Jenesis 1:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Egha gɨn God kamaghɨn mɨgei, “Nguazim, temer guar avɨriba ko nguazimɨn aver beniba ko dagheba a gisɨn aghung.” Ezɨ bizir kaba otifi.

Jenesis 1:11 ပူးပေါင်းရင်းမြစ်များ

Hibru 6:7

Amozim dughiar avɨribar izava nguazimɨn aven zui. Eghtɨ nguazim daghebar amutɨ dagher aghuiba otivam, egh gumazir me me bagha da oparizibar akurvagham. Eghtɨ God nguazir kam deragh a damuam.

Onger Akaba 147:8

An overiamɨn ghuariaba arɨghizɨ, amozim nguazimɨn izaghirava, mɨghsɨabagh izima graziba dar otifi.

Jenesis 1:29

Egha God mɨgɨa ghaze, “Kɨ nguazir kamɨn itir dagheba batamin temeba, ko nguazimɨn aven otivir dagher avɨriba, kɨ bar da ia ganɨdi. Eghtɨ ia bizir kabar dagheba iniam.

Jenesis 2:9

Ezɨ Ikiavɨra Itir Godɨn Gavgavim temer guar avɨribagha amizɨ da nguazimɨn otivigha, dar ovɨziba daghemɨn bar dera. Temer kabar ganganim bar moghɨra dera. Azenir kamɨn torimra temer mam iti, a ikɨrɨmɨrir zurara itim anɨdir temem. Ezɨ temer igharazir mam uaghan iti, kar temer nɨghnɨzir aghuim anɨngtɨ gumazamiziba arazir aghuim ko arazir kuram gɨfoghamim.

Mak Osirizir Akar Aghuim 4:28

Ezɨ nguazimra dagher ovɨzir kabagh amizɨma da aghua mɨsefe. Da faragha afuegha aghua ghua aghariba otivigha, ada ghua akɨmariba otivigha mɨsefe.

Matyu 6:30

E fo, graziba pura biziba, da iti, gurumɨn gumazitam dar akoreghɨva da isɨva avitam mɨkɨnigham. Grazir kɨnir kabanagh God adiariba me gazui. Ia bizir kam gɨfogh, God uaghan adiariba ia danɨngam. Ia gumazamizir nɨghnɨzir gavgavir muziarim itiba!

Jopɨn Akɨnafarim 28:5

Gumazir igharaziba, nguazim gisɨn azenibar ingara dagheba ko biziba opari. Ezɨ gumazir nguazimɨn apengan ingarir kaba, me dagɨaba abɨgha nguazim gɨkua a gɨrazɨ, a mati avim danganir mam bar an isizɨ moghɨn iti.

Onger Akaba 1:3

Me mati temem, me dɨpar mɨriamɨn anekara. A uan dughiamra bava, dafariba mɨdir puvatɨ. Kamaghɨra, bizir me amiba bar, da deraghavɨrama otifi.

Jenesis 2:5

an amozim amadazɨma a izir puvatɨ. Ezɨ nguazimɨn azenimɨn ingaramin gumazamiziba puvatɨ. Kamaghɨn, graziba ko temeba tɨghar nguazimɨn otivam.

Jems 3:12

Nan adarasi, fighɨn temem olivɨn tememɨn mɨn bam, o? Puvatɨ! O wainɨn ikarɨzim a fighɨn temem mɨn bam, o? Puvatɨ! Kamaghɨra dɨpar apir aghuim ongarir dɨpam ko ikɨva otivan kogham.

Matyu 3:10

Sobiam datɨrɨghɨn temer povibar iti, eghtɨ temer dagher ovɨzir aghuiba itir puvatɨziba, God bar da okeghɨva da isɨva avim mɨkɨnam.

Jeremaia 17:8

Me mati temem me dɨpar mɨriamɨn anekara. Ezɨ temer kamɨn biba nguazim giraghuegha dɨpam isi. Ezɨ aruem garir dughiam, an atiatir puvatɨ. An dafariba angamɨra ikiavɨra iti. Egha amoziba izir puvatɨzir dughiabar, a nɨghnɨzir avɨribagh amir puvatɨ. A bar ikia mamaghɨra ti.”

Jenesis 2:16

Egha Ikiavɨra Itir Godɨn Gavgavim kamaghɨn gumazim mɨgɨa ghaze, “Nɨ azenir kamɨn itir temeba bar dar ovɨzibar amɨ.

1 Korin 15:38

God ifongezɨ moghɨn, a uabɨ aguaba ko namnam ko dafariba isa, igharagha garir dagheba ko graziba ko temebagh anɨdi. Egha bizir God anɨngizir kaba, mati men inivafɨziba. Kamaghɨn amizɨ, da bar moghɨra vaghvagha inivafɨzir igharagha gariba iti.

Jenesis 1:12

Ezɨ temer ber guar avɨriba ko benir nguazimɨn aveba ko dagher apiba bar nguazimɨn vaghvagha aghui moghɨn aghua, egha da be moghɨn be. Ezɨ God bizir kabar garima da derazɨma, a bar akonge.

Aisaia 61:11

Kɨ fo, Ikiavɨra Itir God, nan Ekiam, uan arazir aghuim ko uan akurvazir arazim nan akagham, mati nguazim dagher ovɨziba an aven ikia biaba otiva anaga azenim girɨ. Eghtɨ Kantrin Igharazibar Gumazamiziba Ekiamɨn arazir kamɨn ganigh an ziam fam.