Jenesis 11:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Kamagh, e ua magɨrɨ akar me mɨgeim abɨghɨrarightɨ, me uan akar mɨngaribagh foghan koghɨva uariv kɨman kogham.”

Jenesis 11:7 ပူးပေါင်းရင်းမြစ်များ

Onger Akaba 33:10

Kantrin Igharazibar Gumazamiziba damuasava nɨghnɨzir biziba, Ikiavɨra Itir God dagh amima da ghua puvarɨsi. Ikɨzir igharaziba damuasa akabav sozir mɨgɨrɨgɨaba, an adar tuaviba apɨri.

Onger Akaba 55:9

O Ekiam, kɨ gari, gumazamiziba nguibar ekiamɨn aven mɨdoroziba fora dagh ami da otifi. Kamaghɨn nɨ nan apanir kabar mɨzebar amightɨ, da osemeghtɨ me deragh bizibav kɨman kogham.

Jenesis 1:26

Egha God kamaghɨn mɨgɨa ghaze, “Datɨrɨghɨn e gumaziba ko amizibar ingarightɨ me en mɨrara ganam. Egh e me atɨghtɨ, me en mɨn ikɨ, ongarimɨn itir osiriba ko, overiamɨn itir kuaraziba ko, asɨzir guar avɨriba ko nguazimɨn itir biziba bar, me dar gan dagh ativagham.”

1 Korin 14:23

Kamaghɨn, siosɨn gumazamiziba uari akuvamin dughiamɨn, ia bar moghɨra Godɨn Duamɨn otivaghirir mɨzebav kɨmtɨ, gumazamizir kɨniba o nɨghnɨzir gavgavim Kraisɨn itir puvatɨziba aven izɨ, ia baragh suam, ia ti ongani.

Jeremaia 5:15

Kɨ Ikiavɨra Itir God, kamaghɨn Israelia ia mɨgɨa ghaze, Ia Israelia, ia oragh! Kɨ saghon itir nguibar mamɨn mɨdorozir gumaziba inigh izɨtɨ, me ia ko mɨsogham. Me fomɨra uan kantrin ikia iza datɨrɨkɨn, egha me gumazamizir bar gavgaviba. Egh ia men akar me mɨgeim mɨkɨman iburagham. Egh uaghan a gɨfoghsɨ damuva avegham.

Onger Akaba 2:4

Ekiam uan Nguibamɨn atrivir dabirabim gaperaghav ikia, me dɨpova men ingaravati.

Jopɨn Akɨnafarim 12:20

Nɨghnɨzir aghuiba isa gumazir dapanibagh anɨdiba, God men akatoribar kumi. Egha gumazamizir ghuribar nɨghnɨzir aghuim ko fofozim batosi.

Godɨn Araziba 28:49

Ikiavɨra Itir God, kantrin bar saghuiamɨn itir mamɨn gumaziba inigh izam. Gumazamizir kaba mɨgeir akam, ia a gɨfozir puvatɨ. Me kuarazir bagabar mɨn zuamɨra mɨghegh ia bagh izɨghirɨgham.

Aisaia 6:8

Ezɨ kɨ orazima, Ekiam kamaghɨn enselbar azangsɨsi, “Kɨ tinaram amangam? Tina e bagh akam inigh mangɨ gumazamizibav kɨmam?” Ezɨ kɨ ghaze, “Nɨ na amadaghtɨ, kɨ mangam.”

Jenesis 42:23

Ezɨ Josepɨn aveghbuaba Hibrun akam mɨgɨa mɨgɨrɨgɨar kabagh amua ghaze Josep men mɨgɨrɨgɨar kaba baraghizir puvatɨ. Guizbangɨra, a faragha zurara me ko mɨgɨa Isipian akamɨn me mɨgeima, gumazir igharazim an akam gɨgha Hibrun akam an aveghbuabav gei.

Jenesis 11:5

Ezɨ Ikiavɨra Itir God, nguibar ekiar kam ko tauan gumazamiziba an aven ingarizimɨn ganasa izaghiri.

Jenesis 10:20

Gumazamizir kaba bar, me Hamɨn ovavir boriba. Egha me uan dakozibar vaghvagha uan nguazibarama apiagha, uari uan nguibabara akabav gei.

Jenesis 3:22

Egha gɨn Ikiavɨra Itir Godɨn Gavgavim ghaze, “Gumazim arazir aghuim ko arazir kuramɨn fofozim ikia, en mɨraram oto. Egh e aneteghtɨ a temer ikɨrɨmɨrir zurara itim anɨdim boroghɨn mangan kogham. E fo, a temer kamɨn ovɨzitam ramegh ikɨrɨmɨrir zurara itir kam ikiam.”

Jenesis 10:32

Gumazir ziaba itir kaba, kar Noan otariba ko an otaribar otariba ko men ovavir boriba. Aperiar ekiamɨn gɨn, gumazamizir kabar ikɨziba nguazim gizɨvagha aneroke.

Jenesis 10:5

Ezɨ gumazir kaba, gɨn ongarir mɨriam ko arighatɨzibagh apiazir darazir ovaviba. Kar Jafetɨn ovavir boriba. Egha me uan dakozibar vaghvagha uan nguazibarama apiagha, uari uan ikɨzibara akabav gei.

Ua Me Ini 4:11

Ezɨ Ikiavɨra Itir God a mɨgɨa ghaze, “Tina gumazimɨn akamɨn ingari? Tina a gamima, an kuariba a bangani, o a mɨgeir puvatɨ? Tina a gamima, a gari, o an damaziba an okafi? Kar kɨrara, kɨ Ikiavɨra Itir God, kɨ bizir kabagh ami da otifi.

Aisaia 33:19

Akaba barazir puvatɨgha uarira uan ziaba fer gumazir kaba, ia ua men guatamɨn apighan kogham. Egh ia ua me uan akabar mɨgeir mɨgɨrɨgɨaba baraghan kogham, akar me mɨkɨmamim, gumazitam deragh an mɨngarim gɨfoghan kogham.