Jenesis 25:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ Joksan, a Seba ko Dedanɨn afeziamɨn oto. Ezɨ Dedan, a Asuria, Letusia ko, Leumian ovavir inazimɨn oto.

Jenesis 25:3 ပူးပေါင်းရင်းမြစ်များ

Esekiel 25:13

Kamaghɨn amizɨ, kɨ Ikiavɨra Itir Godɨn Ekiam, kɨ kamaghɨn mɨgɨa ghaze: Kɨ datɨrɨghɨn uan agharir gavgavim isɨ Idomɨn kantrin amadagh, a gasɨghasɨgham. Egh Temanɨn nguibamɨn ikegh mɨdorozir sabamɨn gumazamiziba ko asɨzibav soghɨrarɨgh mangɨ Dedanɨn nguibamɨn tugham. Eghtɨ Idomɨn kantri pura ikiam.

Esekiel 27:20

Ezɨ Dedanɨn gumazamiziba hoziabar satelɨn apengan arɨzir nir mɨtiaba isa, nɨn biziba bagha, nɨ ko ikarvazir arazim gami.

Esekiel 27:6

Egha me Basanɨn nguazimɨn ghua temer okɨn aghuiba inigha an pulbar ingari. Egha Saiprusɨn Arighatɨzimɨn ghua temer aghuiba inigha, kurimɨn ghuriamɨn ingari. Egha elefanɨn atariba inigha an ghuriam asɨngi.

Jeremaia 49:8

Dughiar kɨ arazir kurar ia amiziba bagh ivezir kuramɨn ia ikarvaghamim, kɨ anemɨsevegha gɨfa. Egh kɨ dughiar bar kuram damightɨ, a Idomia bativam. Ia Ison ovavir boriba, ia bar ikuvigham. Kamaghɨn, ia Dedanɨn gumazamiziba, ia nguibam ategh arɨ mangɨ deraghvɨra mongegh.

Jeremaia 25:23

Egha kɨ ghua Dedanɨn gumazamiziba ko, Teman gumazamiziba ko, Busɨn gumazamiziba ko, gumazamizir uan dapanir mɨnedevir arɨzibar pɨra da oteviba, sara bar me ganɨngi.

Jopɨn Akɨnafarim 6:19

Teman nguibar ekiamɨn gumaziba ko Sabean gumazir biziba amadiba, uaghan kamaghɨram ami. Me ghaze, dɨpaba daghurir kabar ikiama, egh me uan kamelba inigh mangɨtɨ me dɨpabar amam. Ezɨ me daghuribar garima, da bar dakezɨ, me dɨgavir kuram gami. Egha men nɨghnɨziba bar derazir puvatɨgha okam nɨghnɨsi.

1 Atriviba 10:1

Kantri Seban atrivir amizim kamaghɨn oraki, Ikiavɨra Itir God deraghavɨra Solomon gamizɨma a ziar ekiam iti. Kamaghɨn amizɨ, atrivir amizim Solomonɨn fofozim gɨfofoghasa azangsɨzir gavgavibar an azangsɨghasa izi.

Onger Akaba 72:10

Spenɨn kantrin atriviba ko arighatɨzibar atriviba, me bizir aghuiba a danɨngam. Egh uaghan, Seban kantri ko, Arebian kantrin atriviba, me a bagh takisba inigh izam.

2 Samuel 2:9

Me Mahanaimɨn ikiava, Apner Isboset gamizɨ, a nguazir kabar atrivimɨn oto: Gileat, Aser, Jesril, Efraim ko Benjamin, egh a uaghan Israelian nguibaba, bar dar atrivimɨn oto.

Jenesis 25:2

Ezɨ amizir kam, Simran, Joksan, Midian, Isbak ko Sua bate.

Jenesis 25:4

Ezɨ Midianɨn otaribar ziabar kara: Efa, Efer, Hanok, Abida ko Elda. Ka bar Keturan igiavotariba.

Aisaia 60:6

Midianɨn kantri ko Efan kantri, aningɨn gumazamiziba, uan kamelɨn avɨriba inightɨ, da bizir aghuir avɨriba ater nɨ bagh izam. Egh uaghan Seban kantri gol ko pauran me iter balsamɨn eborimɨn ingariziba inigh nɨ bagh izam. Kɨ Ikiavɨra Itir God, me tuavimɨn izɨ nan ziar ekiam fam.

Aisaia 21:13

Arebia bar ikuvighasa, Ekiam akar kam anɨngi. Ia Dedanian gumaziba, ia kamelɨn bɨzibagh apiagha, danganir dɨpaba puvatɨzibagh aruava, bizibagh iveza da amadi. Egh ia arɨ mangɨ Arebian ruarimɨn danganir dɨpaba puvatɨzimɨn muegham.

Esekiel 27:15

Dedanɨn gumazamiziba nɨ ko ikarvazir arazim gami, ezɨ ongarimɨn mɨriabar itir gumazamiziba, nɨ ko ikarvazir arazim gamua, elefanɨn atariba ko ebonin temer pɨziba nɨ ganɨga nɨ da bizibagh ivesi.