Jenesis 39:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ Josep Potifarɨn dɨpenimɨn gara itir dughiar kamɨn, Ikiavɨra Itir God bar deragha Potifarɨn adarazigh ami. Egha Josep bangɨn, Ikiavɨra Itir God Potifarɨn dɨpenimɨn aven itir biziba ko dagher azeniba bar deragha dagh ami.

Jenesis 39:5 ပူးပေါင်းရင်းမြစ်များ

Jenesis 30:27

Ezɨ Laban a mɨgɨa ghaze, “Ga uaning inigha iti. Egh nɨ teghtɨ kɨ nɨ mɨkemeka, kɨ kamaghɨn uan aseba ko ingara egha men azaragha fo, nɨ na ko itir bizimɨn, Ikiavɨra Itir God bar deravɨra na gami.”

Aposel 27:24

‘Pol, nɨ atiatingan markɨ. Nɨ mangɨtɨ, Sisar nɨn kotiam baragh. Nɨ oragh, God nɨn azangsɨzim baregha gɨvagha nɨn apangkufi. Gumazir nɨ ko kurimɨn itiba, me oveghan kogham.’

Onger Akaba 72:17

Gumazamiziba, atrivir kamɨn ziam gɨnamangan kogham. Dughiaba bar, aruem tɨghar maghɨn anangtɨ, gumazamiziba ziar ekiam atrivir kam danɨngam. Egh gumazamiziba an ziam fam. God deragha atrivim gamir arazir kam bagh, me uaghan kamaghɨra deragh uari damusɨ Godɨn azangsɨgham.

Jenesis 12:2

“Eghtɨ kɨ nɨn ovavir boribar amightɨ, me bar avɨrasemegh, mangɨva gɨn ikɨzir gavgavir mam otogham. Egh kɨ deravɨra nɨ damu nɨ damightɨ nɨn ziam bar ekevegham. Eghtɨ nɨ bangɨn kɨ gumazamiziba deravɨra me damuamin tuavim ikiam.

Efesus 1:3

E Krais Iesusɨn poroghav iti, ezɨ tuavir kamɨn God deravɨra e gamua en duabar akurvaghasa uan Nguibamɨn otivir bizir aghuiba e ganɨdi. Kamaghɨn, e God mɨnamam, a en Ekiam Krais Iesusɨn Afeziam ko an God.

Onger Akaba 21:6

Bar guizbangɨra, nɨ bar deraghavɨrama a gami, egh nɨ deravɨram a damu kamaghɨra ikiam. Nɨ an boroghɨra ikɨtɨ, a bizir kam bagh bar akuegham.

Jenesis 19:29

God nguibar nguazir zarir kamɨn itiba bar adagh asɨghasɨki. Egha an Abraham gɨnɨghnɨgha, nguibar Lot itim gasɨghasɨgha, Lot gamizɨ an osɨmtɨzir kam gita.