Jenesis 1:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ God nguazir mɨsɨngizir kam ziam, “Nguazim,” a gatɨ. Egha dɨpar danganir igharazimɨn uari akuvaziba, a ziam, “Ongariba,” dagh atɨ. Egha God bizir kabar gari da bar derazɨma, a bar akonge.

Jenesis 1:10 ပူးပေါင်းရင်းမြစ်များ

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

Onger Akaba 104:31

E ghaze, Ikiavɨra Itir Godɨn gavgavim ko angazangarir ekiam zurara ikɨ mamaghɨra ikiam. Eghtɨ Ikiavɨra Itir God, bizir a ingariziba bagh bar akongegham.

Jenesis 1:4

Ezɨ God angazangarimɨn gari, a derazɨma, a bar akonge. Egha mɨtatem ko angazangarim tuira.

Onger Akaba 33:7

Gumazim dɨpam isa itam guruizɨ moghɨn, an ongarim isa danganir vamɨran anekufa. Egha ongarim gamizɨ a bar konegha nguazimɨn apengan itir danganimɨn vɨn mar iraghu.

Onger Akaba 95:5

A uabɨ ongarim ko nguazimɨn ingari, ezɨ aning uaghan an bizimningra.

Onger Akaba 146:6

God, overiam ko nguazim, ko ongarimɨn ingarigha, dar itir biziba bar dar ingari. God dughiabar zurara bizir a gun mɨkemegha gɨvazibar gɨn ghua dagh ami.

Jona 1:9

Ezɨ a men akam ikaragha ghaze, “Kɨ Hibruian gumazir mam, egha kɨ Godɨn ziam fer gumazim. A Godɨn uan Nguibamɨn itim, an ongarim ko nguazimɨn ingari.”