Jenesis 3:18 - Godɨn Eghaghanim: Akar Gavgavir Dɨkɨrɨzir Ghurim ko Igiam

^18-19 Eghtɨ benir ataghatariba ko benir kuraba otiv, nɨn azenimɨn aghung anevaragham. Egh nɨ dagheba inisɨ, ingangarir ekiabar amutɨ, doriba nɨn agham. Egh nɨ zurara kamaghɨra puvɨra ingar mangɨ, ovegh uamategh nguazimɨn mangam. Guizbangɨra, kɨ nguazimɨn nɨn ingari, ezɨ nɨ uamategh nguazimɨn mangam.”

Jenesis 3:18 ပူးပေါင်းရင်းမြစ်များ

Matyu 13:7

Ezɨ witɨn ovɨzir maba benir dɨkoniba itir nguazim giregha, benibar tongɨn afuangizɨ, benir dɨkoniba aghuava da ikiagharɨki. Ezɨ dar ovɨziba mɨsevezir puvatɨ.

Aisaia 7:23

“Dughiar kamɨn ian azeniba bar moghɨra ikuvigham. Datɨrɨghɨn wainɨn azeniba da wainɨn ikarɨzir 1,000pla iti, ezɨ azeniba vaghvagha dar ivezim 1,000 kina. Eghtɨ gɨn temer ataghatariba itiba ko benir kuraba otivigh azenir kaba avegham. Eghtɨ gumaziba danganir kabar asɨziba burisɨ, me uan barir piba sara mangam.

Jopɨn Akɨnafarim 5:5

Gumazamizir dagheba puvatɨgha kuariba pɨriba, me izɨ gumazir kurar kabar azenibar dagheba iniam. Egh me uaghan benir ataghataribar aven itir dagheba sara iniam. Egh me uaghan men dagɨaba ko bizir igharaziba sara inisɨ nɨghnɨgham.

Hibru 6:8

Eghtɨ benir ataghatariba ko benir kuraba an ikɨtɨ, kamaghɨn nguazim ikuvigham. A dughiar ruarim ikeghan kogham, eghtɨ God suam, nɨ ikufi, nɨ bar isigham.

Jeremaia 4:3

Ikiavɨra Itir God, kamaghɨn Judaba ko Jerusalemia mɨgɨa ghaze: “Ia akaba barazir puvatɨgha, naviba bar gavgafi. Ia tong uan navibar amightɨ da amɨragh, mati nguazir ararir gavgavim me anebɨgha anemɨsarizɨ moghɨn ikɨ. Ian arazir kuraba ian dabirabibagh asɨghasɨsi. Ia uan arazir kuraba adegh da makunigh, mati gumazim akunimɨn ingarigha, an tongɨn aghuir ikarɨzir dɨkoniba itiba asizɨ, dagheba deravɨram aghui.

Aisaia 32:13

Benir ataghatariba ko oghevsevir kuraba nguazir kam avaragham, kamaghɨn ia nan gumazamiziba nguazim bagh azirakabar amu. Guizbangɨra, ia dɨpenir bar dirir ia bar ifongeziba, ia fomɨra dagh nɨghnɨgha da bagha bar akonge, egh datɨrɨghɨn ia da bagh azirakabar amu. Ia fomɨra uan nguibar ekiamɨn ikia bar akonge, egh gɨn, ia a bagh osemegham.

Aisaia 5:6

Kɨ nguazim damightɨ ruarim a batoghtɨ dɨkoniba itir ikarɨziba azenir kamɨn avegham. Kɨ wainɨn azenimɨn ogher kuraba asian kogh, egh ikarɨzibar aghariba aghoran kogham. Kɨ uaghan ghuariabav kemeghtɨ, da amozimɨn tɨvaghtɨ a wainɨn azenir kam gizan kogham.”

Aghuzir Akaba 22:5

Bizir gumazamizibagh amima me daighira ikuvim, da gumazamizir arazir kurabagh amibar tuavimɨn iti. Eghtɨ gumazim deragh ikɨsɨ, a deraghvɨra uan darorimɨn ganɨva, bizir kurar kabagh itavɨragh.

Jopɨn Akɨnafarim 31:40

wit ko balin ovɨzir kɨ opariziba, benir dɨkoniba ko ogher kuraba dar danganim inigh nguazir kamɨn aghungam.” Jopɨn mɨgɨrɨgɨaba iza kagh tu.

Josua 23:13

egh ia kamaghɨn fogh, God ikɨzir kaba me batueghan kogham. Eghtɨ me azuaziba asɨzibar suizi moghɨn, ia bagh azuaziba guightɨ da ian suigham. Egh ian akɨraghariba ifozoroghtɨ, ia mɨzaziba baraghtɨ, me dɨkonibar ian damazibagh inivɨghasam. Eghtɨ Ikiavɨra Itir God, ia ganɨngizir nguazir aghuir kam, ia an ikɨ mɨzazir kaba ini mangɨ gɨn ia ovengam.

Jeremaia 12:13

Ia Israelia witɨn ovɨziba oparigh, da iniamim dughiamɨn, ia benir dɨkonibar gantɨ darara ikiam. Ia pura ingangarir mɨtɨabagh amua bizir muziaribara isi. Kɨ Ikiavɨra Itir God, nan anɨngagharim ian ikiavɨra iti, kamaghɨn ia witɨn ovɨzir muziariba bangɨn aghumsɨgham.”

Aghuzir Akaba 24:31

Ezɨ ogher kuram ko dɨkonir beniba dagher azenir kamɨn ave. Ezɨ dagɨar dɨvazir azenir kam avɨnizim, a dɨpɨriaghirɨgha irɨ.

Onger Akaba 104:2

Angazangarim nɨ avara, mati gumazim inim avara. Nɨ overiam atɨzɨma mɨkoveziba bar iti, mati gumazim purirpenim asaragha benimɨn a ikezɨma a iti.

Onger Akaba 90:3

Nɨ nguazimɨn gumazamizibagh amima, me arɨmɨghira ua ghua nguazim gava. Nɨ ghaze, “Ia nguazimɨn gumazamiziba, ia arɨmɨghirɨ ua nguazim gavagh.”

Jopɨn Akɨnafarim 1:21

Egha a kamaghɨn mɨgei, “Nan amebam na batezir dughiamɨn, kɨ bizitam inigha izezir puvatɨ. Kɨ bibiamra ize. Egh kamaghɨra, kɨ aremegh pura mangam. Ikiavɨra Itir God uabɨ bizir kaba na ganigha, egha datɨrɨghɨn ua da ini. Kamaghɨn, kɨ an ziam fe.”

Akɨnafarir Pol Romɨn Nguibar Ekiamɨn Itir Sios Bagha Osirizim 14:2

Gumazir nɨghnɨzir gavgavim itim, a biziba bar ada api. Ezɨ gumazir nɨghnɨzir gavgavim mong gavgavizir puvatɨzim, an asɨziba apir puvatɨ.

Jenesis 3:17

Egha God kamaghɨn Adam mɨgei, “Nɨ uan amuimɨn akam baregha, temer ovɨzir nɨ daman kɨ nɨn anogoroghezim ame. Kamaghɨn nɨ amizir arazir kam bangɨn, kɨ datɨrɨghɨn nguazim gasɨghasightɨ, dagheba deragh an otivan kogham. Egh nɨ zurara nguazir kamɨn ikiamin dughiamɨn, nɨ dagheba deragh otivsɨ, ingangarir dafabara nguazimɨn dar amuam.