Jenesis 2:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ an amozim amadazɨma a izir puvatɨ. Ezɨ nguazimɨn azenimɨn ingaramin gumazamiziba puvatɨ. Kamaghɨn, graziba ko temeba tɨghar nguazimɨn otivam.

Jenesis 2:5 ပူးပေါင်းရင်းမြစ်များ

Jenesis 3:23

Kamaghɨn Ikiavɨra Itir Godɨn Gavgavim, gumazim Idenɨn Azenimɨn a batoke. Egha God nguazir an ingarizimra anemadazɨma, an azenimɨn ingarasa zui.

Hibru 6:7

Amozim dughiar avɨribar izava nguazimɨn aven zui. Eghtɨ nguazim daghebar amutɨ dagher aghuiba otivam, egh gumazir me me bagha da oparizibar akurvagham. Eghtɨ God nguazir kam deragh a damuam.

Jopɨn Akɨnafarim 5:10

An amozim amadima, a nguazim giza dɨpam isa azeniba ko bizibagh anɨdi.

Jenesis 4:12

Egh nɨ otuegh azenibar ingarvɨra ikɨtɨ, nguazim uan ovimɨn suiraghtɨ nɨn dagheba deragh aghungan kogham. Egh nɨ uabɨ, nguibaba nɨn puvatɨghtɨma, nɨ gumazir guraghav itimɨn mɨn pura ituramɨ nguazir kamɨn danganiba bar dar aruam.”

Jenesis 4:2

Egha gɨn a Keinɨn dozim Abel bate. Ezɨ aning ekevegha Abel sipsipbar garir gumazim, ezɨ Kein azenibar ingarir gumazim.

Jeremaia 14:22

Kantrin igharazitamɨn aser kuratam amozim damightɨ an arigham ti? Puvatɨ. O overiam uabɨ amozim e danigham ti? Bar puvatɨ. Ikiavɨra Itir God, en God, nɨrara nɨ bizir kamagh garibagh ami da otifi. Kamaghɨn amizɨ, e nɨghnɨzir gavgavim nɨn iti.”

Onger Akaba 135:7

Ana amozimɨn mɨgharir pɨzibagh ami, da nguazir oteviba bar dar zui, ana onɨmaribagh ami, da taghtagha amozim sara izi. An amɨnim gami, a dɨkava ivava danganiba bar dar zui.

Onger Akaba 104:14

Nɨ bulmakauba apir dadabagh ami da otifi. Ezɨ e gumazamiziba oparir biziba, nɨ uaghan dagh amizɨ da otivizɨ, e dar dagheba isi.

Matyu 5:45

Arazir kam kamaghɨn ian akagham, ia guizbangɨra uan Afeziar uan Nguibamɨn itimɨn boribara. Guizbangɨra, an aruem gamima, a gumazir kuraba ko aghuiba bar me gisɨsi. Egha an amozim gamima, a gumazir aghuiba ko gumazir arazir kurabagh amiba sara me gizi.

Jenesis 2:6

Ezɨ guizbangɨra amozim izir puvatɨzɨ, dɨpam nguazimɨn averiamɨn ikiava otiva iza nguazim bar a gizɨfa.

Jeremaia 10:12

Ikiavɨra Itir God uan gavgavimɨn nguazir kamɨn ingari. A uan nɨghnɨzir aghuimɨn nguazir kam isa uan danganimra anetɨzɨ, a gavgafi. A uan fofozimɨn overiamɨn ingara an onegha gɨfa.

Jeremaia 10:13

A tiarim akarigha mɨgeima, overiam bar pamtemɨn tɨngazi. Ezɨ ghuariar pɨziba nguazir otevibar mɨgha iza, egha uari akufa. God onɨmaribagh amima, da taghtazima amozim izaghiri. Egha amɨnim asirafima, a a uan danganim ataghɨragha izi.