Jenesis 10:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Siemɨn otaribar ziabar kara: Elam, Asur, Arpaksat, Lidia ko Aram.

Jenesis 10:22 ပူးပေါင်းရင်းမြစ်များ

Aisaia 66:19

Eghtɨ kɨ men tongɨn ababanitam asaragh men akagham. Egh kɨ gumazamizir ikiavɨra itir varazira amangɨtɨ, me saghon itir arighatɨzibar gumazamizir igharaziba bagh mangam. Egh nan ziar ekiam ko gavgavimɨn gun gumazamizir tong oraghizir puvatɨzibav kɨmam. Kɨ kantrin kaba bagh me amangɨtɨ, me mangam, Tarsisɨn kantri ko, Pulɨn kantri ko, Lidian kantri, me barir pibar asir fofozir aghuim itir gumaziba. Egh Tubalɨn kantri, ko Grikɨn kantri, ko nguibar arighatɨzir ongarir torir saghon itiba, me bagh mangam. Gumazamizir ikiavɨra itir varaziran kabanang, kantrin kaba bagh mangegh nan ziar ekiam ko gavgavimɨn gun me mɨkɨmam.

Aposel 2:9

En marazi Partian kantri ko Midian kantri ko Elamɨn kantribar ize. Ezɨ marazi Mesopotemian Distrighɨn ize. Ezɨ marazi Judian Distrik ko Kapadosian Provins ko, Pontusɨn Provins ko, Esian Provinsɨn ize.

Jeremaia 25:25

Egha ghua Simrin atriviba ko, Elamɨn kantrin atriviba ko, Midian kantrin atriviba ko,

Aisaia 22:6

Elamɨn kantrin mɨdorozir gumaziba, me piba ko baribar suiki, egha me mɨsoghasa hoziaba ko karisba sara izi. Ezɨ Kirɨn nguibar ekiamɨn mɨdorozir gumaziba, me mɨsoghasa uan oraba sara izi.

Aisaia 21:2

Ezɨ God bizir bar kurar mam nan aka, kɨ irebamɨn mɨn garir bizimɨn, an gani. Kɨ orazi, Ikiavɨra Itir God kamaghɨn mɨgei: “Babilonia, me gumazamizibagh ifara paza me gami darasi. Egha me arazir kam gamima a ghua bar ekefe. Kamaghɨn amizɨ, ia kantri Elamɨn itir mɨdorozir gumaziba, ia izɨ Babilonia mɨsogh. Eghtɨ ia Midian kantrin mɨdorozir gumaziba, ia izɨ nguibar ekiar kam an ekɨarugh. Kɨ osɨmtɨzir Babilonia gumazamizir igharazibagh anɨdiba agɨvagham.”

Aisaia 11:11

Egh gɨn ua izamin dughiamɨn, Ekiam uamategh uan agharim ghufegh uan gavgavim akagh, uan gumazamiziba inigh uamategh izɨ, men nguibabar me arɨgham. Kar gumazamizir ikiavɨra itir varazira, me kantri Asiria ko, Isip ko, Itiopia ko, Elam ko, Babilonian kantri ko, Hamat ko, Mediterenianɨn Ongarir Ekiamɨn arighatɨzibar ikiavɨra itiba.

Jopɨn Akɨnafarim 1:17

Gumazir kam mɨgɨavɨra itima, ingangarir gumazir igharazir mam uam otogha iza kamaghɨn mɨgei, “Kaldian 3plan gumazir okoruaba iza nɨn kamelba okemegha, nɨn ingangarir gumazibav soghezɨ me ariaghire. Ezɨ kɨ uabɨra kɨ mɨseveaghɨrɨgha arav ghugha nɨ mɨkɨmasa izi.”

2 Atriviba 15:19

Menahem atrivimɨn itir dughiamɨn, Tiklat Pileser, Asirian atrivimɨn ikia, egha iza Israelia ko mɨsosi. Ezɨ Tiklat Pileserɨn ziar igharazim, Pul. Ezɨ Menahem 3,000,000 kina silva inigha, Tiklat Pileser givezasa a ganɨngi, eghtɨ a ua mɨsoghan koghɨva, egh Menahemɨn akuraghtɨ, a Israelian kantrin atrivir gavgavimɨn ikiam.

Dɨboboniba 23:7

Ezɨ Balam maghɨra God a mɨkemezir akabar gun me mɨgei: “Moapian Atrivim Balak, Aramɨn kantrin aven aruem anadi naghɨn mɨghsɨabar na inigha kagh ize. Egha ghaze, ‘Nɨ izɨ na bagh mɨkɨm. Me ikuvighsɨ nɨ akavsiatam Israelian gumazamizibar atɨghtɨ, nɨn aseba me damutɨ, me ikuvigham.’

Jenesis 9:26

Egha Noa ua kamaghɨn mɨgei, “E Ikiavɨra Itir Godɨn ziam fam, a Siemɨn God. Egha kɨ kamaghɨn Godɨn azai, Kenan pura Siemɨn ingangarir gumazimɨn ikiam.

Luk Osirizir Akar Aghuim 3:36

Ezɨ Sela, a Kainanɨn otarim. Ezɨ Kainan, Arpaksatɨn otarim. Ezɨ Arpaksat, a Siemɨn otarim. Ezɨ Siem, a Noan otarim. Ezɨ Noa, a Lamekɨn otarim.

Jenesis 10:21

Ezɨ Siem a Jafetɨn avebam. Egha uaghan boriba iti, egha Siem a Eberɨn boribar ovavir afeziam.

Jenesis 11:10

Kar Siemɨn ovavir boribar ziaba. Aperiar ekiam otozɨ azenir pumuningɨn gɨn, me Siemɨn azeniba medi da 100ɨn oto. Ezɨ an Arpaksatɨn afeziamɨn oto.

Dɨboboniba 24:22

Eghtɨ Asuria, gɨn izɨ ia mɨsogh ia gasɨghasɨgh, egh ian adarazi inigh kalabuziar gumazamizibar mɨn mangɨgham.”

Esekiel 32:24

“Kantri Elam, ko an mɨdorozir gumaziba bar moghɨra mɨdorozimɨn ariaghire. Ezɨ an mɨdorozir gumazibar moziba bar an mozim okarizɨ, a tongɨra iti. Elamia God gɨfozir puvatɨgha, me angamɨra ikiavɨra ikia gumazamizir avɨrim gamizɨ, me aguava atiati. Me datɨrɨghɨn uaghira Oveaghuezibar Nguibamɨn ikia, gumazir aremezibar tongɨn ireghav ikia bar aghumsɨki.

Daniel 8:2

Kɨ irebamɨn uabɨn garima, kɨ zuamɨra ghua Elamɨn provinsɨn oto. Egha Susan nguibar ekiamɨn tughav iti. Ulain Fanemɨn boroghɨn.