Jenesis 3:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ guaratɨzir orangtɨzimɨn, aning orazima Ikiavɨra Itir Godɨn Gavgavim, an azenir kamɨn arua izi, ezɨ aning temebar tongɨn modo.

Jenesis 3:8 ပူးပေါင်းရင်းမြစ်များ

Jeremaia 23:24

Eghtɨ gumazitam mangɨ igharagh modogham, eghtɨ kɨ Ikiavɨra Itir God, kɨ ti an ganighan kogham? Puvatɨ. Kɨ Ikiavɨra Itir God, kɨ bar overiam ko nguazimɨn iti. Kamaghɨn amizɨ, kɨ gumazir kamɨn gari.

Aghuzir Akaba 15:3

Ikiavɨra Itir God bar bizibar garima da bar nguazimɨn otifi, egha a uaghan gumazir aghuiba ko gumazir kurabar gari.

Hibru 4:13

Ezɨ bizir God ingariziba, tam Godɨn damazimɨn modoghan kogham. Bar puvatɨ. Ezɨ biziba bar kuiaghiregha Godɨn damazimɨn bar azenara ikiam. Eghtɨ Godra arazir e amiba tuisɨghtɨma e dar a geghanam.

Akɨnafarir Pol Romɨn Nguibar Ekiamɨn Itir Sios Bagha Osirizim 2:15

Me amir arazir kamɨn e fo, God Moses Osirizir Arazibar akam men navir averiabar an osirizɨma an azenim girɨ. Dughiar maba men nɨghnɨzimra akam me gasi; egha dughiar maba men nɨghnɨzim ghaze, ia deravɨram ami. Kamaghɨn amizɨ, nɨghnɨzir men navir averiabar aven itir kam uaghan kamaghɨn en aka, Moses Osirizir Araziba guizbangɨra men navir averiabar aven iti.

Jenesis 3:10

Ezɨ gumazim an akam ikaragha kamaghɨn mɨgei, “Kɨ bibiamra iti. Kɨ nɨ barazi, nɨ azenir kamɨn arua izi, kamaghɨn kɨ atiatigha modo.”

Jona 1:3

Ezɨ puvatɨ Jona Ikiavɨra Itir Godɨn arɨ, nguibar ekiam Tarsisɨn mangasa nɨghnɨsi. Egha Jopan nguibar ekiamɨn uaghira kuriba itir danganimɨn gari, ezɨ Tarsisɨn mangamin kurir mam iti. Ezɨ a uan kurir ivezim akɨrigha gɨvagha kurimɨn ingarir gumaziba ko kurimɨn bɨragha Ekiamɨn arava Tarsisɨn zui.

Jopɨn Akɨnafarim 31:33

Gumazamizir igharaziba arazir kurar mabagh amua ti da modi. Kɨ uaghan arazir kuratam gamigha ti a modoghai, kamaghɨn amizɨ, kɨ uan dɨpenimra modoghav ikia, gumazamizir igharaziba ko mɨgeir puvatɨghai. Nan arazir kamɨn, me fogh suam, kɨ arazir kuram gamigha, nguibamɨn gumazamizibar atiati. Eghtɨ me na dɨpova nan ziam gasɨghasɨgham. Ezɨ puvatɨ. Kɨ arazir kuratam gamizir puvatɨ. Kɨ mongamin arazir kuraba puvatɨ.

Jopɨn Akɨnafarim 38:1

Ikiavɨra Itir God amɨnir ekiam ko amozimɨn aven ikia kamaghɨn Jopɨn akam ikaragha ghaze:

Godɨn Araziba 23:14

Ikiavɨra Itir God, ian God, zurara ia ko ia itir danganimɨn ikɨ, egh ian akurvaghtɨ ia uan apaniba abɨnam. Kamaghɨn, ia itir danganim Godɨn damazimɨn zurara zuegh ikɨ. Ia Godɨn damazimɨn bizitam damightɨ a Godɨn damazimɨn mɨzeghtɨ, Ikiavɨra Itir God akɨrim ragh ia gasaragham.”

Godɨn Araziba 5:25

E bizir tizim bagh datɨrɨghɨn ovengam? Avir ekiar kam ti e gasɨghasigham. E ti Ikiavɨra Itir God baraghtɨ an e mɨkɨmtɨ, e arɨghiregham.

Godɨn Araziba 4:33

Gumazamizir igharazitaba, ti God barazi, an avimɨn aven ikia mɨkeme? Puvatɨ. Ia ikia a barazi a mɨgei, ezɨ ia ariaghirezir puvatɨ.

Akar Mogomem 6:15

Ezɨ nguazimɨn atriviba ko gumazamizir ziaba itiba ko mɨdorozir gumazir dapaniba ko dagɨaba itir gumazamiziba ko gumazamizir gavgaviba ko pura ingangarir gumazamizir kɨniba ko gumazamizir fɨriaghɨreziba, me bar moghɨra ghua marazi dagɨar toribar aven mongezɨ marazi mɨghsɨabar itir dagɨar ekiabar gɨrakɨrangɨn monge.

Jenesis 18:33

Ezɨ Ikiavɨra Itir God Abraham ko uaning mɨkemegha gɨvagha ghu. Ezɨ Abraham uamategha uan dɨpenimɨn ghu.

Ofa Gami 26:12

Kɨ ian tongɨn daruva ian Godɨn ikiam. Eghtɨ ia nan gumazamizibar ikiam.

Hosea 10:8

Asebar ziaba fer danganiba, da mɨghsɨabar pɨn iti, ezɨ Israelia kagh men ziaba fa arazir kurabagh ami. Eghtɨ God danganir kabagh asɨghasigham, eghtɨ ogheba ko benir dɨkoniba aghung ofa gamir danganir kaba avegham. Eghtɨ gumazamiziba apanibar mongsɨ, kamaghɨn mɨghsɨabav kɨmam, “Ia e gisɨn irɨva e mongegh.”