Jenesis 32:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Egha mɨgɨrɨgɨar otevir kam damuasa me mɨkeme, “Gumazir ekiam Iso, kɨ nɨn ingangarir gumazim Jekop, nɨ bagha kamagh akam amadagha ghaze, kɨ bar dughiar ruarimɨn Laban ko ikegha gɨvagha egha datɨrɨghɨn uamateghasa.

Jenesis 32:4 ပူးပေါင်းရင်းမြစ်များ

Luk Osirizir Akar Aghuim 14:11

Gumazamizir uan ziaba feba, God me abɨnam. Eghtɨ gumazamizir uari abɨriba, God me feghtɨ me ziar ekiam iniam.”

Fofozir Gumazim 10:4

Eghtɨ nɨn gumazir dapanim nɨn atartɨ, nɨ uan ingangarim ataghɨraghan markɨ. A fogh suam, nɨ osɨmtɨzim iti. Egh nɨ nɨmɨra ikɨtɨ, a nɨn arazir kuram gɨnamadagham.

Aghuzir Akaba 15:1

Gumazim nɨn anɨngagham, nɨ nɨmɨram an akam ikarvaghtɨ, an anɨngagharim amɨragham. Egh nɨ uan akabar gumazir igharazim pazav a mɨkemegh, a damightɨ a bar puvɨra nɨn anɨngaghegham.

Aghuzir Akaba 6:3

Nan borim, nɨ gumazir kamɨn apengan itima, a nɨ ikiagharɨki. Kamaghɨn nɨ iver kam zuamɨram an azenim girɨgh. Nɨ ua mangɨ a mɨkemegh, gua akar dɨkɨrɨzir kam ua anekɨrigh nɨ fɨrighɨrɨgham. Arazir kam nɨn ziam abɨrazɨ nɨ aghumsɨsi. Pura bizim. Nɨ mangɨva anekɨrigh.

1 Atriviba 20:32

Ezɨ Benhadat men azangsɨzimɨn amamangatɨzɨ, me azirakar korotiaba aghuigha, benim inigha uan fɨribagh ike. Egha me Atrivim Ahap bagha ghua kamaghɨn a mɨgei, “Nɨn ingangarir gumazim, Benhadat ghaze, nɨ an apangkuvigh, a mɨsueghtɨ an aremeghan markɨ.” Ezɨ Ahap me mɨgɨa ghaze, “An angamɨra iti, o? A dera. A mati nan aveghbuam.”

1 Samuel 26:17

Ezɨ Sol oregha fo kar Devitɨn tiarim, egha a dɨkavigha ghaze, “Devit nan otarim, kar nɨn tiarimra, o?” Ezɨ Devit ghaze, “Are, nan gumazir ekiam, nan atrivim, kar kɨrara.”

Ua Me Ini 32:22

Ezɨ Aron a ikaragha ghaze, “Gumazir ekiam, nɨ nan anɨngaghan markɨ. Gumazamizir kaba nɨ fomɨra me gɨfo. Me arazir kuram damuasa bar kufi.

Jenesis 33:8

Ezɨ Iso ghaze, “Gumazir sipsipba ko asɨzir maba sara inigha faragha zuiba kɨ me bato. Ezɨ kar, nɨ bizir mɨngarir tizim gata da amada?” Ezɨ Jekop a ikaragha ghaze, “O gumazir ekiam, mar nɨ bizir mabar gan na gifueghasa, kɨ da amada.”

Jenesis 32:18

Eghtɨ nɨ kamaghɨn an akam ikaragh, ‘Asɨzir kaba, kar nɨn ingangarir gumazim, Jekopɨn naba. Nɨ Jekopɨn gumazir ekiamɨn mɨn itima, a bizir kaba bizir aghuibar mɨn nɨ bagha da amadazɨ da izi. Ezɨ Jekop uabɨ gɨn izi.’ ”

Jenesis 32:5

Kɨ bulmakauba, donkiba, sipsipba, memeba, pura ingangarir gumaziba ko amiziba iti. Ezɨ nan gumazir ekiam, kɨ nɨn azai, nɨ navim na danɨngigh.”

Jenesis 27:37

Ezɨ Aisak a ikaragha ghaze, “A nɨ gativaghamin gavgavim kɨ a ganigha gɨfa, egha kɨ ghaze, nɨn adarazi bar an ingangarir gumazibar ikiam. Egha kɨ witɨn avɨriba ko wainɨn avɨriba a ganigha gɨfa. Ezɨ nan otarim, kɨ datɨrɨghɨn nɨ bagh damuamin biziba bar puvatɨ.”

Jenesis 27:29

Kɨ kamaghɨn Godɨn azai, nguazimɨn itir gumazamiziba nɨn ingangarir gumazibar mɨn ikiam, eghtɨ kantrin mabar gumazamiziba nɨn apengan ikiam. Eghtɨ nɨ uan aveghbuaba me gativagh men ganam. Eghtɨ nɨn amebamɨn ovavir boriba nɨn apengan ikiam. Eghtɨ gumazir paza nɨ damuasa Godɨn azangsɨziba, kɨ kamaghɨn Godɨn azai, eghtɨ a me gasɨghasigham. Eghtɨ gumazir deragh nɨ damusɨ nɨ bagha Godɨn azangsɨziba, kɨ kamaghɨn Godɨn azai, a uaghan deraghvɨram me damuam.”

Jenesis 23:6

“Gumazir ekiam, nɨ orakigh. Nɨ gumazir dapanir bar aghuim. Nɨ uan amuim en dagɨar mozir aghuitamɨn anefɨ. En gumazitam nɨn anogoroghan kogham. Nɨ uabɨ danganir aghuitam ginabaghtɨ, nguazimɨn afeziam pura nɨ danɨngam.”

Jenesis 4:7

Nɨ arazir aghuim damightɨ, kɨ nɨn ofa gifongeghtɨ, nɨ bar akuegham. Egh nɨ arazir kuram damightɨ, arazir kuram nɨ gasɨghasɨghasa, nɨ mɨzuai. Egha arazir kuram nɨ abɨnasa bar ifonge. Kamaghɨra nɨ uaghan gavgavigh anebɨn.”

Jenesis 31:41

Kɨ 14plan azenibar nɨn guivimning inigh aningɨn ikiasa ingari, egha kɨ 6plan azenibar nɨn sipsipba ko memen taba iniasa ingari. Kɨ 20plan azeniba bar, nɨ ko ikia egha nɨn ingari. Ezɨ nɨ nan ivezim dughiar avɨribar a giraghɨragha na ganɨdi.

Aghuzir Akaba 25:15

Nɨ nɨmɨra mɨgɨava zuamɨram atarir puvatɨ, nɨ gumazir nɨn akam baraghan aghuazibar amutɨ, me navibagh iragham. Egh nɨ uaghan gumazir dapanibar nɨghnɨzibagh iragham.

Jenesis 25:30

Egha mɨtiriam puv ana aghezɨma a kamagh Jekop mɨgei, “Mɨtiriam puv nan azi. Nɨ dɨparsɨzir aghevir nɨ isamizir matam na danɨngigh.” Kamaghɨn me gɨn “Iso,” ziar igharazim, “Idom,” a gatɨ.

Jenesis 33:14

Nan ekiam, nɨ mar en faragh mangɨtɨ, kɨ aghumra asɨziba ko uan boriba inigh nɨn gɨn izam. Egh gɨn Idomɨn nguazimɨn nɨ bativam.”

Jenesis 36:8

Kamaghɨn, Iso ghua Seirɨn Mɨghsɨabar nguibamɨn apera. Idom, kar Ison ziar igharazim.

Jenesis 36:9

Ezɨ Ison boribar ziabar kara: Iso uabɨ, a Idomian afeziam, me Seirɨn Mɨghsɨabar iti.

Gumazir Dapaniba 5:4

O Ikiavɨra Itir God, nɨ Seirɨn Mɨghsɨam ataghizir dughiam, kar Idomɨn nguazim, nɨ izaghirima, mɨkɨmkɨzim nguazim gɨnobazɨ, amozim arigha mɨghsɨabar izaghiri. Bar guizbangɨra, dɨpar dafam overiamɨn ghuariabar ikegha nguazimɨn izaghiri.

Aisaia 21:11

Ikiavɨra Itir God, Duman nguibar ekiamɨn otivamin bizibar gun mɨgei. Idomian kantrin itir gumaziba dɨa kamaghɨn azangsɨsi, “O apaniba bagha garir gumazim, dɨmagarim manadɨzoghɨn gɨvagham? A bar guizbangɨra, dughiar manamɨn gɨvagham?”