Jenesis 3:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Ezɨ God kamaghɨn amizim mɨgei, “Nɨ navim asangamin dughiamɨn, kɨ osɨmtɨzim nɨ danɨngam. Egh nɨ borim batamin dughiam, nɨ mɨzazir dafamra iniam. Egh nɨ uan pam gifueghɨvɨra ikɨtɨ, a nɨ gativagh nɨn ganvɨra ikiam.”

Jenesis 3:16 ပူးပေါင်းရင်းမြစ်များ

Taitus 2:5

Eghtɨ amizir igiaba uan navir ghurimɨn araziba dɨkabɨn, egh me Godɨn damazimɨn bar zuegh ikɨ. Egh me arazir bar deravɨra uan dɨpenibar ganamim gɨfogham. Egh igharaz darazir akurvaghamin arazim damu. Egh me vaghvagh uan pabar apengan ikɨ me baghɨvɨra ikɨ. Igharaz darazi akar kurabar Godɨn akamɨn mɨkɨman koghsɨ, amizir ghuriba amizir igiabar sure damutɨ, me navir ghurimɨn araziba dɨkabɨn.

Kolosi 3:18

Ia amuiba vaghvagh, uan pabar apengan ikɨ me baghɨvɨra ikɨ. Kar Ekiam ifongezir arazim.

1 Korin 11:3

Egha kɨ kamaghsua, ia uaghan mɨgɨrɨgɨar igharazir mam gɨfogh, a kamakɨn: Krais, a gumaziba bar men dapanim, ezɨ pam uan amuimɨn dapanim, ezɨ God Kraisɨn dapanim.

1 Timoti 2:15

Amizim boriba batir ingangarim damuva, egh nɨghnɨzir gavgavim zurara Kraisɨn ikɨva uabɨ isɨva a danɨngɨva zuegh ikɨ, egh a igharaz darazigh ifongegh, arazir aghuibar gɨn mangɨtɨ, God an akuragham.

1 Korin 7:4

Amizim uabɨ, uan inivafɨzim gativan kogham. Puvatɨ, pam a gatifa. Kamaghɨra, gumazim uabɨ, uan inivafɨzim gativan kogham. Puvatɨ, amuim a gatifa.

Jon Osirizir Akar Aghuim 16:21

Amizim borim batasava amuava, a fo, a mɨzazim iniamin dughiam otogha gɨfa. Kamaghɨn an oseme. Egha an otegha gɨvagha, a ua mɨzazir kam gɨnɨghnɨzir puvatɨ. An borim nguazimɨn otogha gɨfa, kamaghɨn amizɨ, a bar akonge.

Jenesis 4:7

Nɨ arazir aghuim damightɨ, kɨ nɨn ofa gifongeghtɨ, nɨ bar akuegham. Egh nɨ arazir kuram damightɨ, arazir kuram nɨ gasɨghasɨghasa, nɨ mɨzuai. Egha arazir kuram nɨ abɨnasa bar ifonge. Kamaghɨra nɨ uaghan gavgavigh anebɨn.”

Jeremaia 6:24

Ezɨ Jerusalemia kamaghɨn mɨgei: “E apanir kam, an eghaghanim baregha gɨfa. Egha e men atiatia agharapaniba bar en amia. E nɨghnɨghava avenge, en ararem mati, amizim borim batasa mɨzazir ekiam isava arai.

Dɨboboniba 30:13

Amizimɨn pam, an akar dɨkɨrɨzir an amizimɨn amamangatɨgham o, a an anogoregham, eghtɨ amizim uan pamɨn nɨghnɨzimɨn gɨn mangɨ.

1 Tesalonika 5:3

Gumazamiziba kamaghɨn mɨkɨmam, “Datɨrɨghɨn dughiar amɨrizim e batozɨ, e deravɨra iti.” Eghtɨ bizir me gasɨghasɨghamim bar zuamɨra me batogham, mati mɨzazir amizir naviba adaiba borim batasa isir mɨzaziba. Men tav osɨmtɨzir kam gitagh arɨ mangan kogham.

Esta 1:20

Eghtɨ nɨn akam nguibar nɨ gariba bar dar mangɨghtɨ, amiziba bar uan pabar akaba baragh men apengan ikiam, gumazir ziaba itiba ko ziaba puvatɨziba uaghara.”

Jeremaia 22:23

Me faragha Lebanonɨn temer sidan temer ararir aghuibar nɨn dɨpenimɨn ingari, ezɨ nɨ dabirabir aghuim iti. Ezɨ noka, nɨ mɨzazir ekiam iniam, mati amizim borim batasa mɨzazir ekiam isi moghɨn, nɨ bar puvɨram arangam.

Jeremaia 13:21

Eghtɨ gumazir nɨ namakabagh amigha akurvaghiziba, me izɨ nɨ dɨkabɨragh nɨ gativam. Eghtɨ nɨ manmaghɨn me mɨkɨmam? Nɨ amizim otasa mɨzazim isi moghɨn, nɨ ti mɨzazir bar kuram baragham.

Aisaia 21:3

Irebar kam na gamima, kɨ bar atiatigha aguaghfagha, mati amizim borim batasa mɨzazim isi moghɨn, kɨ mɨzazir bar dafam isi. Kɨ bar atiatigha nan nɨghnɨzim bar ikufi, egha kɨ bizitamɨn ganan bar aghuagha, akatam baraghan bar aghua.

Aisaia 13:8

Me nɨgh bar atiatighɨva, mɨzazir bar ekiaba baragham, mati amizim borim batasa mɨzazim isi moghɨn, me mɨzazim iniam. Me dɨgavir kuram damutɨ, men guabara uarir akakagh suam, me mɨzazir bar ekiam isi. Egh me uarira uan guabar ganamin dughiamɨn, me bar atiatigham.

Jeremaia 49:24

Damaskusɨn gumazamiziba ua gavgaviba puvatɨ. Me mati amizir mam arasa atiatim a gamima an aran ibura. Me mɨzazir ekiam ko osɨmtɨzim iti, mati amizim borim batasa mɨzazim isi.

Jeremaia 4:31

Kɨ ararem barazi, mati amizim otasava amir ararem. Egha uaghan mati amizim datɨrɨghɨram otɨrɨmɨrir igiam gami, egha mɨzazir ekiam isi. Kar Saionɨn nguibar ekiamɨn ararem. A bar avɨghaghegha, uan aghariba kavkɨra, kamaghɨn mɨgei, “E uarir apangkufi! E ikuvigha gɨfa. Apaniba e mɨsueghtɨ e arɨmighiram.”

Aisaia 53:11

Ezɨ osɨmtɨzir ekiar an aterezir kamɨn gɨn, a bizir bar aghuibar gantɨ da otivam, eghtɨ a bar akuegham. Ezɨ Ikiavɨra Itir God kamaghɨn mɨgei, “Nan ingangarir gumazir nan damazimɨn derazir kam, a deraghavɨra na gɨfo. Egha a gumazamizir avɨribar arazir kuraba ateri, egh arazir kamɨn a me damutɨ, me nan damazimɨn derazir gumazamizibar otivigham.

Onger Akaba 48:6

Me nguibamɨn gara nɨghava agoa mɨzazim isi, mati amizim borim batasa mɨzazim isi.

1 Timoti 2:13

Ia oragh! God faragha Adamɨn ingarigha, gɨn Ivɨn ingari.

1 Eghaghaniba 4:9

Gumazir mam iti, an ziam Jabes. An araziba bar deragha uan aveghbuabar araziba bar dagh afira. Ezɨ gumazamiziba bar an ziam fe. Jabesɨn amebam a batir dughiamɨn, a bar mɨzazir ekiam ini. Kamaghɨn amizɨma, a ziam Jabes, a gatɨ.