Jenesis 1:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Egha angazangarim ziar kam, “Aruem,” a gatɨ. Egha mɨtatem ziar kam, “Dɨmagarim,” a gatɨ. Ezɨ amɨnim pɨrigha ua tirazɨma, kar dughiar bar faraghavɨra zuim.

Jenesis 1:5 ပူးပေါင်းရင်းမြစ်များ

Onger Akaba 74:16

Nɨ angazangarim ko mɨtatemɨn ingari, egha aruem ko iakɨnimɨn ingarizɨ aning pɨn uan danganimningɨn iti.

Aisaia 45:7

Kɨrara, kɨ mɨkemezɨ, angazangarim ko mɨtarmem oto. Egha kɨrara gumazamizibagh amima, me deravɨra iti. Kɨ me gamima, me osɨmtɨzir ekiaba batifi. Kɨ Ikiavɨra Itir God, kɨrara bizir kabagh amima da otivaghiri.

1 Tesalonika 5:5

Ia fo, ia bar aruem ko angazangarimɨn gumazamiziba. E dɨmagarim ko mɨtarmemɨn adarazi puvatɨ.

Onger Akaba 104:20

Nɨ mɨtatem gami, a dɨmagaribar otifi. Ezɨ dɨmagaribar asɨzir atiaba arui.

Jenesis 8:22

Eghtɨ nguazim ikɨvɨra ikɨtɨ dughiar kaba uaghan otivɨra ikiam, dughiar dagheba opariba ko dagheba iniamba, dughiar orangtɨziba ko fefeba, dughiar amoziba iziba ko arueba gariba ko dɨmagariba ko arueba. Dughiar kaba gɨvaghan kogh mangɨ nguazim gɨvamin dughiam otogham.”

Onger Akaba 19:2

Arueba zurara sɨgha gara, bizir kamɨn gun mɨgei. Ezɨ dɨmagariba uaghan bizir kamɨn en akakagha ghuavɨra iti.

Jeremaia 33:20

“Kɨ Ikiavɨra Itir God, kɨ guizbangɨra mɨgei: Kɨ aruem ko, dɨmagarim ko, akam akɨrigha gɨfa, eghtɨ aning zurara dughiar kɨ aning bagha inabazimɨn otivam. Ezɨ gumazitam nan akar dɨkɨrɨzir gavgavir kam giraghan kogham.

Efesus 5:13

Angazangarim bizibagh isiraghtɨ, da azenim girɨghtɨ, gumazamiziba fogh suam, bizir kabar mɨngariba kamakɨn.

1 Korin 3:13

Eghtɨ gɨn, Godɨn Kotiamɨn Dughiamɨn, gumazamiziba bar, men ingangariba azenim giram. Eghtɨ dughiar kam avir ekiamɨn mɨn otoghtɨ, avir kam men ingangaribar isi vaghvagh da tuisɨgham, men ingangariba deraz, o puvatɨ.

Jenesis 1:8

Egha God avaver kamɨn ziam, “Overiam,” a gatɨ. Ezɨ amɨnim pɨrigha ua tirazɨma, kar dughiar namba 2.

Jenesis 1:31

Ezɨ God bizir kaba bar dar gari da bar derazɨma, a bar akonge. Ezɨ amɨnim pɨrigha ua tirazɨma, kar dughiar namba 6.

Jenesis 1:23

Ezɨ amɨnim pɨrigha ua tirazɨma kar dughiar namba 5.

Jenesis 1:19

Ezɨ amɨnim pɨrigha ua tirazɨma, kar dughiar namba 4.

Jenesis 1:13

Ezɨ amɨnim pɨrigha ua tirazɨma, kar dughiar namba 3.

Dɨboboniba 20:29

Ezɨ gumazamiziba kamaghɨn ganigha fo, Aron areme. Egha me bar moghɨra a bagha azia ikia ghuavɨra itima, 30plan arueba gɨfa.

Onger Akaba 65:8

Gumazamiziba bizir kabar gara bar nɨn atiatingi. Me aruem anaga uaghiri naghɨn bizir nɨ amir kabar gara, nɨ bagha bar akongegha, pamten diava arai.