Jenesis 10:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ezɨ Kusɨn otaribar ziabar kara: Seba, Havila, Sapta, Rama ko Sapteka. Ezɨ Rama otarir pumuningra iti: Seba ko Dedan.

Jenesis 10:7 ပူးပေါင်းရင်းမြစ်များ

Esekiel 27:22

Ezɨ kantri Seba ko Raman nguibar ekiamɨn dagɨaba bagh ingangaribagh amir gumaziba, nɨ ko ikarvazir arazim gami. Me uan gol ko pauran mughuriar aghuim zuiba ko, ivezim bar pɨn kozɨ dagɨaba isa, nɨ ganigha, nɨ da bizibagh ivezasa.

Esekiel 27:15

Dedanɨn gumazamiziba nɨ ko ikarvazir arazim gami, ezɨ ongarimɨn mɨriabar itir gumazamiziba, nɨ ko ikarvazir arazim gamua, elefanɨn atariba ko ebonin temer pɨziba nɨ ganɨga nɨ da bizibagh ivesi.

Aisaia 21:13

Arebia bar ikuvighasa, Ekiam akar kam anɨngi. Ia Dedanian gumaziba, ia kamelɨn bɨzibagh apiagha, danganir dɨpaba puvatɨzibagh aruava, bizibagh iveza da amadi. Egh ia arɨ mangɨ Arebian ruarimɨn danganir dɨpaba puvatɨzimɨn muegham.

Onger Akaba 72:10

Spenɨn kantrin atriviba ko arighatɨzibar atriviba, me bizir aghuiba a danɨngam. Egh uaghan, Seban kantri ko, Arebian kantrin atriviba, me a bagh takisba inigh izam.

1 Atriviba 10:1

Kantri Seban atrivir amizim kamaghɨn oraki, Ikiavɨra Itir God deraghavɨra Solomon gamizɨma a ziar ekiam iti. Kamaghɨn amizɨ, atrivir amizim Solomonɨn fofozim gɨfofoghasa azangsɨzir gavgavibar an azangsɨghasa izi.

Jenesis 2:11

Ezɨ faner faragha zuimɨn ziam Pison, a kantri Havilan aven dɨpɨragharui. Kantri Havila golɨn bar aghuim iti. Egha temer borer mughuriar aghuim zuir mam iti. Egha a dagɨar aghuir mam itima, an ivezim bar pɨn iti. Me kamagh a dɨbori, kanilian.

Jenesis 10:8

Ezɨ Kus otarir mam iti, an ziam Nimrot. Nimrot a nguazir kamɨn bar faraghavɨra otozir gumazir bar gavgavim.

1 Eghaghaniba 1:9

Ezɨ Kusɨn otaribar ziabar kara: Seba, Havila, Sapta, Rama ko Sapteka. Ezɨ Rama otarir pumuningra iti: Seba ko Dedan.

Jopɨn Akɨnafarim 1:15

Ezɨ Sabean gumaziba zuamɨram otivigha uan mɨdorozir sababar ingangarir gumazibav soghezɨ me ariaghire, ezɨ me bulmakauba ko donkiba inigha ghue, ezɨ kɨ uabɨra mɨseveaghɨrɨgha arav ghugha nɨ mɨkɨmasa izi.”

Aisaia 43:3

Kɨ Ikiavɨra Itir God, ian God, Israelian Godɨn Bar Zuezim, ian Akurvazir Gumazim. Ia apanibar dafarimɨn itir dughiamɨn, kɨ Isipia ko, Itiopiaba ko, Sebaba, me isɨ ian danganim inisɨ apanibar agharim datɨgh ia givezeghtɨ, ia fɨrighɨrɨgham.

Esekiel 27:20

Ezɨ Dedanɨn gumazamiziba hoziabar satelɨn apengan arɨzir nir mɨtiaba isa, nɨn biziba bagha, nɨ ko ikarvazir arazim gami.