Jenesis 21:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Hagar, Isipian amizim, a faragha Abrahamɨn ikia otarir mam bate. Ezɨ dughiar mamɨn Sarai otarir igharazir kamɨn gari, a Aisak ko ikararagha arui.

Jenesis 21:9 ပူးပေါင်းရင်းမြစ်များ

Jenesis 16:15

Ezɨ Hagar Abramɨn otarim batezɨ, Abram ziam, “Ismael,” a gatɨ.

Galesia 4:29

Nguazimɨn amiziba boriba isi moghɨn otozir otarim, a Godɨn Duamɨn gavgavimɨn otozir otarim pazava a gami. Kamaghɨra, datɨrɨghɨn Moses Osirizir Arazibar apengan itir gumazamiziba, e tina Godɨn Duamɨn apengan iti, me en aghuagha osɨmtɨziba e garɨsi.

Jenesis 16:1

Ezɨ dughiar kamɨn Abramɨn amuim Sarai, a boriba puvatɨ. Ezɨ Isipɨn kantrin amizir mam a ko iti. A Sarain ingangarir amizim, an ziam Hagar.

Aghuzir Akaba 20:11

E gumazir mamɨn arazibar ganɨva fogh suam, a gumazir aghuim, ti gumazir kuram. Ezɨ arazir kamra e uaghan boribagh fogham, me deraghavɨram ami, o me pazava ami.

Onger Akaba 42:10

Dughiabar zurara nan apaniba na dɨpova nan azangsɨgha ghaze, “Nɨn God a managhɨra iti?” Ezɨ men azangsɨzir kam afuzimɨn mɨn nan mɨkarzim ginivima, kɨ aremeghasava ami.

Onger Akaba 22:6

Ezɨ kɨrara, kɨ gumazim puvatɨ, kɨ pura apizir kuramɨn mɨn iti. Gumazamiziba bar nan atara na dɨpova na dɨkabɨra, akɨriba igha na gasi.

2 Eghaghaniba 36:16

Ezɨ gumazamiziba, akam inigha izir gumazibar akabar aghuagha dar abara me dɨpovavɨra iti, ezɨ Ikiavɨra Itir Godɨn anɨngagharim oto. Egha an anɨngagharir kam an gumazamizibar ikiavɨra iti, ezɨ me a gitavɨraghan tuaviba puvatɨ.

2 Eghaghaniba 30:10

Ezɨ gumazir kaba akɨnafarir kaba inigha ghua Efraimɨn anabam ko, Manasen anabamɨn nguazimningɨn itir nguibar ekiabar ikegha ghua, Sebulunɨn anabamɨn nguazir notɨn amadaghan itimɨn tu. Egha me atrivimɨn akabar gumazamizibav geima, gumazamiziba oraghan aghuagha, aka mɨkɨrvagha, dɨbovir akabar gumazir kabav gei.

Hibru 11:36

Ezɨ apaniba marazi osɨmtɨziba me garɨgha dɨbovir akabar me mɨgɨa, me fozorogha senbar me ikia, me isa kalabusɨn me arɨki.

Jenesis 17:20

Ezɨ kɨ Ismael deragh an ganasa nɨ nan azangsɨsi. Kɨ deragh a damu, egh borir avɨriba a danɨngam, egh an boribar amightɨ me bar avɨrasemegham. Egh a 12plan gumazir dapanir kabar afeziamɨn otogham. Eghtɨ kɨ an adarazir amightɨ me ikɨzir gavgavimɨn otogham.

Jopɨn Akɨnafarim 30:1

Jop ua kamaghɨn mɨgei: “Datɨrɨghɨn ziaba puvatɨzir gumazibar boriba, dɨbovir akabar na mɨgei. Men afeziaba pura bizir kɨnibar mɨn ikia, egha gumazamizibar damazimɨn onganarazibagh amua, bizir aghuitam gamizir puvatɨ. Kamaghɨn garir gumaziba, kɨ me ataghizɨ me nan sipsipbagh eghuvir afiabar tongɨn itir puvatɨ.

Jenesis 21:8

Ezɨ borim ekevegha gɨvagha otem ataghizɨ dughiar kamɨn, Abraham maburan isam gami.

Aghuzir Akaba 22:10

Ia gumazir akaba dɨbovir akabav dav geiba, batueghtɨ, akamadariba ko akar kuraba gɨvagham.