Jenesis 3:20 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁰ Ezɨ gumazim kamaghɨn nɨghnɨsi, an amuim, gumazamiziba bar men ovavir amizimɨn otogham. Kamaghɨn, a ziam, “Iv,” a gatɨ.

Jenesis 3:20 ပူးပေါင်းရင်းမြစ်များ

Matyu 1:23

A kamaghɨn mɨkeme: “Amizir gumazitam ko akuizir puvatɨzim navim asegh, otaritam bategham. Eghtɨ me ziar kam Emanuel a darɨgham, ziar kamɨn mɨngarim kara, ‘God e ko iti.’ ”

Jenesis 2:23

Ezɨ gumazim amizimɨn ganigha mɨgɨa ghaze: “Ame! Datɨrɨghɨn, kar guizbangɨra nan roroam. An agharim, kar nan agharim, ezɨ an tuzim, kar nan tuzim. Ikiavɨra Itir Godɨn Gavgavim nan agharimɨn an ingarizɨ, kɨ datɨrɨghɨn kamagh a dɨponam, ‘Amizim.’ ”

Jenesis 5:29

Ezɨ Lamek ghaze, “Fomɨra Ikiavɨra Itir God nguazir kam gasɨghasɨgha ghaze, dagheba deragh an otivan kogham. Eghtɨ kamaghɨn e ingangarir dafabar amutɨ, dagheba deragh otivam. Eghtɨ otarir kam nguazim damutɨ dagheba deragh otivtɨ e tong avughsɨ, egh puvɨra ingaran kogham.” Kamaghɨn, Lamek ziam Noa, uan otarim gatɨ.

Aposel 17:26

Ezɨ God gumazir vamɨran ingari, egha an ovavir kamɨn a gumazamiziba bar men ingari. Egha me isa nguazimɨn danganiba bar dagh arɨki. Egha a uabɨ me ikiamin ikɨrɨmɨrimɨn dughiaba arɨki. Egha danganir me itiba a me bagha nguazir mɨtaghniaba arɨki.

Matyu 1:21

An otarim bateghtɨma, eghtɨ a uan gumazamizibar arazir kuraba gɨn amadagh men akurvagham. Kamaghɨn nɨ ziam Iesus a datɨgh.”

1 Samuel 1:20

Dughiar mong otevimɨn gɨn, Hana navim asegha otarim bate. Egha ghaze, “Kɨ Ikiavɨra Itir Godɨn azarazɨma, a borir kam na ganɨngi. Ezɨ kɨ ziam Samuel a gatɨ.”

Ua Me Ini 2:10

Gɨn borir kam ekevezɨma, an amebam a inigha atrivimɨn guivim bagha ghu. Ezɨ atrivimɨn guivim, otarir kam, mati an otozir borimɨn mɨrara ua bagha a gami. Egha a kamaghɨn uabɨ mɨgei, “Kɨ dɨpamɨn a isava azenim gatɨ. Kamaghɨn, kɨ ziam, Moses, a darɨgham.”

Jenesis 35:18

Ezɨ Resel ovengasa abuan dɨghorim ingara egha, otarim ziam, “Benoni,” a gatɨ. Ezɨ an afeziam gɨn ziam, “Benjamin,” a gatɨ.

Jenesis 16:11

Egha Ikiavɨra Itir Godɨn ensel ua mɨgei: “Nɨ orakigh. Nɨ borim batamin dughiam, a roghɨra izi. Guizbangɨra, nɨ osɨmtɨzim iti, ezɨ Ikiavɨra Itir God nɨn osɨmtɨzim baraki. Kamaghɨn, nɨ otarim bategh ziam Ismael a datɨgh.

2 Korin 11:3

Ia kuruzim fomɨra Iv gifarazimɨn eghaghanim gɨnɨghnɨgh. Kɨ kamaghɨn atiati, bizir Iv batozir kam uaghan ia batogham. Gumazir kuram ia gifaraghan maraghe, eghtɨ ia ua Krais baghavɨra itir guizɨn arazim ategham.

1 Timoti 2:13

Ia oragh! God faragha Adamɨn ingarigha, gɨn Ivɨn ingari.

Jenesis 3:21

Ezɨ gɨn Ikiavɨra Itir Godɨn Gavgavim asɨzimɨn inim inigha korotiamningɨn ingari, egha Adam uan amuim ko aning ganɨngizɨ, aning da aghui.