Jenesis 4:26 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁶ Ezɨ gɨn Set otarir mam ikia, ziam, “Enos,” a gatɨ. Dughiar kamra gumazamiziba Ikiavɨra Itir Godɨn ziam dɨbora, egha an ziam fa ghuavɨra iti.

Jenesis 4:26 ပူးပေါင်းရင်းမြစ်များ

Onger Akaba 116:17

Kɨ nɨ mɨnabɨsɨ nɨ bagh ofa damuam, egh nɨn ziamɨn dɨmɨva a fam.

1 Atriviba 18:24

Eghtɨ ia uan asem Bal ko mɨkɨm an dɨm, eghtɨ kɨ Ikiavɨra Itir God ko mɨkɨm an dɨmam. Eghtɨ godɨn manam en azangsɨzim baregh avim amadaghtɨ, a izighirɨ ofan kamɨn isightɨ, e bar fogh suam, a guizbangɨra God.” Ezɨ gumazamiziba akar kam baregha dɨa ghaze, “Bar dera! E mamaghɨra damuam.”

Sefanaia 3:9

“Dughiar kamɨn, kɨ kantriba bar dar gumazamiziba mɨgeir mɨgɨrɨgɨabagh iraghtɨ, da ua igiabar otivigham. Eghtɨ me mɨgeir mɨgɨrɨgɨaba bar zuegh bar deragham. Egh me ua aseba ko, mɨkɨman kogham, me narara mɨkɨmam. Egh me navir vamɨra ikɨ, nan ingangarim damuam.

Joel 2:32

Eghtɨ dughiar kamɨn, Ikiavɨra Itir Godɨn ziamɨn diaghamin adarasi, a men akurvagham. Eghtɨ Ikiavɨra Itir God mɨkemezɨ moghɨn, gumazamizir Saionɨn Mɨghsɨam ko Jerusalemɨn nguibamɨn itiba, men tarazi oveghan kogham. Gumazamizir Ikiavɨra Itir God ua bagha inabaziba, me men tongɨn ikɨ deraghvɨra ikiam.”

Jenesis 12:8

Egha gɨn Abram dɨkavigha ghua, aruem anadi naghɨn itir mɨghsɨar Betelɨn boroghɨn itimɨn ghu. Mɨghsɨar kam Betelɨn nguibam ko Ain nguibamɨn tizimɨn iti. Ezɨ Betel an aruem uaghiri naghɨn itima, Ai an aruem anadi naghɨn iti. Ezɨ danganir kamɨn Abram uan purirpenibar ingarigha, Ikiavɨra Itir Godɨn ziam fasa, ofa gamir dakozimɨn ingarigha, an ziam dɨbora a fe.

Luk Osirizir Akar Aghuim 3:38

Ezɨ Kenan, a Enosɨn otarim. Ezɨ Enos, a Setɨn otarim. Ezɨ Set, a Adamɨn otarim. Ezɨ Adam, a Godɨn otarim.

Jeremaia 33:16

Eghtɨ dughiar kamɨn Jerusalemɨn nguibar ekiamɨn itir darasi, me dabirabir aghuim ko navir amɨrizimɨn ikiam. Eghtɨ Judaba, God men akurvaghtɨ, me uam osɨmtɨziba puvatɨgh deravɨra ikiam. Eghtɨ me Jerusalem ziar kam a darɨgh a dɨponam, “Ikiavɨra Itir God, A Guizɨn Arazir Aghuimɨn Mɨngarim.”

Jenesis 26:25

Ezɨ Aisak ofa gamir dakozim, danganir kamɨn an ingarigha Ikiavɨra Itir Godɨn ziam fe. Egha gɨn a danganir kamɨn uan purirpenibar nguibam aghuizɨ an ingangarir gumaziba mozir par mam gɨkui.

1 Korin 1:2

ga akɨnafarir kam ia Korinɨn nguibar ekiamɨn itir sios bagha an osiri. Krais Iesus ia gamizɨma, ia a baghavɨra iti. Egha a ua bagha ia amɨsevezɨ, ia a ko poroghav iti. A ia ko, nguazimɨn itir gumazamizir Krais Iesusɨn ziam feba bar, a ia mɨsefe. Krais Iesus, en Ekiam. A men Ekiam, ko uaghan en Ekiam.

Aposel 2:21

Eghtɨ Ekiamɨn ziamɨn dɨmamin adarasi, a men akurvagham.’

Aisaia 63:19

Ezɨ e datɨrɨghɨn mati gumazamizir nɨ fomɨra me gativazir puvatɨziba. Egha mati gumazamizir nɨ uan ziam me gatɨzir puvatɨzibar mɨn iti.

Aisaia 48:1

Ia Jekopɨn anabamɨn adarasi, ia gumazamizir Israelɨn ziam itiba, ia Judan ovavir boriba, ia oragh! Ia gavgavim uan akam danɨngasa, Ikiavɨra Itir Godɨn ziam dɨbora akaba akɨri. Egha ia ghaze, ia Israelian Godɨn ziam fe. Egha ia ifara guizbangɨra an apengan ikiava, guizɨn akaba ko arazir aghuibar gɨn zuir puvatɨ.

Aisaia 44:5

Eghtɨ Kantrin Igharazibar Gumazamiziba, men tarazi nɨghnɨzir gavgavim nan ikiam. Men tarazi kamagh mɨkɨm suam, ‘E Ikiavɨra Itir Godɨn adarasi.’ Men tarazi suam, ‘E Jekopɨn anabamɨn adarasi.’ Eghtɨ tarazi uan agharibar kamaghɨn osiram, ‘E Ikiavɨra Itir God baghavɨra iti darasi.’ Men tarazi suam, ‘E Israelian adarasi.’ ”