Jenesis 16:12 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹² Eghtɨ nɨn otarim, donkin atiamɨn mɨn ikiam. A gumazamiziba bar, me ko mɨsoghtɨ me an apanim damuam. Egh a uan adarazi ko deragh daperaghan kogham.”

Jenesis 16:12 ပူးပေါင်းရင်းမြစ်များ

Jenesis 25:18

Ezɨ Ismaelɨn ovavir boriba Havilan nguazim ko Surɨn nguibamɨn tizimɨn itir nguazir otevimɨn apia. Sur a Asirian zuir tuavimɨn iti, Isipɨn boroghɨn. Ezɨ me deragha Abrahamɨn ovavir igharaziba ko deragha apiazir puvatɨgha, me ko apanim gami.

Jenesis 21:20

Ezɨ God borim ko itima an ekefe. A gumazamiziba puvatɨzir danganimɨn ikiava ekevegha, barir pimɨn asir fofozir bar ekiam iti.

Jopɨn Akɨnafarim 11:12

Nɨ gantɨ, donkin amebam gumazir boritam bateghan kogham. Kamaghɨra nɨ gantɨ gumazir nɨghnɨzir aghuim puvatɨzim, manmaghɨn fofozir aghuim ko nɨghnɨzir aghuim iniam? Bar puvatɨgham.

Jenesis 27:40

Egh nɨ uan mɨdorozir sabamɨn amodoghɨn mɨsogh daghebar amɨ, egh dabirabir aghuim buriam. Egh nɨ uan dozimɨn apebamɨn ikiam. Egh gɨn nɨ uabɨ abigh egh an apengan ikian kogham.”

Jenesis 37:25

Egha gɨn me apiaghava api. Me apa ikia garima, Ismaelian gumaziba uan kamelba ko izi. Gumazir kaba, Gileatɨn nguazimɨn ikegha iza, Isipɨn kantrin zui. Egh me mangɨ bizir bar pɨn koziba dagɨaba bagh da mangasa, bizir kabanang, temebar eboriba, ko mɨkarzibagh azuir bizir guar avɨriba, ko mughuriar aghuim zuir boreba.

Jopɨn Akɨnafarim 24:5

Onganarazibagh amir gumazamizir kaba, mevzika, me mangɨ gumazamiziba puvatɨzir danganimɨn ikiam. Egh dagheba uan boribar anɨngsɨ donkin atiabar mɨn pamten ingar dagheba buriam.