Jenesis 3:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ gumazim an akam ikaragha kamaghɨn mɨgei, “Kɨ bibiamra iti. Kɨ nɨ barazi, nɨ azenir kamɨn arua izi, kamaghɨn kɨ atiatigha modo.”

Jenesis 3:10 ပူးပေါင်းရင်းမြစ်များ

Jenesis 2:25

Ezɨ gumazim uan amuim ko, aning bibiamra ikia, egha aghumsɨzir puvatɨ.

Aisaia 57:11

“Ia bar tinaram atiatia, na gifara akɨrim ragha na gasaragha bar na bakɨnɨghnɨki? Kɨ ti bar dughiar ruarimɨn ian atarizir puvatɨ, kamaghɨn amizɨ, ia ua nan atiatir puvatɨ.

Aisaia 47:3

Gumaziba nɨn korotiaba sueghtɨ, nɨ bibiamra ikɨ bar aghumsigham. Kɨ nɨn arazir kuram ikarvaghsɨ ivezir bar kuram isɨ nɨ danɨngtɨ, gumazitam nan anogoreghan kogham.”

Onger Akaba 119:120

Kɨ bizir nɨ damuasa e mɨkemezibagh nɨghnɨsi. Egha kamaghɨn, kɨ bar nɨn atiatima, nan mɨkarzim nɨghava agoi.

Jopɨn Akɨnafarim 23:15

Kamaghɨn amizɨ, kɨ an guamɨn tughamin bizir kam gɨnɨghnɨgha, puvɨram an atiati. Kɨ an arazibagh nɨghnɨgha, nan aghariba puvɨra nɨsi.

Ua Me Ini 3:6

Egha God ua kamaghɨn mɨgei, “Kɨ nɨn afeziamɨn God. Egha uaghan nɨn inazir afeziaba, Abraham, Aisak ko Jekopɨn God.” Ezɨ Moses Godɨn akam baregha, an ganan atiatigha uan guam avara.

Aisaia 33:14

Saionɨn itir gumazamizir arazir kurabagh amua Godɨn damazimɨn mɨzeziba, me bar atiatighava agoi. Egha me kamaghɨn mɨgei, “Ikiavɨra Itir Godɨn anɨngagharim, an avir bar gavgavimɨn mɨn isiava, biziba bar da gefi. An ofa gamir dakozimɨn itir avim zurara isia mamaghɨra iti. Ezɨ en tongɨn tinara a ko ikiam?”

Akar Mogomem 16:15

“Ia orakigh! Kɨ, okɨmakɨar gumazimɨn mɨn izam, a izir dughiam ia a gɨfozir puvatɨzɨ moghɨn, kɨ zuamɨra otogham. Kamagh amizɨ, gumazim akuir puvatɨgha, uan korotiaba uabɨn boroghɨn da arɨsi, a bibiamra daruan kogham, eghtɨ gumazamiziba an gantɨ, an aghumsɨghan kogham. Kamaghɨn amizɨ, gumazir kam bar akongegh.”

Ua Me Ini 32:25

Egha Moses fo, Aron gumazamizibar amamangatɨzɨ, me tintinibar arazir kurar igharagha garir avɨribagh ami. Moses nɨghnɨsi, me kamaghɨn damutɨ men apaniba men ganigh, men ziam gasɨghasɨgh men ingarɨva akɨtɨ, me bar aghumsigham.

Jenesis 3:7

Ezɨ aningɨn damazimning kuaghirezɨma aning uaningɨn gari, aning bibiamra iti. Kamaghɨn aning fighɨn iter afariba isa inibar mɨn da isamigha, uan mɨkarzimning avara.

Jenesis 3:11

Ezɨ God an azara, “Nɨ manmaghɨra fo, nɨ bibiamra iti? Tina nɨ mɨkeme? Nɨ, iter ovɨzir kɨ gua daman anogoroghezir kam, nɨ ti an ovɨzitam anemeghama?”

Ua Me Ini 20:18

Ezɨ gumazamiziba gara orazima, ararim pamtem dagarvazima, sɨgham araima, onɨmarim taghtazima, mɨgharir ekiam mɨghsɨam avara. Ezɨ me bar atiatigha puvɨra nɨsi. Kamaghɨn amizɨ, me sɨvagha ghua mɨghsɨamɨn saghon tuifi.

Ua Me Ini 20:19

Egha me kamaghɨn Moses mɨgei, “Nɨ uabɨ e mɨkɨmtɨ e nɨ baragham. God e mɨkɨmtɨ, e arɨmɨghiregham.”

Godɨn Araziba 5:25

E bizir tizim bagh datɨrɨghɨn ovengam? Avir ekiar kam ti e gasɨghasigham. E ti Ikiavɨra Itir God baraghtɨ an e mɨkɨmtɨ, e arɨghiregham.

Jopɨn Akɨnafarim 31:33

Gumazamizir igharaziba arazir kurar mabagh amua ti da modi. Kɨ uaghan arazir kuratam gamigha ti a modoghai, kamaghɨn amizɨ, kɨ uan dɨpenimra modoghav ikia, gumazamizir igharaziba ko mɨgeir puvatɨghai. Nan arazir kamɨn, me fogh suam, kɨ arazir kuram gamigha, nguibamɨn gumazamizibar atiati. Eghtɨ me na dɨpova nan ziam gasɨghasɨgham. Ezɨ puvatɨ. Kɨ arazir kuratam gamizir puvatɨ. Kɨ mongamin arazir kuraba puvatɨ.