Jenesis 4:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Egh nɨ otuegh azenibar ingarvɨra ikɨtɨ, nguazim uan ovimɨn suiraghtɨ nɨn dagheba deragh aghungan kogham. Egh nɨ uabɨ, nguibaba nɨn puvatɨghtɨma, nɨ gumazir guraghav itimɨn mɨn pura ituramɨ nguazir kamɨn danganiba bar dar aruam.”

Jenesis 4:12 ပူးပေါင်းရင်းမြစ်များ

Hosea 9:17

Gumazamizir kaba nan Godɨn akaba batogha an akamɨn gɨn zuir puvatɨ. Kamaghɨn amizɨ, an akɨrim ragh uan gumazamizibagh asaragham. Eghtɨ me kantrin igharazibar tongɨn pura guighav itir gumazamizibar mɨn ikiam.

Ofa Gami 26:36

Eghtɨ ian varazira mɨdorozimɨn arɨmɨghireghan kogh, egh mangɨ apanibar kantrin ikiam. Eghtɨ kɨ ia damutɨ ia bar puvɨram atiating, egh ia oraghtɨ, amɨnim temer dafaribagh ivangtɨ, da tɨngaghɨtɨ, ia da baregh puram atiating aregham, mati apaniba gumazibar agɨntɨzima me ari. Eghtɨ apaniba ian gɨntɨghan kogham, ia puram arɨ mangɨ tintinibar uarir ghuanang daghiram. Eghtɨ apaniba ti ia ko mɨsoghtɨ, ia me ko mɨsoghamin gavgaviba puvatɨgham.

Ofa Gami 26:20

Eghtɨ dagheba ian nguazimɨn otivan koghtɨ, ian temeba ban kogham. Kamaghɨn, ia kamaghɨn fogh suam, ian ingangarir ekiam pura mangɨ gɨvagham.

Akɨnafarir Pol Romɨn Nguibar Ekiamɨn Itir Sios Bagha Osirizim 8:20

Guizbangɨra, God fomɨra nguazimɨn itir biziba da tuisɨgha ghaze, da bar ikufi, da pura bizir kɨniba. Da uari kamaghɨn otozir pu. Puvatɨ. God uabɨ dagh amizɨ da kamaghɨn otifi. Egha da God damuamin bizir aghuim bagha mɨzuai.

Onger Akaba 109:10

An boriba dɨpeniba puvatɨgh egh onganarazibar amu ikiasa kɨ ifonge. Eghtɨ gumaziba me itir dɨpenir kuramɨn me batuegham.

Jenesis 4:14

Nɨ na mɨgɨa ghaze, kɨ bar azenitamɨn ingaran kogh, egh nɨn guamɨn bar saghon ikiam. Egh gumazir guraghav itimɨn mɨn nguazir kamɨn danganiba bar dar aruam. Kamaghɨn kɨ atiati, tarazi ua na batogh na mɨsueghtɨ, kɨ aremegham.”

Jenesis 4:13

Ezɨ Kein mɨgɨrɨgɨar kam baregha kamagh Ikiavɨra Itir God mɨgei, “Osɨmtɨzir nɨ na ganɨdir kam a bar ekefe, kɨ manmaghɨn aneteram?

Ofa Gami 26:17

Egh kɨ uabɨ ian apanim damuam. Kɨ gumazir igharaziba amadaghtɨ, me izɨ ia mɨsogh ia dɨkabɨnam. Eghtɨ gumazir kaba ia gativagham. Apaniba tɨghar ia bagh izɨ ia gɨntɨghamin dughiamɨn, ia puram atiating aregham.

Godɨn Araziba 28:15

Egha Moses ua kamaghɨn mɨgei, “Ia Ikiavɨra Itir God, ian Godɨn Akar Gavgavir kɨ datɨrɨghɨn ia ganɨdiba ko arazir a ifongeziba batuegh, deragh dar gɨn mangan koghtɨ, bizir kurar kaba ia bativam:

Joel 1:10

Azeniba pura ikia dagheba puvatɨ. Azenimɨn itir dagheba bar ikufi, kamaghɨn amizɨ, nguazim pura ikia mɨsɨngi. Ezɨ wainɨn ovɨziba bar mɨsigha gɨfa. Ezɨ olivɨn borer igiam gɨvasava ami.

Onger Akaba 107:34

Egha nguazir dagheba deragha aghuim gamizɨ, a ragha otogha amangsɨzir nguazimɨn otozɨ bizitam bar an otogha aghuir puvatɨ. Nguazir kamɨn itir gumazamiziba arazir kurabagh ami, kamaghɨn, Ikiavɨra Itir God osɨmtɨzir kaba me ganɨngi.

Aghuzir Akaba 28:17

Gumazim gumazir igharazim mɨsoghezɨ an areme, a bar paza uabɨ baragham. Eghtɨ gumazamiziba an akuraghan kogham. Eghtɨ a deravɨra daperaghan koghɨva, mangɨ an aremeghamin dughiamɨn otogham.