Jenesis 10:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ gumazir kaba, gɨn ongarir mɨriam ko arighatɨzibagh apiazir darazir ovaviba. Kar Jafetɨn ovavir boriba. Egha me uan dakozibar vaghvagha uan nguazibarama apiagha, uari uan ikɨzibara akabav gei.

Jenesis 10:5 ပူးပေါင်းရင်းမြစ်များ

Sefanaia 2:11

Ikiavɨra Itir God me damutɨ, me puvɨram atiatingam. Kantriba bar, a men asebar amutɨ da pura bizir kɨnibar mɨn otivam. Eghtɨ gumazamizir ongarimɨn mɨriamɨn itiba ko, gumazamizir ongarir arighatɨzimɨn itiba, me uan nguibabara ikɨva uan teviba apɨr dapaniba avighɨva an ziam fam.

Jeremaia 2:10

Ia kurim inigh mangɨ Saiprusɨn Arighatɨzimɨn mangɨ, an aruem ghuaghiri naghɨn iti. Egh ia Saiprusian arazibar ganigh. Egh ia uaghan gumaziba amadaghtɨ, me aruem anadi naghɨn amadaghan Arebian nguazimɨn mangɨ, egh bar deraghvɨra men arazibar ganigh. Ia gantɨ arazir ia amir kaba, men tarazir dar amuam ti? Bar puvatɨgham.

Jeremaia 25:22

Tairɨn atriviba ko, Saidonɨn atriviba ko, ongarimɨn vongɨn itir nguibabar atriviba sara, kɨ bar me ganɨngi.

Aisaia 42:4

Eghtɨ osɨmtɨzitam a dɨkabɨraghan kogham. A pamten ingar mangɨva, dughiar a guizɨn arazimɨn gɨn mangɨ gumazamiziba tuisɨghamim otogham. Egh an otogh gavgavigh nguazir kam bar an ikiam. Ezɨ saghon itir arighatɨzibar gumazamiziba, me arazir God uarir sure damuamibav mɨzua iti.

Jenesis 10:20

Gumazamizir kaba bar, me Hamɨn ovavir boriba. Egha me uan dakozibar vaghvagha uan nguazibarama apiagha, uari uan nguibabara akabav gei.

Aisaia 60:9

Kar, Tarsisɨn nguibar bar saghon itimɨn kuriba. Bar guizbangɨra, saghon itir arighatɨzibar gumazamiziba uarir akurvaghasa na mɨzua iti. Egh me nɨn boriba inigh uamategh nɨ bagh me amangɨsɨ, kurir ekiar kaba amangɨtɨ, me izam. Egh gumazamizir kaba uaghan gol ko silvan avɨrim isɨ kurir kabar da ameghtɨ, da izam. Me garima, kɨ bar deravɨra nɨ gamizɨ, nɨ ziar ekiam iti, kamaghɨn amizɨ, me arazir kam gami. Me fo, kɨ Ikiavɨra Itir God, ian God, kɨ Israelian Godɨn Bar Zuezim, egha me ziar ekiam na danɨngasa kamaghɨn ami.

Aisaia 59:18

Egh Ikiavɨra Itir Godɨn anɨngagharimɨn, a uan apanibar arazir kuraba ikarvagh, puv me damigham. Egh a uaghan gumazamizir kantrin roghɨra itiba ko, saghon itir arighatɨzibar gumazamiziba, puvɨra me damu ivezir kuram me danɨngam.

Aisaia 51:5

Kɨ men akuragh ua me iniamin dughiam, a roghɨra izegha gɨfa. Kɨ arazir aghuimɨn gɨn mangɨ, uan gavgavimra kantriba bar dar ganam. Saghon itir arighatɨzibar gumazamiziba, nɨghnɨzir gavgavim nan gavgavimɨn ikɨ, egh uarir akurvaghsɨ, na mɨzuam ikiam.

Aisaia 49:1

Ia saghon itir arighatɨzibar gumazamiziba ko, saghon itir kantriba, ia nan akam baragh. Nan amebam tɨghar na batamin dughiamɨn, Ikiavɨra Itir God, na amɨsevegha gɨvagha ziam na gatɨ.

Aisaia 42:10

Ia nguazir kamɨn itir gumazamiziba bar, ia ighiar igiam bangɨ, Ikiavɨra Itir Godɨn ziam fɨ! Ia gumazir kuribagh aruiba ko ongarimɨn osiriba, ia an ziam fɨ. Ia saghon itir arighatɨzibar gumazamiziba, ia ighiar igiaba bangɨ.

Aisaia 41:5

Saghuiamɨn itir arighatɨziba bar men gumazamiziba, ko nguazimɨn oteviba bar dar itir gumazamiziba, me kɨ amizɨ bizibar ganigha, puv atiatia nɨsi. Egha me iza uari akuvagha,

Aisaia 40:15

Bar guizbangɨra, Ikiavɨra Itir God, kantribar garima, me mati pura biziba. Me mati dɨpar muziarir ofɨzir vamɨra ira mɨner ekiam giri. Egha mati gumazim nguazir mɨnezir muziarir bar vamɨran osɨmtɨzim gɨfoghsɨ a inigh skel datɨghtɨ, an osɨmtɨziba puvatɨgham. Kantriba bar, Godɨn damazimɨn guizbangɨra bar sufi. A saghuiamɨn itir arighatɨzibar garima, men osɨmtɨziba mati nguazir mɨnezir kɨnim.

Aisaia 24:15

Kamaghɨn amizɨ, ia aruem anadi naghɨn itir gumazamiziba, Ikiavɨra Itir Godɨn ziam fɨ. Ia ongarimɨn arighatɨzibar itir gumazamiziba, ia bar moghɨra ziar ekiam a danɨng, a Israelian God, Ikiavɨra Itir God.

Onger Akaba 72:10

Spenɨn kantrin atriviba ko arighatɨzibar atriviba, me bizir aghuiba a danɨngam. Egh uaghan, Seban kantri ko, Arebian kantrin atriviba, me a bagh takisba inigh izam.

Jenesis 10:25

Ezɨ Eber an otarir pumuning iti. Mamɨn ziam Pelek. Pelek itir dughiamɨn nguazimɨn itir gumazamiziba tintinimɨn bɨaghire. Kamaghɨn me ziar kam, “Pelek,” a gatɨ. Ziar kamɨn mɨngarim kamakɨn, “Bar bɨaghire.” Ezɨ Pelekɨn dozimɨn ziam Joktan.

Jenesis 10:4

Ezɨ Javanɨn otaribar ziabar kara: Elisa, Tarsis, ko Saiprusɨn gumaziba, ko Dodania.

Jenesis 10:6

Ezɨ Hamɨn otaribar ziabar kara: Kus, Isip, Libia ko Kenan.

Esekiel 26:15

“Kɨ Ikiavɨra Itir Godɨn Ekiam, kɨ Tairɨn nguibar ekiamɨn gumazamiziba kamaghɨn me mɨgei: Ian nguibar ekiam akarɨghiregh irɨghtɨ, gumazamizir ongarir mɨriamɨn itiba, me nguibam akaraghirezir nɨgɨnim baragh, egh gumazamiziba mɨzazir ekiam isir nɨgɨnim baragh, uarir tongɨn gumazamizibav sozi me ariaghirir nɨgɨnim baragh, dɨgavir kuram damigh akongam.

Esekiel 26:18

Datɨrɨghɨn dughiar kamra, nɨ irɨgha gɨfa. Ezɨ ongarimɨn boroghɨn itir darasi, inighava agoi, ezɨ arighatɨzibar gumazamiziba atiatia, pazava otozir arazir kamɨn aguaghfa.

Daniel 11:18

Eghtɨ gɨn a mangɨ nguibar ongarimɨn mɨriamɨn itiba ko mɨsogh, egh nguibar avɨriba dɨkabɨragham. Eghtɨ kantrin igharazimɨn gumazir dapanim, a Sirian atrivim uabɨ fer arazir kuram dɨkabɨragh, egh an arazir kurar kamra a ikaragh, bar a dɨkabɨragham.

Jenesis 9:19

Ezɨ Noan otarir 3plan kabanang, me datɨrɨghɨn nguazim gizɨvazir gumazamiziba bar men ovaviba.

Jenesis 10:32

Gumazir ziaba itir kaba, kar Noan otariba ko an otaribar otariba ko men ovavir boriba. Aperiar ekiamɨn gɨn, gumazamizir kabar ikɨziba nguazim gizɨvagha aneroke.

Godɨn Araziba 32:8

Godɨn Bar Pɨn Itim, a nguazir oteviba isa da tuiragha, bar vaghvagha kantribar gumazamizibagh anɨngi. A gumazamiziba dapiamin nguaziba, a bar dar mɨtaghniaba me bagha da abigha gɨfa. A Israelian dɨbobonimɨn gɨn ghua, nguazir mɨtaghniaba arɨsi, eghtɨ me dar ikiam.

Esta 10:1

Ezɨ Atrivim Serksis ongarir dadarimɨn boroghɨn itir gumazamiziba ko, uan kantrin aven itir gumazamiziba inigha, me gamizɨ, me a garir nguazibar ingara iti.

Aisaia 11:11

Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.