Jenesis 1:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Ezɨ God kamaghɨn mɨgei, “Angazangarim otogh.” Ezɨ angazangarim oto.

Jenesis 1:3 ပူးပေါင်းရင်းမြစ်များ

2 Korin 4:6

Fomɨra God kamaghɨn mɨgɨa ghaze, “Mɨtatemɨn aven, angazangarim otogh siragham.” Ezɨ Godɨn kamnangran angazangarim iza en navir averiabar ikia e gamizɨma, e Godɨn fofozir aghuiba iti. E Krais Iesusɨn guamɨn angazangarir kamɨn gara, egha e Godɨn angazangarim ko an gavgavim gɨfo.

Jon Osirizir Akar Aghuim 1:5

Ezɨ angazangarir kam a mɨtatemɨn isima, mɨtatem anevaraghava anemungezir puvatɨ.

Aisaia 45:7

Kɨrara, kɨ mɨkemezɨ, angazangarim ko mɨtarmem oto. Egha kɨrara gumazamizibagh amima, me deravɨra iti. Kɨ me gamima, me osɨmtɨzir ekiaba batifi. Kɨ Ikiavɨra Itir God, kɨrara bizir kabagh amima da otivaghiri.

Aisaia 60:19

“Aruem ua nɨ bagh angazangarimɨn mɨn ikian kogham, eghtɨ dɨmangan, iakɨnim uam angazangarim nɨ danɨngan kogham. Kɨ Ikiavɨra Itir God, kɨ uabɨ aruem ko iakɨnimɨn mɨn, angazangarim nɨ danɨng mamaghɨra ikiam. Kɨ nɨn God, kɨ gavgavim ko angazangarir ekiamɨn mɨn nɨ gisiraghtɨ, nɨ ganganir bar aghuarim damuam.

1 Jon 1:5

E Krais Iesus barazi an akar kam akunizɨma, e ia mɨkɨri. Akar kam kamaghɨn mɨkeme, God, an angazangarim, ezɨ mɨtarmetam anepazazir puvatɨ.

Efesus 5:8

Ia faragha mɨtatemɨn aven ike, egha datɨrɨghɨn ia Ekiamɨn gumazamizibar otivigha, angazangarimɨn aven iti. Kamaghɨn ia gumazamizir angazangarimɨn aven itibar mɨn daru.

Jon Osirizir Akar Aghuim 1:9

Ezɨ angazangarir kam guizbangɨn angazangarim. Egha nguazir kamɨn izegha gumazamiziba bar angazangarim me ganɨdi.

Jon Osirizir Akar Aghuim 3:19

Ezɨ Godɨn kotiamɨn mɨngarimɨn arazim kamakɨn, Godɨn angazangarim nguazimɨn izegha gɨfa. Ezɨ gumazamiziba, me amir araziba bar ikufi, kamaghɨn amizɨ, me mɨtatem bagha bar ifonge, me angazangarimɨn aghua.

Onger Akaba 33:6

Ikiavɨra Itir God fomɨra mɨkemezɨ, aruem ko iakɨnim ko mɨkoveziba, ko overiamɨn pɨn itir biziba bar otivigha iti.

Onger Akaba 148:5

Ikiavɨra Itir God mɨkemezɨ bizir kaba otifi! Kamaghɨn me bar an ziam fɨ.

Onger Akaba 97:11

God angazangarim isa gumazamizir aghuibagh anɨga, me gamizɨ men naviba bar akonge.

Onger Akaba 33:9

A mɨkemezɨ nguazir kam puram oto. An Akar Gavgavim mɨkemezɨ, biziba bar nguazir kamɨn otifi.

1 Jon 2:8

Mɨtatemɨn dughiam gɨvasava ami, ezɨ guizɨn angazangarim datɨrɨghɨn e gisira, ezɨ kɨ Akar Gavgavir kam ia bagha an osiri. Akar kɨ ia bagha osirizir kam, a uaghan mɨgɨrɨgɨar igiam. E Iesus amizir arazibar ganigha fo, akar kam guizbangɨra. Egha ia amir araziba gara fo, akar kam guizbangɨra.

Efesus 5:14

Bizitam bar azenim girɨgh egh a guizbangɨra angazangarimɨn mɨn otogham. Kamaghɨn, marazi ghaze: “Nɨ aremezir gumazim, nɨ ua dɨkavigh, mozim ategh uam azenan izɨ. Eghtɨ Kraisɨn angazangarim nɨ gisiragham.”

Onger Akaba 104:2

Angazangarim nɨ avara, mati gumazim inim avara. Nɨ overiam atɨzɨma mɨkoveziba bar iti, mati gumazim purirpenim asaragha benimɨn a ikezɨma a iti.

Jopɨn Akɨnafarim 38:19

“Jop, nɨ managh mangɨva, angazangarim otivir danganim bativam? Egh nɨ managh mangɨva, mɨtarmem otivir danganim bativam?

1 Timoti 6:16

A uabɨra oveghan kogham. An angazangarir ekiamɨn aven iti, ezɨ e an boroghɨn mangɨghan kogham. Tav an ganizir puvatɨ. Eghtɨ gumazitam o amizitam an ganighan kogham. Kamaghɨn amizɨ, e zurara an ziam fam, egh mɨkɨm suam, an gavgavim ikɨvɨra ikiam. Bar guizbangɨra!

Onger Akaba 118:27

Ikiavɨra Itir God, a uabɨra guizbangɨra God. A bar deravɨram e gamua an angazangarim e gisira. Kamaghɨn, e bar akongegh temer aguabar suigh ofa gamir dakozimɨn mɨkebabar itir bulmakaun kombar mɨn garir bizibagh ighuraruam.

Jopɨn Akɨnafarim 36:30

God onɨmaribagh amima, da tintinimɨn danganiba bar dar taghtasi. Egha ongarir konim avarazɨ, a mɨtarmemɨn aven iti.

Jon Osirizir Akar Aghuim 11:43

Iesus mɨkemegha gɨvagha, a pamtem dɨa ghaze, “Lasarus, nɨ azenan izɨ.”

Matyu 8:3

Ezɨ Iesus uan agharim isa gumazir kam gatɨgha ghaze, “Kɨ ifonge. Nɨn mɨkarzim zuegh, egh ua deragh.” A kamaghɨn mɨgɨavɨra itima, gumazir kamɨn lepan arɨmariam zuamɨra anetaghizɨma gumazim ua dera.

Jenesis 2:4

Ezɨ arazir God overiam ko nguazim ko biziba bar dagh amizɨ da otivizir eghaghanir kam, a kamaghɨra ghu. Dughiar kam, Ikiavɨra Itir Godɨn Gavgavim overiam ko nguazim gamizɨma aning otozɨma,