Jenesis 21:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Egha Sara kamaghɨn mɨgei, “God arazir aghuim na gamizɨ kɨ bar akuegha ati. Eghtɨ gumazamiziba gɨn bizir kam baregh, na ko bar akuegh akam.”

Jenesis 21:6 ပူးပေါင်းရင်းမြစ်များ

Aisaia 54:1

Ikiavɨra Itir God kamaghɨn mɨgei, “O Jerusalem, noka! Nɨ mati amizir furabaghatim. Nɨ boritam batezir puvatɨ. Nɨ mati amizir borim batasa an mɨzazim inizir puvatɨzim. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar dɨbobonim gafiragham. Kamaghɨn amizɨ, nɨ bar akuegh dɨmɨva ighiabar amu.

Onger Akaba 126:2

Kamaghɨn, e akava ighiabagh amuavɨra iti. Ezɨ Kantrin Igharazibar Gumazamiziba e mɨgɨa ghaze, “Ikiavɨra Itir God, Israelian akurvaghasa maburan ingangarimram ami.”

Jenesis 17:17

Ezɨ Abraham tevimning apɨrigha guam nguazim girɨ. Egha averara uan nɨghnɨzimɨn kamagh aka ghaze, “Gumazir azenir 100pla itim ti boritam afangam? Ezɨ Sara azenir 90pla iti, a ti boritam batam?”

Luk Osirizir Akar Aghuim 1:58

An boroghɨra itir darazi ko an anababa kamaghɨn oraki, Ekiam an apangkuvigha bizir aghuimɨn a gamizɨ, me a ko bar akonge.

Luk Osirizir Akar Aghuim 1:14

Egh nɨ bar akuegh navir amɨrizimɨn ikɨ. Eghtɨ a Godɨn damazimɨn ziar ekiam iniam, kamaghɨn amizɨ gumazamizir avɨriba an otoghamin dughiamɨn bar akuegham. Eghtɨ a wain ko dɨpar onganibar aman kogham. A uan amebamɨn navir averiamɨn aven ikɨvɨra ikɨtɨ, Godɨn Duam bar a gizɨvagham.

Aisaia 49:21

Eghtɨ nɨ kamaghɨn uabɨra uabɨ mɨkɨmam, ‘Tinara borir kaba bar na ganɨngi? Nan boriba ovengezɨ, kɨ ua boriba batan kogham. Apaniba na kalabus darɨghasa na inigha ghu. Tinara borir kaba bategha dar gari da ghuava ekefe? Kɨ fo, kɨ uabɨra iti, ezɨ borir kaba bar managhɨra ize?’ ”

Onger Akaba 113:9

An amizir boriba batir puvatɨziba deragha me akɨrizɨ, me borir avɨriba bata bar akonge. E Ikiavɨra Itir Godɨn ziam fam!

Akɨnafarir Pol Romɨn Nguibar Ekiamɨn Itir Sios Bagha Osirizim 12:15

Ia igharaz darazi bar akongeghtɨ ia me ko bar akongegh. Egh igharaz darazi osemeghtɨ, ia me ko osemegh.

Hibru 11:11

Ezɨ Sara uaghan nɨghnɨzir gavgavim Godɨn iti. A guizbangɨn bar ghurigha boritam batan kogham. Egha a nɨghnɨzir gavgavim iti. Egha borim batamin gavgavim ini. Sara kamaghɨn nɨghnɨsi, “God na mɨgɨa ghaze, ‘Nɨ boritam batam,’ egha akam kɨri. Kɨ fo, God guizbangɨra mɨkeme.”

1 Samuel 1:26

Egha Hana kamaghɨn Eli mɨgei, “O, nan gumazir aruam, nɨ na gɨfoghavɨra iti, o puvatɨ? Kɨ amizir kam, faragha nɨn boroghɨn kagh tughav ikia Ikiavɨra Itir God ko mɨgei.

Aisaia 49:15

Ezɨ Ikiavɨra Itir God kamaghɨn men akam ikaragha ghaze, “Amebatam ti otezir borir iririvimɨn apangkuvigh otem a danighan kogham o? Amebatam ti kamaghɨn damuam, ezɨ ko, kɨ ia bakɨnɨghnighan kogham. Bar puvatɨgham.

Jeremaia 20:15

Ezɨ dughiar kamɨn gumazir mam akam inigha nan afeziam bagha ghua, kamaghɨn a mɨgei, “Nɨn amuim otarim bate.” Ezɨ nan afeziam oregha bar akonge. Ezɨ God gumazir akam inigha afeziam bagha ghuzim paza a damuasa kɨ ifonge.