Jenesis 1:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Egha God angazangarir ekiar pumuning gamizɨma aning oto. Angazangarir ekiam, an aruem, egha isiragha gara aruemɨn angazangarim anɨdi. Ezɨ dozim, a iakɨnim, a isiragha dɨmagarimɨn angazangarim anɨdi. Egha God mɨkovezibagh amizɨ da otifi.

Jenesis 1:16 ပူးပေါင်းရင်းမြစ်များ

Godɨn Araziba 4:19

Ia ti overiamɨn itir bizir kabar gari, aruem, iakɨnim ko mɨkoveziba. Ia uari bagh ganigh, bizir kaba ian navir averiabagh ekutɨ, ia teviba apɨr dar ziaba fam. Ikiavɨra Itir God, ian God, ikɨzir igharazibar amamangatɨzɨ me bizir kabar ziaba fe. Eghtɨ ia kamaghɨn damuan kogham.

Onger Akaba 8:3

Kɨ kogha pɨn overiar nɨ uan dafarimɨn ingarizimɨn gara, egha uaghan iakɨnim ko mɨkovezir uan danganir nɨ me arɨghɨzibar gari,

Aisaia 40:26

Ia pɨn overiamɨn gan! Tinara mɨkoveziba ko overiamɨn itir bizibar ingarizɨ, da otifi? Bizir kaba, Godɨn mɨdorozir gumazibar mɨn iti. A ziaba dagh arɨgha dar pone. An adar dɨbobonim gɨfogha, vaghvagha dar ziabagh fo. A gavgaviba bar iti, kamaghɨn amizɨ, bizir pɨn itir katam ovengan kogham.

Onger Akaba 148:5

Ikiavɨra Itir God mɨkemezɨ bizir kaba otifi! Kamaghɨn me bar an ziam fɨ.

Onger Akaba 74:16

Nɨ angazangarim ko mɨtatemɨn ingari, egha aruem ko iakɨnimɨn ingarizɨ aning pɨn uan danganimningɨn iti.

Onger Akaba 148:3

Aruem ko iakɨnim, gua uaghan an ziam fɨ! Mɨkovezir angazangarir gavgaviba itiba, ia uaghan an ziam fɨ.

Jopɨn Akɨnafarim 38:7

Ingangarir kam otozir dughiamɨn, mɨkoveziba an ganigha bar akongegha ighiabagh amima, enselba dia bar akonge.

1 Korin 15:41

Aruem dɨgɨrir igharazim iti, ezɨ iakɨnim dɨgɨrir igharazim iti, ezɨ mɨkovezim dɨgɨrir igharazim iti, egha mɨkovezibar aven da vaghvagha dɨgɨrir igharagha gariba iti.

Matyu 27:45

Ezɨ aruem iza pazaghar torim gatima, mɨtatem nguazimɨn itir nguibaba bar da avaragha ghua, dughiam 3 kloghɨn guaratɨzimɨn tu.

Habakuk 3:11

Nɨn bariba akɨzɨrɨgha zuir dughiamɨn, dar angazangarim bar ekefe. Nɨn afuzim akɨgha zuir dughiamɨn, an onɨmarimɨn mɨn taghtasi. Ezɨ aruem ko, iakɨnim dar gara, voroghɨra mɨtɨghav iti.

Aisaia 45:7

Kɨrara, kɨ mɨkemezɨ, angazangarim ko mɨtarmem oto. Egha kɨrara gumazamizibagh amima, me deravɨra iti. Kɨ me gamima, me osɨmtɨzir ekiaba batifi. Kɨ Ikiavɨra Itir God, kɨrara bizir kabagh amima da otivaghiri.

Aisaia 13:10

Dughiar kamɨn, mɨkoveziba bar dar angazangarim mungegham. Egh aruem otoghtɨ, an angazangarim mɨtarmegham, eghtɨ iakɨnimɨn angazangarim puvatɨgham.

Onger Akaba 19:6

Aruem dɨkavigha overiamɨn mɨriamɨn anagava otogha ua vongɨn uaghiri. Ezɨ bizitam an fefer gavgavir kamɨn modoghan kogham.

Akar Mogomem 21:23

Godɨn angazangarir gavgavimra angazangarim nguibar ekiar kam ganɨdi. Ezɨ Sipsipɨn Nguzim uabɨ nguibar ekiar kamɨn lamɨn mɨn iti. Kamaghɨn amizɨ nguibar ekiar kamɨn angazangariba anɨngamin arueba ko iakɨniba puvatɨgham.

Aisaia 24:23

Dughiar kamɨn, Ikiavɨra Itir Godɨn Gavgaviba Bar itim, uan angazangarir ekiam ko, uan gavgavim sara izɨ, Jerusalemɨn itir Saionɨn Mɨghsɨamɨn ikɨ, gumazamizibagh ativagh men ganam. Eghtɨ an gumazamizibar gumazir faragha zuiba an ganam. Eghtɨ an angazangarim pamtem me gisiraghtɨ, aruem ko iakɨnimɨn angazangarim pura bizir kɨnimɨn mɨn otogham.

Jopɨn Akɨnafarim 31:26

Kɨ garima, aruem bar deravɨra isira, ezɨ iakɨnim uaghan angazangarir bar dirim iti. Ezɨ nan navir averiam, aser kamningɨn ziamning fasa na dɨkavir puvatɨ. Ezɨ kɨ ziar ekiam aning danɨngasa uan dafarimningɨn torezir puvatɨ.

Matyu 24:29

Egha Iesus ua kamaghɨn mɨgei, “Osɨmtɨzir ekiar kaba otivigh gɨvaghtɨ: “ ‘Aruem mɨtategham, eghtɨ iakɨnim isiraghan kogham, eghtɨ mɨkoveziba overiamɨn asighiram, overiamɨn itir bizir gavgaviba bar uarira uari sɨvaghsɨvagh, uan danganiba ataghɨragham.’

Jenesis 1:15

Eghtɨ angazangarir kaba otivigh angazangarim nguazim danɨngam.” Ezɨ angazangariba otifi.

Jeremaia 31:35

Ikiavɨra Itir God angazangarim anɨngasa aruemɨn ingari, egha a iakɨnim ko mɨkoveziba dɨmagaribar angazangarim anɨngasa dar ingarigha, dar danganibar da arɨki. Egha an ongarim fezɨ, ongarir ekiaba dɨkava pamtemɨn dɨpɨraghira tɨngazi. An ziam kamakɨn, Ikiavɨra Itir Godɨn Gavgaviba Bar Itim. A kamaghɨn mɨkeme: