Jenesis 41:23 - Godɨn Eghaghanim: Akar Gavgavir Dɨkɨrɨzir Ghurim ko Igiam

²³ Ezɨ gɨn 7plan raizɨn dapanir igharaziba otifi. Amɨnir mam danganir mɨsɨngizimɨn otogha iza dagh apongezɨ da isigha, bar sufi.

Jenesis 41:23 ပူးပေါင်းရင်းမြစ်များ

Hosea 13:15

“Efraimia bar avɨrasemegha Israelian anabar igharazibagh afira. Ezɨ kɨ aruem anadi naghɨn amɨnir fefem amadagham, eghtɨ a men mozir dɨpabar amutɨ da dakegham. Egh men bizir aghuiba bar da inigh mangɨgham.

Hosea 9:16

Efraimia boriba batan kogham, mati temem an biba mɨsigha gɨfa, egh ua ban kogham. Eghtɨ tarazi boriba batɨtɨ, kɨ borir me bar ifongezir kabav soghtɨ, me arɨmɨghiregham.”

Hosea 8:7

Men arazir kuram, mati pura amɨnir muziarim, eghtɨ arazir kurar kamra, gumazamizibagh asɨghasɨgham, mati amɨnir ekiam iza gumazamizibagh asɨghasɨsi. Egha mati witɨn azenir dagheba mɨsevir puvatɨzim, ezɨ bretbar ingaramin witba puvatɨ. Eghtɨ witɨn kurar kam dagher bar muziariba mɨseveghtɨ, kantrin igharazimɨn gumazamizibara izɨ dar amam.

2 Atriviba 19:26

Ezɨ gumazamizir nguibar kabar itiba bar atiatingi. Me okam nɨghnɨgha men gavgaviba bar moghɨra gefe. Me mati, aruer dughiamɨn, amɨnir fefem iza grazibar isi da mɨdɨi moghɨn mɨsigha iti. Amɨnir fefer kam aruem anadir naghɨn ikegha iza, grazir dɨpenir siriabar aghuiba ko grazir tintinimɨn aghuibar isizɨ, da deragha aghuir puvatɨ.

Jenesis 41:6

Ezɨ gɨn 7plan raizɨn dapanir igharaziba otifi. Amɨnir mam danganir mɨsɨngizimɨn otogha iza dagh apongezɨ da isigha bar sufi.

Jenesis 41:22

Egha gɨn kɨ uam akua ua irebar mamɨn gari. Kɨ gari, 7plan raizɨn dapaniba raizɨn agharir vamɨra gata mɨsefe. Ezɨ dapanir kaba ekevegha raizɨn ovɨzir bar avɨriba ikia egha anizɨ, dughiar dar aghoramim roghɨra ize.

Jenesis 41:24

Egha raizɨn dapanir suvizir kuraba, raizɨn dapanir ekiar aghuiba apa da tuavaremezɨ da bar iraghue. Ezɨ kɨ osegha dɨkavigha, kukunir gumazir bizibar gariba kɨ uan irebamɨn gun me mɨgei, ezɨ nan irebar kɨ ganizir kamningɨn mɨngarim abɨghamin gumaziba puvatɨ.”