Jenesis 1:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Faragha zuir dughiar kam, nguazim e datɨrɨghɨn iti moghɨn garir pu. Puvatɨ. A bar pura ikia egha an ganganim ighara. Mɨtater dafam ongarir ekiaba avarazɨma, Godɨn Duam pura dɨpam gisɨn arui.

Jenesis 1:2 ပူးပေါင်းရင်းမြစ်များ

Jeremaia 4:23

Kɨ Jeremiah kɨ garima, nguazim bar ikuvigha pura itima, bizir aghuitam a gisɨn itir puvatɨ. Ezɨ kɨ overiamɨn gari, angazangaritam an itir puvatɨ.

Onger Akaba 104:30

Nɨ ikɨrɨmɨrir angamɨra itim anɨdir amɨnim me ganɨngizɨ, me angamɨra iti. Nɨ nguazimɨn bizir igiabagh amima da otifi.

Aisaia 45:18

Ikiavɨra Itir God, anarɨra God. A nguazim ko overiamɨn ingarizɨ, aning gavgavighavɨra iti. Nguazim pura ikiasa God an ingarizir puvatɨ. Biziba ko gumazamiziba bar moghɨra nguazimɨn ikiasa, an an ingari. Egha a ghaze, “Kɨrara, kɨ Ikiavɨra Itir God, ezɨ ua godɨn tam ua itir puvatɨ.

Onger Akaba 33:6

Ikiavɨra Itir God fomɨra mɨkemezɨ, aruem ko iakɨnim ko mɨkoveziba, ko overiamɨn pɨn itir biziba bar otivigha iti.

Jopɨn Akɨnafarim 26:7

God overiamɨn ingarigha pura pɨn anetɨzɨ, a danganir bizitam faragha itir puvatɨzimɨn iti. Egha nguazim atɨzɨ a pura iti, bizitam an suirazir puvatɨ.

Jopɨn Akɨnafarim 26:14

Bizir an amizɨ otivizir kaba, da an gavgavir ekiamɨn pura bizir muziariba, e da baragha dar gari. Eghtɨ God bar uan gavgavim en akaghtɨ, e akatam bar a mɨkɨman iburagham. Bar puvatɨgham. Godɨn gavgavim bar ekefe.”

Nahum 2:10

Ninive bar ikuvigha, pura danganir kɨnir gumazamiziba puvatɨzimɨn mɨn iti. Gumazamiziba nguibar ekiam ategha tintinibar are. Me puvɨram aguava bar atiatigha, men sueroghofariba nɨsi. Men gavgaviba bar gɨvazɨma, men naviba me gɨghaghirima, men damaziba atiaghiregha guaba bar ghuari.

2 Korin 4:6

Fomɨra God kamaghɨn mɨgɨa ghaze, “Mɨtatemɨn aven, angazangarim otogh siragham.” Ezɨ Godɨn kamnangran angazangarim iza en navir averiabar ikia e gamizɨma, e Godɨn fofozir aghuiba iti. E Krais Iesusɨn guamɨn angazangarir kamɨn gara, egha e Godɨn angazangarim ko an gavgavim gɨfo.

Godɨn Araziba 32:11

Ikiavɨra Itir God, deragha Israelian gara me geghuvima, me bizitamɨn irɨzir puvatɨ. Mati kuarazir bagam uan nguziba mɨghamin arazarazibar da afi, ezɨ nguziba irasava amima a dar apengan ghua uan avɨzimɨn da fegha anadima, da irir puvatɨ.

Jopɨn Akɨnafarim 38:9

Dughiar ongarim igiamram otozimɨn, kɨrara ghuariaba isa, anevara, mati amebam inim isa uan borir iririvim gike. Kɨ mɨgharir pɨziba isa ongarim avarazɨ, mɨtarmer bar ekiam anevara.

Onger Akaba 104:6

Nɨ ongarim atɨzɨ a ikia inimɨn mɨn nguazim avara. Ezɨ dɨpar kam mɨghsɨaba bar ada avara.

Onger Akaba 136:6

A nguazim isa dɨpabagh isɨn an ingarizɨ an aperaghav iti. A zurara en apangkuvigha mamaghɨra iti.

Onger Akaba 148:7

Ia nguazimɨn itir biziba bar, ia Ikiavɨra Itir Godɨn ziam fɨ. Ia bizir kabanang. Ongarir konimɨn aven itir kuruzir ekiaba ko osiriba ko

Aghuzir Akaba 8:24

A tɨghar ongarim ko dɨpabar ingaram, kɨ faragha oto.

Aisaia 31:5

E fo, kuaraziba pɨn mɨgha, egha deraghvɨra uan mɨkonibar itir nguzibagh eghufi. Kamaghɨra, kɨ Ikiavɨra Itir Godɨn Gavgaviba Bar Itim, kɨ deragh Jerusalem geghuv deragh an ganam. Kɨ zurarama an boroghɨn ikɨ mangɨn izegh damu a getiva deragh an ganɨva an akurvagham.”

Jopɨn Akɨnafarim 41:32

An ongarim garuir dughiam, an tuavir a zuim, pupuvir bar ghurghuriba an ikia taghtasi.