Jenesis 2:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Egha gɨn Ikiavɨra Itir Godɨn Gavgavim nguazim inigha gumazir mamɨn ingari. Egha uan ikɨrɨmɨrir angamɨra itim anɨdir amɨnim isa, gumazimɨn atinimɨn a giverezɨma, an an aven ghu, ezɨ gumazim angamɨra iti.

Jenesis 2:7 ပူးပေါင်းရင်းမြစ်များ

1 Korin 15:45

Godɨn Akɨnafarim ghaze, “Gumazir faragha otozim, Adam, God a gamizɨ an angamɨra iti.” Ezɨ Adamɨn bar gɨn izezim, a Duamɨn otogha, gumazamizibar amutɨ me angamɨra ikiam.

Jopɨn Akɨnafarim 33:4

“Godɨn Gavgaviba Bar Itimɨn duam nan ingari, egha uan ikɨrɨmɨrir angamɨra itim anɨdir amɨnim isa, na giveragha na gamizɨ, kɨ angamɨra iti.

Fofozir Gumazim 12:7

E fo, God fomɨra nguazir mɨnemeniam isa gumazimɨn ingari. Eghtɨ gɨn ia aremeghtɨ ian mɨkarziba ua nguazir mɨnemeniam gavagham. Eghtɨ ian duar God ia ganɨngiziba, uamategh God bagh mangam.

Aisaia 64:8

O Ikiavɨra Itir God, nɨ en Afeziam, nɨ mati mɨnebar ingarir gumazim. Ezɨ e mati, gumazim nguazim isa uan dafarimningɨn nguazir mɨnebar ingari. Ezɨ nɨ uan dafarimningɨn en ingari.

Aposel 17:25

Godɨn kam a uabɨ ikɨrɨmɨrim ko biziba bar gumazamizibagh anɨngi. Egha a bizitamɨn otevezir puvatɨ. Kamaghɨn, e uan dafaribar an akurvagh bizitam damighan kogham.

1 Korin 15:47

Adamɨn faragha zuim, a nguazimɨn gumazim. God nguazimɨn an ingari. Ezɨ Adamɨn gɨn zuim, a Godɨn Nguibamɨn ikegha ize.

Jopɨn Akɨnafarim 27:3

dughiabar zurara God na ataghizɨ, kɨ angamɨra ikiavɨra iti,

Jenesis 7:22

Ezɨ nguazimɨn itir bizir angamɨra itiba bar ariaghire.

Sekaraia 12:1

Kar mɨgɨrɨgɨar Ikiavɨra Itir God Israelia bagha anɨngizim. Ikiavɨra Itir God overiam ko, nguazimɨn ingarigha, gumazamizibar ingarigha, ikɨrɨmɨrir angamɨra itim me ganɨngi. A kamaghɨn mɨgei,

Onger Akaba 103:14

A kamaghɨn fogha gɨfa, a uabɨ nguazim inigha en ingarizɨ, e mati pura nguazir mɨnemniaba.

Onger Akaba 100:3

Ia kamaghɨn fogh, Ikiavɨra Itir God a guizbangɨra God. A uabɨ en ingarizɨma e an adarazira. E an gumazamiziba, egha an sipsipbar mɨn iti.

Akɨnafarir Pol Romɨn Nguibar Ekiamɨn Itir Sios Bagha Osirizim 9:20

Ia gumazamizir kɨniba! Ia Godɨn arazir an amizim bagh an ataran markɨ! Nguazir mɨnem kamaghɨn gumazir an ingarizimɨn mɨkɨman kogham, “Nɨ tizim bagha kamaghɨn nan ingari?”

Aisaia 2:22

Ia gumazir kɨniba kamagh me gɨnɨghnɨghan markɨ, egh suam, me ian akurvagham. Puvatɨ. Me dughiar otevimra ikegh arɨmɨghiregham. Mati gumazim abuan duam suasa uabɨ gekuigha gɨfa.

Jenesis 3:23

Kamaghɨn Ikiavɨra Itir Godɨn Gavgavim, gumazim Idenɨn Azenimɨn a batoke. Egha God nguazir an ingarizimra anemadazɨma, an azenimɨn ingarasa zui.

Hibru 12:9

Ia bizir kam gɨnɨghnɨgh, en afeziar nguazimɨn itiba, e akɨrmɨzima e men ziaba fe. Kamaghɨn amizɨ, en duabar Afeziam, e bar guizbangɨra an apengan ikɨva egh angamɨra ikɨvɨra ikiam.

Dɨboboniba 16:22

Ezɨ Moses ko Aron nguazim girɨgha, guamning isa nguazim mɨtuagha kamaghɨn Ikiavɨra Itir God mɨgei, “O God, nɨ uabɨ gumazamiziba bar men ingarizɨ me angamɨra itima, nɨ bar men nɨghnɨzibagh fo. Eghtɨ gumazir vamɨra arazir kuram damightɨ, manmaghsu nɨ bar me gasɨghasɨgham?”

Aghuzir Akaba 20:27

En navir averiaba, mati lamba, Ikiavɨra Itir God e ganɨngi. Da en nɨghnɨziba ko arazibar ganɨva, deragh da tuisɨgham.

Jopɨn Akɨnafarim 33:6

Godɨn damazimɨn ga magh gari. A nguazimɨn vɨrara gan ingari.

2 Korin 5:1

E kamaghɨn fo, nguazimɨn purirpenir e datɨrɨghɨn aven itir kaba, da gɨn dɨpɨrighirɨgh ikuvigham, kar en inivafɨzimɨn ovevem. Eghtɨ dughiar kam God dɨpenir igharazir aghuim e danɨngam, kar en inivafɨzir igiam. Dɨpenir kam, gumazitam an ingarizir puvatɨ, God uabɨ an ingari. A Godɨn Nguibamɨn ikɨ zurazurara ikɨvɨra ikiam.

2 Korin 4:7

E pura nguazir mɨner kɨnir gavgaviba puvatɨzibar mɨn ami, ezɨ bizir bar aghuir kam en aven iti. Bizir kam kamaghɨn en aka, gavgavir bar ekiar kam, a Godɨn otifi, an en otivir puvatɨ.

Jon Osirizir Akar Aghuim 20:22

A kamaghɨn mɨgɨa, egha uan amɨnim men a giveragha, men amada, egha kamaghɨn me mɨgei, “Ia Godɨn Duam uan navir averiabar a inigh.

Jopɨn Akɨnafarim 4:19

Ezɨ gumazamiziba, me nguazir kamɨn bizir kɨniba. Ezɨ nɨ ti ghaze, me enselbagh afiragh Godɨn damazimɨn deravɨra ikiam? Puvatɨgham. God nguazim inigha gumazibar inivafɨzibar ingari, ezɨ me zuamɨram ariaghiri, mati gumaziba bughɨraviaba dɨkabɨri.

Dɨboboniba 27:16

“Ikiavɨra Itir God, nɨrara nɨ Godɨn gumazamizibar ikɨrɨmɨrimɨn mɨngarim. Kamaghɨn, kɨ nɨn azangsɨsi, nɨ gumazitam amɨseveghtɨ a gumazamizir kabar ganam.

Fofozir Gumazim 3:7

Egha e korotiaba abɨghrarɨghamin dughiaba iti, egh e da isamamin dughiaba iti. Egha e mɨkɨman kogh nɨmɨra ikiamin dughiaba iti, egh e mɨkɨmamin dughiam iti.

1 Timoti 2:13

Ia oragh! God faragha Adamɨn ingarigha, gɨn Ivɨn ingari.

Jenesis 2:6

Ezɨ guizbangɨra amozim izir puvatɨzɨ, dɨpam nguazimɨn averiamɨn ikiava otiva iza nguazim bar a gizɨfa.

Esekiel 37:5

Kɨ Ikiavɨra Itir Godɨn Ekiam, kɨ kamaghɨn agharir kabav gei: Kɨ amɨnim ia danɨngam, eghtɨ ia ua gumazamizibar mɨn otivigh angamɨra ikiam.

Jenesis 1:27

Egha God gumazamizibar ingarizɨ, me Godɨn mɨrara gari. God me gamizɨma, me an nedazimɨn mɨn oto. A me gamizɨma, men marazi gumazibar mɨn otivizɨ, marazi amizibar mɨn otifi.

Esekiel 37:6

Kɨ agɨriba ko tuziba ia darɨgh, egh mɨkarzir inimɨn ian agɨriba ko tuzir kaba avegham. Egh kɨ ia damightɨ ia gumazamizibar mɨn otivightɨ, kɨ amɨnim ia danightɨ ia angamɨra ikiam. Eghtɨ ia deraghvɨra fogh suam, kɨ uabɨ kɨ Ikiavɨra Itir God.”