Jenesis 39:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ dughiar ruarim puvatɨzɨ, Potifarɨn amuim an ganigha a gifuegha a mɨgɨa ghaze, “Nɨ izɨ, na ko daku.”

Jenesis 39:7 ပူးပေါင်းရင်းမြစ်များ

2 Samuel 13:11

Tamar kekba inigha ghuava Amnon danɨngasa amima, a maghɨra an dafarim gitorogha a mɨgɨa ghaze, “Nan buaramizim, nɨ izɨ nan mɨsiamɨn na ko dakuasa kɨ ifonge.”

2 Pita 2:14

Egha me zurara amizibar gara, arazir kurabar me damuasa nɨghnɨsi. Egha me arazir kurar amiba gɨvasa nɨghnɨzir puvatɨ. Me gumazamizir nɨghnɨzir gavgavir muziariba itibagh ifarima me arazir kurabagh ami. Egha me igharaz darazir bizibar garava, dagh ifongezir arazim bar me gizɨfa. Eghtɨ God bar me gasɨghasigham!

Esekiel 16:34

Nɨ tuavimɨn amizir igharazibar mɨn amir puvatɨ. Tav kamaghɨn tuavir amizimɨn mɨn otivasa nɨ mɨgɨa nɨ gaghonezir puvatɨ. Nɨ dagɨaba isir puvatɨ. Nɨ dagɨaba isa me givesi! Guizbangɨra, nɨ bar amizir igharaghav amim.”

1 Jon 2:16

E fo, nguazir kamɨn itir gumazamizibar arazibar kara: navir ghurimɨn araziba bagha puv aguava, damazimɨn bizibar gara bar dagh ifonge, egha bizir avɨriba ikiava, kamaghɨn uarira uari fe. Arazir kaba Afeziar Ekiamɨn izir puvatɨ. Da nguazir kamɨn araziba.

Matyu 5:28

Ezɨ kɨ kamaghɨn ia mɨgei, nɨ gumazitam nɨ amizir mamɨn gara paza a gɨnɨghnɨsi, nɨ poroghamiba uari bakeir arazim uan navir averiamɨn aven, a ko a gamigha gɨfa.

Esekiel 16:32

“Nɨ mati amuir uan pam ataghɨrazim. Egha gumazir nɨ fozir puvatɨziba ko, poroghamiba uari bakeir arazim me koma a gami.

Jopɨn Akɨnafarim 31:1

Jop ua kamaghɨn mɨgei: “Kɨ uan navir averiamɨn aven uabɨ akar dɨkɨrɨzir gavgavim gamua ghaze, kɨ amizir igiatamɨn ganɨva, nɨghnɨzir kuratamɨn iran kogham.

Esekiel 16:25

Nɨ ghaze, nɨ bar amizir ganganir bar aghuim gamim, egha gumaziba tuavibar izima, nɨ me gekua uan mɨkarzim isa pura gumazir kɨnibagh anɨdi. Egha nɨn arazir tuavimɨn amiziba amir arazir kam, ekɨva ghuavɨra iti.

Jeremaia 3:3

Ezɨ bizir kam bangɨn, kɨ amozimɨn tɨvazɨma, a tong ian nguazim gizezir puvatɨ. Ezɨ ia tuavimɨn amizimɨn mɨrarama amua, akam baraghan aghuagha, aghumsɨzir puvatɨ.

Aghuzir Akaba 7:13

Ezɨ kɨ garima, amizir kam gumazir igiar kam muigha an tori. Egha an damazimningra gara egha kamaghɨn a mɨgei,

Aghuzir Akaba 5:9

Nɨ a bagh mangɨgh, egh uan ziar aghuim gasɨghasigham. Eghtɨ an pam nɨn apangkuvighan kogham. A nɨ mɨsueghtɨ nɨ uan igiamram ovegham.

Aghuzir Akaba 2:16

Eghtɨ gumazir igharazimɨn amuim nɨ ko dakusɨ apezeperir akabar nɨ mɨkɨmam, eghtɨ nɨghnɨzir aghuim nɨn akuraghtɨ nɨ an akam baraghan kogham.

Onger Akaba 119:37

Nan akuraghtɨ kɨ mɨngariba puvatɨzir arazir kuraba akɨrim ragh dagh asaragham. Nɨn akam mɨkemezɨ moghɨn nɨ deraghvɨra na damu.

Jenesis 6:2

Ezɨ Godɨn otariba gari, gumazamizibar guivir igiaba, men mɨkarzibar ganganiba bar men dera. Ezɨ me uan ifongiamɨn gɨn ghua, me isa men iti.

Aghuzir Akaba 1:10

Nan borim, arazir kurabagh amir gumazamiziba arazir kuram damusɨ nɨ gaghontɨ, nɨ men akam baraghan markɨ.

Aghuzir Akaba 6:26

Gumazitam tuavimɨn amizim koma akua arazir kuram gami, a ivezir ekiam damuan kogham, mati dagher muziarimɨn ivezim. Ezɨ gumazitam, gumazir igharazimɨn amuim koma akui, a bar ivezir ekiam damuam. Egh a uaghan aremegham.