Jenesis 1:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

^6-7 Egha gɨn God kamaghɨn mɨgei, “Avavetam otogh dɨpam avɨnightɨ, dɨpam akuar pumuningɨn ikɨ.” Ezɨ avaver kam oto. God avaver kam gamizɨma, a dɨpar pɨn itim ko apengan itim abɨki.

Jenesis 1:6 ပူးပေါင်းရင်းမြစ်များ

Jopɨn Akɨnafarim 37:18

God overiamɨn ingarigha, a isa an danganimɨn anetɨzɨ, a ikia gavgafi. Ezɨ overiam mati guabar garir bizimɨn mɨn iti, me brasɨn ganganir kamɨn ingari. Ezɨ nɨ ti Godɨn akuragh kamaghɨn bizitamɨn ingarigham? Bar puvatɨgham.

Jeremaia 51:15

Ikiavɨra Itir God uan gavgavimɨn nguazir kamɨn ingari. A uan nɨghnɨzir aghuimɨn nguazir kam isa uan danganimra anetɨzɨ, a gavgafi. A uan fofozimɨn overiamɨn ingara an onegha gɨfa.

Onger Akaba 33:6

Ikiavɨra Itir God fomɨra mɨkemezɨ, aruem ko iakɨnim ko mɨkoveziba, ko overiamɨn pɨn itir biziba bar otivigha iti.

Onger Akaba 104:2

Angazangarim nɨ avara, mati gumazim inim avara. Nɨ overiam atɨzɨma mɨkoveziba bar iti, mati gumazim purirpenim asaragha benimɨn a ikezɨma a iti.

Onger Akaba 33:9

A mɨkemezɨ nguazir kam puram oto. An Akar Gavgavim mɨkemezɨ, biziba bar nguazir kamɨn otifi.

Onger Akaba 148:4

Godɨn Nguibar bar pɨn itim, nɨ uaghan an ziam fɨ! Dɨpar overiamɨn pɨn itiba, ia uaghan an ziam fɨ.

Sekaraia 12:1

Kar mɨgɨrɨgɨar Ikiavɨra Itir God Israelia bagha anɨngizim. Ikiavɨra Itir God overiam ko, nguazimɨn ingarigha, gumazamizibar ingarigha, ikɨrɨmɨrir angamɨra itim me ganɨngi. A kamaghɨn mɨgei,

Onger Akaba 19:1

Overiam Godɨn gavgavir ekiam ko ziar ekiam en akakasi. Bar guizbangɨra, bizir pɨn itiba, da an gun e geghara ghaze, a bar deragha dar ingari.

Jenesis 1:20

Egha gɨn God kamaghɨn mɨgei, “Ongarimɨn aven, bizir angamɨra itir avɨriba an ikɨva a gizɨvagham. Eghtɨ kuaraziba otivigh overiamɨn pɨn tintinibar mɨghɨ.”

Jopɨn Akɨnafarim 26:13

God uabɨ amɨnir ekiam amadazɨ a iza ghuariabagh ivarazɨ, overiam uam angazangari. Egha a uan dafarimɨn kuruzir aser ekiar kam bɨrazɨma, an areme.

Onger Akaba 150:1

God uan Dɨpenimɨn itima, e an ziam fam. A gavgavir bar ekiam ikia uan Nguibamɨn itima, e an ziam pɨrafam.

Jopɨn Akɨnafarim 37:11

A dɨpar avɨrim isa ghuariar ekiabar aven da akufi, ezɨ onɨmariba dar tongɨn ikia taghtagha tintinibar zui.

Fofozir Gumazim 11:3

E fo, dɨpam overiamɨn pɨn itir ghuariabagh izɨvazɨma, amozim nguazim giri. Temem ira sautɨn amadaghan irɨghav iti, o notɨn amadaghan irɨghav iti, a danganir irɨzimɨn, a irɨghɨv ikiam.

Jenesis 1:14

Egha gɨn God kamaghɨn mɨgei, “Angazangariba overiamɨn otifigh, aruem ko dɨmagarim abɨkigh. Eghtɨ dughiaba ko azeniba ikɨtɨ, me angazangarir kabar ganɨva dughiabagh fogham.

Jeremaia 10:10

Ezɨ Ikiavɨra Itir God, a guizbangɨra God. A Godɨn zurara ikia mamaghɨra itim, egh atrivimɨn ikɨ mamaghɨra ikiam. Ezɨ an anɨngagharim nguazim gamima, a ivazvasi, eghtɨ gumazamiziba deraghvɨra ikian kogham.

2 Pita 3:5

Me bizir kam gɨfogha, a gɨnɨghnɨghan aghua. Fomɨra God mɨkemezɨ overiam ko nguazim oto. Ezɨ God dɨpabav kemezɨ da iraghuezɨ nguazim oto. Ezɨ God dɨpamra nguazimɨn ingari.

Aisaia 40:22

Godɨn overiamɨn pɨn uan atrivir dabirabim gaperaghav itim, a bizir kaba bar dar ingari. Egha an overiam, inimɨn mɨn an onegha, averpenimɨn mɨn a kuasa. Ezɨ an damazimɨn, nguazir kamɨn gumazamiziba bar suvigha, odezibar mɨn iti.

Onger Akaba 19:2

Arueba zurara sɨgha gara, bizir kamɨn gun mɨgei. Ezɨ dɨmagariba uaghan bizir kamɨn en akakagha ghuavɨra iti.