Jenesis 10:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ Javanɨn otaribar ziabar kara: Elisa, Tarsis, ko Saiprusɨn gumaziba, ko Dodania.

Jenesis 10:4 ပူးပေါင်းရင်းမြစ်များ

Daniel 11:30

Eghtɨ Romɨn gumazamiziba kuribar izɨva a mɨsogham, eghtɨ a bar atiatigham. Egh a bar puv atarɨva uamategh mangɨ, gumazamizir Godɨn ziam fer arazim gasɨghasɨghsɨ damuam. Egh a gumazamizir akɨrim ragha God gasaraziba men mɨgɨrɨgɨaba ko nɨghnɨzibar gɨn mangam.

Aisaia 23:12

A kamaghɨn mɨgei: “O Saidonɨn nguibar ekiar dirim, gumaka! Nɨ uabɨn akurvaghan kogham. Nɨn bar akongezir arazim gɨvagh ua ikian kogham. Nɨ bar ikuvigh, egh deravɨra ikian kogham. Kamaghɨn amizɨ, ia Saidonian gumazamiziba, ia dɨkavigh arɨ Saiprusɨn Arighatɨzimɨn mangɨ. Egh ia uaghan avughsamin danganiba puvatɨgham.”

Aisaia 23:1

Bizir Tairɨn nguibar ekiamɨn otivamiba, Ikiavɨra Itir God, dar akam anɨdi: O ia gumazir kurir ekiabar ongarim garuiba, iavzika! Ian nguibar ekiam Tair, a bar ikuvigha gɨfa, ezɨ tam uam an itir puvatɨ. Ia Tarsisɨn nguazimɨn ikegha, uamategha iza Saiprusɨn Arighatɨzim ategha, uan nguibam bagha izi, egha dughiar kamɨn ia asɨghasɨghizir arazir kam baraki. Kamaghɨn amizɨ, ia naviba ikuvigh aziv arang.

Dɨboboniba 24:24

Saiprusɨn mɨdorozir gumaziba uan kurir ekiaba inigh izɨ, Asuria ko Eberia mɨsogh me abɨragham. Egh Saiprusba uaghan bar gɨvagham.”

Esekiel 27:25

Ezɨ kurir bar ekiaba, nɨn bizir avɨrir kaba, kantrin igharaziba bagha da ateragharui. Nɨ uabɨ, mati kurir bar ekiar mam, ongarir torimɨn bizir bar avɨrim ateri.

Esekiel 27:12

“Nɨ kantri Spen ko bizibagh iveza da amadir dagɨar ingangarim gami. Ezɨ me nɨ da bizir bar avɨriba iniasa, silva ko ain ko bizir igharazir maba sara isa ivezimɨn mɨn nɨ ganɨdi.

Jenesis 10:5

Ezɨ gumazir kaba, gɨn ongarir mɨriam ko arighatɨzibagh apiazir darazir ovaviba. Kar Jafetɨn ovavir boriba. Egha me uan dakozibar vaghvagha uan nguazibarama apiagha, uari uan ikɨzibara akabav gei.

1 Eghaghaniba 1:7

Ezɨ Javanɨn otaribar ziabar kara: Elisa, Tarsis, ko Saiprus, ko Rodes.

Esekiel 27:6

Egha me Basanɨn nguazimɨn ghua temer okɨn aghuiba inigha an pulbar ingari. Egha Saiprusɨn Arighatɨzimɨn ghua temer aghuiba inigha, kurimɨn ghuriamɨn ingari. Egha elefanɨn atariba inigha an ghuriam asɨngi.

Esekiel 27:7

Egha me Isipɨn kantrin ghua inir bar aghuir mam inigha kurimɨn duir inimɨn ingari. Inir kam me dɨgɨrir bar aghuiba tretɨn da isami. Eghtɨ kurim saghon mar izɨtɨ, gumazamiziba bar deragh an ganam. Egha me Saiprusɨn Arighatɨzimɨn ghua bluplan nir aghuiba ko, inir pɨghaghevir maba inigha kurimɨn da gui. Eghtɨ kurimɨn ingangarir gumaziba dar apengan dapiv ikiam.