar vaghvagha uan aveghbuaba suigha azia egha men tori. Ezɨ datɨrɨghɨn aveghbuaba Josep ko mɨkɨmamin nɨghnɨzim inigha a ko mɨgei.

Jenesis 31:55

Egha bar mɨzaraghara Laban uan guivimning ko uan igiar boribar toregha me ataghɨraghamin akar aghuiba me mɨgei. Egha me ategha uamategha uan nguibamɨn ghu.

Jenesis 48:8

Ezɨ Jekop Josepɨn borimning ganigha kamaghɨn aning bagha azara, “Kar tinan borimning?”

Jenesis 48:11

Egha Jekop kamaghɨn Josep mɨgei, “Kɨ fomɨra ghaze, kɨ nɨn guamɨn ganighan kogham. Ezɨ datɨrɨghɨn God na ataghizɨ kɨ nɨ ko nɨn borimning sara, bar moghɨra ian gari.”

Godɨn Araziba 34:7

Moses 120plan azeniba ikia egha areme. Egha gavgavighvɨra iti, ezɨ an damaziba dera.

Fofozir Gumazim 12:3

Eghtɨ dughiar kamɨn, ian dafariba gavgaviba puvatɨgh inɨgham. Eghtɨ ian sueba gavgaviba puvatɨgh ikɨzɨrigham. Eghtɨ ian atariba bar asighiregh vaghvaziba ikɨtɨ, ia dagher gavgavibar aman kogham. Egh ian damaziba ikuvightɨ, ia deravɨra bizibar ganan kogham.