Jenesis 1:29 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁹ Egha God mɨgɨa ghaze, “Kɨ nguazir kamɨn itir dagheba batamin temeba, ko nguazimɨn aven otivir dagher avɨriba, kɨ bar da ia ganɨdi. Eghtɨ ia bizir kabar dagheba iniam.

Jenesis 1:29 ပူးပေါင်းရင်းမြစ်များ

Jenesis 9:3

Kɨ faragha ia damasa zuravaribara daghebar mɨn ia ganɨngi. Egha datɨrɨghɨn nguibamɨn asɨziba, ko ruarimɨn itir asɨziba, ko zuravariba sara bar da isa ia ganɨngi eghtɨ, ia bar dar amam.

Onger Akaba 24:1

Nguazir kam ko an itir biziba bar, da bar Ikiavɨra Itir Godɨn bizibara. Ezɨ nguazimɨn itir gumazamiziba bar uaghan an bizibara.

Aposel 17:28

‘Anarɨra e gamima, e ikiava, aruava egha ikɨrɨmɨrim isi.’ Ezɨ ian fofozir gumazir mabara kamaghɨn mɨkeme, ‘E Godɨn boribara.’

Aposel 14:17

Egha a ian modozir puvatɨ, eghtɨ gumazamiziba a gɨfoghan kogham. Puvatɨ. A zuraram arazir aghuibar ia gamua, amozim ia ganɨga, dagher aghuir avɨriba ia ganɨga, dagher aghuibagh ami da otifi. Egha ia gamima ian naviba deragha bar akonge.”

Onger Akaba 147:9

A dagheba isa asɨziba bar me ganɨdi, ezɨ kuarazir nguziba daghem bagha arai, a men akuaghapi.

Onger Akaba 136:25

A dagheba isa gumazamiziba ko asɨziba bar me ganɨdi. A zurara en apangkuvigha mamaghɨra iti.

Matyu 6:11

E datɨrɨghɨn damamin dagheba, nɨ datɨrɨghɨn da isɨ e danɨng.

Jopɨn Akɨnafarim 36:31

God ghuariaba ko amozibagh atifa, egha arazir kamra a gumazamiziba bar me gativagha deravɨra men gari. Egha amozim gami an azenibagh izima gumazamiziba dagher avɨriba iti.

Jenesis 2:16

Egha Ikiavɨra Itir Godɨn Gavgavim kamaghɨn gumazim mɨgɨa ghaze, “Nɨ azenir kamɨn itir temeba bar dar ovɨzibar amɨ.

1 Timoti 6:17

Gumazamizir dagɨar avɨriba ikia nguazir kamɨn itiba, nɨ kamaghɨn me mɨkɨm, me uari uan ziaba fan markɨ. Egh me uan bizir pura ikuviba nɨghnɨzir gavgavim dar ikian markɨ. Me guizbangɨra nɨghnɨzir gavgavim Godra ikɨ. An e damutɨ, e bar akongeghasa, a bizir aghuir avɨriba e ganɨdi.

Hosea 2:8

“A kamaghɨn foghan aghua, kɨ uabɨ dagheba ko, wainɨn dɨpam ko, olivɨn borem ko, silva ko, gol ko, bizir maba sara bar a ganɨngi. Ezɨ puvatɨ, a bizir bar aghuir kaba inigha ghua asem Balɨn ziam fe.

Aisaia 33:16

Gumazamizir kamaghɨn amiba, me bar deravɨra ikiam. Me mati gumazim mɨghsɨam gisɨn mogomer danganir bar gavgavimɨn modoghav iti moghɨn deravɨra ikiam. Eghtɨ bizitam me dɨkabɨraghan kogham. Eghtɨ me zurara damamin dagheba ko dɨpaba ikiam.

Onger Akaba 146:7

A gumazamizir gavgaviba puvatɨziba, deragha me gamizɨ, me dera. A mɨtiriaba aziba, dagheba isa me ganɨdi. A kalabuziar gumazamiziba fɨri, me kalabus ataghɨragha azenibar izi.

Onger Akaba 115:16

Nguibar bar pɨn itim, kar Ikiavɨra Godɨn bizimra. A nguazir kam isa gumazamizibagh anɨngi.

Onger Akaba 111:5

A gumazamizir an atiatiba, a dagheba me ganɨdi. Egha a uan Akar Gavgavir a gumazamiziba ko dɨkɨrɨzir kam, a zuraram a gɨnɨghnɨsi.

1 Timoti 4:3

Me gumaziba amuiba ikian men anogoroke. Egha dagher God e bagha ingarizir maba, me ghaze ia dar aman markɨ. Dagher kaba, God ghaze, gumazamizir guizɨn akam gɨfogha nɨghnɨzir gavgavim an itiba, merara dagher kaba iniam. Me dagheba iniva dar amɨva God mɨnabagh.

Jenesis 6:21

Egh nɨ uan amuiroghboriba ko asɨzibagh nɨghnigh, dagher guar avɨriba bar da isɨ kurim darɨkigh.”