Jenesis 20:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Abraham uabɨ na mɨgɨa ghaze, Sara nan amizim. Ezɨ Sara ghaze, Abraham nan tuebam. Ezɨ kɨ amizir kam inigha ghaze, kɨ arazir aghuimɨn a ini. Egha kɨ osɨmtɨziba puvatɨ.”

Jenesis 20:5 ပူးပေါင်းရင်းမြစ်များ

Onger Akaba 7:8

O Ikiavɨra Itir God, nɨ gumazamizibar araziba tuisɨsi. Nɨ fo, kɨ guizɨn arazir aghuibara ami. Kamaghɨn amizɨ, nɨ nan araziba tuisɨghamin dughiamɨn nan akuragh.

1 Atriviba 9:4

Eghtɨ nɨ uan afeziam Devit amizɨ moghɨn, nɨ navir averiamɨn aven na baghvɨra nɨghnɨgh nan damazimɨn deravɨra daru, egh arazir kɨ ifongeziba ko bizir kɨ damuasa ia mɨkemeziba, kɨ nɨ mɨkemezɨ moghɨn bizibar amu.

1 Timoti 1:13

Guizbangɨra, fomɨra kɨ dɨbovir akabar an ziam gasɨghasɨki, egha an apanim gamuava, akar kurabar a mɨkeme. Ezɨ a fo, kɨ deragha a gɨfozir puvatɨgha, nɨghnɨzir gavgavim an itir puvatɨ, egha arazir kabagh ami. Kamaghɨn amizɨma, a nan apangkufi.

1 Tesalonika 2:10

Ia fozɨ, God uaghan fo, arazir manam e ia gami, ia nɨghnɨzir gavgavim Kraisɨn itir gumazamiziba. E Godɨn damazimɨn derazir arazir aghuibagh amua, egha arazir kuratam gamizir puvatɨ.

2 Korin 1:12

Bizir kam na gamima kɨ bar akonge. Nan navir averiamɨn, kɨ uan araziba deravɨra da tuisɨgha kamaghɨn fo, kɨ nguazir kamɨn ikia arazir aghuim gami, egha guizbangɨra ian damazibara e arazir bar aghuim gami. Kɨ arazir God nan akazir kam gamua God baghavɨra itir arazibar gɨn ghua, bizitam ian modozir puvatɨ. Kɨ nguazir kamɨn fofozim isa arazir kam gamizir pu. Puvatɨ, kɨ Godɨn apangkuvimɨn gavgavim isa, arazir kam gami.

Daniel 6:22

God uan ensel amadazɨ a iza laionbar akabar kuazɨ da na gasɨghasɨghizir puvatɨ. A fo kɨ deraghavɨra ikia, egha arazir kuratam nɨ gamizir puvatɨ. Kamaghɨn, a nan akura.”

Aghuzir Akaba 20:7

Afeziatam, a gumazir aghuim, egha arazir aghuimɨn gɨn zui, eghtɨ an gɨn zamin boriba bar akongegham.

Aghuzir Akaba 11:3

Gumazir aghuir Godɨn gɨn zuiba, me arazir aghuibara gɨn zui. Ezɨ gumazir ifavaribagh amiba, me uan ifavariba bangɨn bar ikuvigham.

Onger Akaba 78:72

Devit uan navir aghuimɨn gɨn ghua deragha men gari. Egha uan fofozir aghuimɨn men faragha ghua bizibagh ami.

Onger Akaba 73:13

Kɨ uabɨ bar deravɨra uan navir averiam geghuvima, a Godɨn damazimɨn zuezɨ, kɨ arazir kuratabagh amizir puvatɨ. Nan arazir kam, a ti pura ghuz o?

Onger Akaba 26:6

O Ikiavɨra Itir God, kɨ uan dafariba ruegha kamagh uabɨ akagha ghaze, kɨ osɨmtɨziba puvatɨ. Egha kɨ iza nɨn ofa gamir dakozir mɨriamɨn arua nɨn ziam fe.

Onger Akaba 25:21

Nɨn araziba dera, egha bar guizbangɨra. Ezɨ kɨ nɨghnɨzir gavgavim nɨn ikia nɨ mɨzua ghaze, nɨ zurara na geghuv deragh nan gan.

Onger Akaba 24:4

Gumazamizir kamagh amiba, merara an aven mangam. Men navir averiaba ko, me amir araziba ko, nɨghnɨziba zue, egha asebar ziaba fer puvatɨgha, igharaz darazi ko akam akɨrigha egha gɨn me gifarir puvatɨ.

1 Eghaghaniba 29:17

“Nan God, nɨ gumazamizibar naviba tuisɨgha men garima, me arazir voroghɨra itibagh amima, nɨ navir amɨrizim isi. Kɨ bizir kam gɨnɨghnɨgha, uaghan nɨn ziar ekiam gɨnɨghnɨsi, ezɨ nan navim bizir kaba nɨ danɨngasa na dɨkavima, kɨ uan ifongiamɨn gɨn ghua da isa nɨ ganɨngi. Ezɨ arazir kamra, nɨn gumazamizir kaba uan biziba isa nɨ ganɨngi. Ezɨ kɨ men ganigha bar akonge.

2 Atriviba 20:3

“O Ikiavɨra Itir God, kɨ uan navir averiamɨn aven nɨ baghavɨra ikia, nɨn ifongiamɨn gɨn ghua, bar guizbangɨra zurara nɨn ingangarim deravɨra a gamuavɨra iti. Kamaghɨn amizɨ, kɨ amizir ingangariba, nɨ dagh nɨghnɨgh na ateghtɨ, kɨ ovengan kogham.” Egha Hesekia Ikiavɨra Itir God ko mɨkemegha gɨvagha, bar puvɨram azi.

Josua 22:22

“Godɨn Gavgaviba Bar Itim, a guizbangɨra God. A Ikiavɨra Itir God. A fo, e bizir kam gami. Ezɨ e kamaghɨn ifonge, ia Israelia uaghan bizir kam gɨfogh. E ti uan nɨghnɨzir gavgavim ategh Ikiavɨra Itir Godɨn akam batueghtɨ, ia e mɨsueghtɨ e arɨmɨghireghtɨ, deragham.

Jenesis 12:13

Nɨ kamaghɨn mɨkɨmtɨ deragham, nɨ nan amizim. Egh nɨ kamaghɨn damightɨ, me arazir aghuimɨn na damu, na mɨsueghtɨ kɨ aremeghan kogham.”

Jenesis 20:13

Kɨ uan afeziamɨn dɨpenimɨn ikiavɨra iti, God nguazir igharazibar mangasa nan deir dughiamɨn, kɨ Sara mɨgɨa ghaze, ‘Nɨ arazir aghuimɨn na damusɨ, egh ga danganir manabar mangɨ, nɨ gumazamiziba kamagh me mɨkɨm suam, Abraham nan tuebam.’ ”

Jenesis 20:16

Egha kamagh Sara mɨgei, “Kɨ 1,000 silvan dagɨar kaba isa osɨmtɨzir nɨ batozim akɨrasa, nɨn tuebam ganɨdi. Eghtɨ nɨ ko iti darazi kamaghɨn fogh suam, nɨ osɨmtɨzitam gamizir puvatɨ.”

Onger Akaba 7:9

O God, nɨ bar Godɨn aghuimra. Nɨ gumazamiziba bar men navir averiaba ko nɨghnɨziba tuisɨsi. Nɨ gumazamizir kurabar arazir kuraba bar ada gɨfagh. Egh nɨn damazimɨn derazir gumazamiziba, nɨ me damutɨ, me tugh gavgafigh.