Jenesis 1:1 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹ Bar faraghavɨra God overiam ko nguazimɨn ingarigha aningɨn itir biziba bar dagh amizɨma, da otifi.

Jenesis 1:1 ပူးပေါင်းရင်းမြစ်များ

Hibru 11:3

E nɨghnɨzir gavgavim ikia, egha e fo, God uan akamɨn overiam ko nguazim ingarizɨ da otifi. Ezɨ kamaghɨn, e garir biziba, God bizir e ganighan koghamiba, bar dar ingari.

Aisaia 45:18

Ikiavɨra Itir God, anarɨra God. A nguazim ko overiamɨn ingarizɨ, aning gavgavighavɨra iti. Nguazim pura ikiasa God an ingarizir puvatɨ. Biziba ko gumazamiziba bar moghɨra nguazimɨn ikiasa, an an ingari. Egha a ghaze, “Kɨrara, kɨ Ikiavɨra Itir God, ezɨ ua godɨn tam ua itir puvatɨ.

Akar Mogomem 4:11

“Nɨ en Ekiam, en God. Nɨ biziba bar dar ingari. Egha nɨ uan ifongiamɨn, biziba bar dar ingarizɨma da otifi, ezɨ datɨrɨghɨn biziba bar iti. Kamaghɨn amizɨ, nɨrara e uari nɨn torogha nɨn ziam bar pɨn anetɨ. Gumazamiziba bar nɨ bagh bar akuegh, egh nɨn ziam fɨva, nɨn gavgavimɨn apengan ikiam.”

Hibru 1:10

Egha God uan Otarim kamaghɨn a mɨgei: “Ekiam, nɨ fomɨra nguazir kamɨn ingari. Guizbangɨra, nɨ uabɨ uan dafaribar overiam ko bizir pɨn itibar ingari.

Aisaia 42:5

Ikiavɨra Itir God, an overiamɨn ingarigha a isa inimɨn mɨn an onegha anetɨ. Egha nguazir kamɨn ingarigha, an itir biziba bar dar ingarigha dagh amizɨ, da otivigha aghui. Egha angamɨra ikiamin amɨnim ko gavgavim isa nguazir kamɨn gumazamizibagh anɨngi. Godɨn kamra, uan ingangarir gumazim mɨgɨa ghaze,

Ua Me Ini 20:11

Guizbangɨra, Ikiavɨra Itir God 6plan aruebar nguazim ko overiam, ongarimɨn ko dar itir biziba bar adar ingari. Egha namba 7ɨn aruem an avughse. Kamaghɨn amizɨ, Ikiavɨra Itir God, Sabatɨn dughiam deraghavɨra a gɨnɨghnɨgha an anogorogha a gamizɨma, an a baghvɨra ikiamin dughiamɨn oto. Kar Godɨn dughiamra.

Jopɨn Akɨnafarim 38:4

“Jop, dughiar kɨ nguazir kamɨn ingara egha gavgavim an mɨngarim ganɨdimɨn, nɨ managh ike? Nɨ bizir kaba deragh dagh fogh na mɨkɨm.

Aposel 17:24

“Godɨn mam iti, a nguazir kam ko an itir biziba bar dar ingari, anarɨra overiam ko nguazimɨn Ekiam. Egha a gumaziba dafaribar ingarir dɨpenibar itir puvatɨ.

2 Pita 3:5

Me bizir kam gɨfogha, a gɨnɨghnɨghan aghua. Fomɨra God mɨkemezɨ overiam ko nguazim oto. Ezɨ God dɨpabav kemezɨ da iraghuezɨ nguazim oto. Ezɨ God dɨpamra nguazimɨn ingari.

Nehemia 9:6

Gumazamiziba kamaghɨn God ko mɨgɨa ghaze: “Nɨ uabɨra nɨ Ikiavɨra Itir God. Nɨ overiam ko mɨkoveziba ko nguazim ko ongarim ko bizir bar adar itiba, nɨ bar dar ingari. Nɨ angamɨra itir ikɨrɨmɨrim bar dagh anɨngi. Nɨn Nguibamɨn itir enselba iteviba apɨra nɨn ziam fe.

Aisaia 44:24

“Kɨ Ikiavɨra Itir God, ian Akurvazir Gumazim, ia uan amebamɨn navir averiamɨn ikezɨ a tɨghar ia batamin dughiamɨn, kɨ uabɨ, uan adarazir otivasa ian ingari. Kɨ kamaghɨn ia mɨkɨmasa: Kɨ uabɨra bizibagh amizɨ da otifi. Kɨ uabɨra overiam ko nguazimɨn ingarigha, aning isa aningɨn danganimɨn aning atɨ.

Jeremaia 32:17

“O Ikiavɨra Itir God, nan Ekiam, nɨn gavgavir ekiamɨn, nɨ overiam ko nguazimɨn ingari. Nɨ bizitam damusɨ iburaghan kogham.

Jeremaia 51:15

Ikiavɨra Itir God uan gavgavimɨn nguazir kamɨn ingari. A uan nɨghnɨzir aghuimɨn nguazir kam isa uan danganimra anetɨzɨ, a gavgafi. A uan fofozimɨn overiamɨn ingara an onegha gɨfa.

Onger Akaba 33:9

A mɨkemezɨ nguazir kam puram oto. An Akar Gavgavim mɨkemezɨ, biziba bar nguazir kamɨn otifi.

Aghuzir Akaba 3:19

Ikiavɨra Itir God nɨghnɨzir aghuimɨn nguazir kamɨn ingari, egha a fofozir aghuimɨn overiamɨn ingari.

Akar Mogomem 14:7

Egha a pamten kamaghɨn mɨgei, “God gumazamizibar arazibar tuisɨghamin dughiam bar roghɨra ize. Kamaghɨn amizɨ, ia Godɨn atiating, egh ziar ekiam a danɨng. Ia, overiam ko nguazim ko ongarim ko nguazimɨn aven ivemarir dɨpabar ingarizir God, an ziam fɨ.”

Onger Akaba 115:15

Guizbangɨra, Ikiavɨra Itir Godɨn overiam ko nguazimɨn ingarizim, a bar deravɨra ia damu.

Aposel 14:15

“Maia! Gumazamiziba, ia tizim bagha arazir kam gami? Ga pura gumazir kɨnimning, egha uaghan ian mɨrara gari. Ga kamaghsua Akar Aghuir kam ia mɨgei. Ia pura bizir kɨnir kabar ziaba fan markɨ. Ia uari isɨ Ekiam danɨng, an Angamɨra Itir God. A Godɨn overiam ko nguazim ko ongarimɨn ingarizim, egha dar itir biziba bar adar ingari.

Onger Akaba 136:5

A uan nɨghnɨzir aghuimɨn overiamɨn ingari. A zurara en apangkuvigha mamaghɨra iti.

Jeremaia 10:12

Ikiavɨra Itir God uan gavgavimɨn nguazir kamɨn ingari. A uan nɨghnɨzir aghuimɨn nguazir kam isa uan danganimra anetɨzɨ, a gavgafi. A uan fofozimɨn overiamɨn ingara an onegha gɨfa.

1 Korin 8:6

E Godɨn vamɨra iti, a God Afeziam. A biziba bar dar mɨngarim, ezɨ e an gumazamizibar mɨn iti. Ezɨ Ekiar vamɨra iti, a Krais Iesus. A biziba bar dar ingarigha, e gamima, e angamɨra iti.

Onger Akaba 8:3

Kɨ kogha pɨn overiar nɨ uan dafarimɨn ingarizimɨn gara, egha uaghan iakɨnim ko mɨkovezir uan danganir nɨ me arɨghɨzibar gari,

Onger Akaba 102:25

Nɨ bar faraghavɨra nguazir kamɨn ingari, ezɨ a gavgavigha ikiavɨra iti. Nɨ uan dafarimningɨn, overiam ko bizir pɨn itibar ingari.

Hibru 3:4

Ezɨ dɨpeniba bar, gumaziba dar ingari. Ezɨ Godra, a biziba bar dar ingari.

Onger Akaba 124:8

Bar guizbangɨra, Ikiavɨra Itir Godɨn overiam ko nguazimɨn ingarizim, a uabɨra en akurvasi.

Hibru 1:2

Ezɨ datɨrɨghɨn dughiar kam, kar dughiar abuananaba, God e mɨkɨmasa uan akam isa uan Otarim ganɨngi. God biziba bar da iniasava Otarir kam amɨsefe. Otarir kamɨn agharimɨn, God fomɨra overiam ko nguazimɨn ingari.

Aghuzir Akaba 16:4

Ikiavɨra Itir God biziba bar dar ingari, ezɨ da ingangariba iti. Ezɨ kamaghɨra, Ikiavɨra Itir God, gumazir arazir kurabagh amibar ingarigha, dughiar abuananamɨn ovengasa me amɨsefe.

Onger Akaba 33:6

Ikiavɨra Itir God fomɨra mɨkemezɨ, aruem ko iakɨnim ko mɨkoveziba, ko overiamɨn pɨn itir biziba bar otivigha iti.

Onger Akaba 121:2

Ikiavɨra Itir Godɨn overiam ko nguazimɨn ingarizim, a bar uabɨra nan akurvasi.

Sekaraia 12:1

Kar mɨgɨrɨgɨar Ikiavɨra Itir God Israelia bagha anɨngizim. Ikiavɨra Itir God overiam ko, nguazimɨn ingarigha, gumazamizibar ingarigha, ikɨrɨmɨrir angamɨra itim me ganɨngi. A kamaghɨn mɨgei,

Aisaia 40:28

Ia ti kamaghɨn oregha fozir puvatɨ, Ikiavɨra Itir God, a Godɨn zurara ikia mamaghɨra itim. A nguazir kam ko an itir biziba bar moghɨra dar ingari. An amɨragha amɨrazir puvatɨ. Egha an gavgavim gevir puvatɨ. Eghtɨ gumazitam an nɨghnɨzim gɨfofoghsɨ damuva avegham.

Onger Akaba 104:24

O Ikiavɨra Itir God, nɨ bizir bar avɨrimɨn ingari! Nɨ bar fofozir ekiam ikia bizir avɨrir kaba bar dar ingari. Ezɨ bizir nɨ ingarizir kaba nguazim bar a gizɨfa.

Onger Akaba 96:5

Nguazimɨn itir gumazamizibar aseba, da pura ifavarir godba. Ikiavɨra Itir God, an overiamɨn ingari.

Akar Mogomem 10:6

Egha ghaze, “Godɨn zurara itimɨn ziamɨn kɨ guizbangɨra mɨgei. Godɨn kam, an overiam ko bizir an itibar ingarigha nguazim ko an itir bizibar ingarigha, ongarim ko an itir bizibar ingari. Ezɨ kɨ kamaghɨn mɨgei, dughiam datɨrɨghɨn gɨvasava ami. God uam orarkian kogham. Bar puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 11:36

E fo, God uan dafarimɨn biziba bar dar ingari, egha dar mɨngarim, ezɨ da a baghavɨra ikia, mamaghɨra iti. Kamaghɨn amizɨ e zurazurara ziar ekiam a danɨng mamaghɨra ikiam! Bar guizbangɨra.

Aposel 4:24

Ezɨ me kamaghɨn oregha uari akuvagha God ko mɨgei. Me kamaghɨn mɨgei, “En Ekiar en garim, nɨ overiam ko nguazimɨn ingarigha, ongarim sara ingari, egha dar itir biziba sara, bar dar ingari.

Onger Akaba 90:2

Nɨ tɨghar mɨghsɨaba ko nguazir kamɨn ingaram, nɨ Godɨn ikia kamaghɨra iti. Nɨ uaghan gɨn ikɨ kamaghɨra ikiam.

Aisaia 51:16

Kɨ uan akaba ia ganɨngi, eghtɨ ia nan akaba bar deraghvɨra da akunam. Egha kɨ bar deravɨra uan agharimɨn ia monge. Kɨ Ikiavɨra Itir God, kɨ overiam ko nguazim isa aningɨn danganibaram arɨghizɨ, aning bar gavgavighavɨra iti. Ezɨ ia Saionɨn gumazamiziba, kɨ kamaghɨn ia mɨkeme, ‘Ia nan gumazamizibara.’ ”

Onger Akaba 146:6

God, overiam ko nguazim, ko ongarimɨn ingarigha, dar itir biziba bar dar ingari. God dughiabar zurara bizir a gun mɨkemegha gɨvazibar gɨn ghua dagh ami.

Onger Akaba 134:3

Ikiavɨra Itir God, a Godɨn overiam ko nguazimɨn ingarizim, a Saionɨn nguibamɨn ikɨ, egh bar deragh ia damu.

Akar Mogomem 22:13

Kɨrara kɨ bar faraghavɨra ikia egh abuan ikɨvɨra ikiam. Egha kɨ biziba bar dar mɨngarim, egha ingangarir kɨ amiba kɨ uaghan bar a da gefi.

1 Jon 1:1

Gumazir me kamaghɨn dɨborim, Angamɨra Itir Akam, e an gun ia mɨgei. Gumazir kam, nguazir kam tɨghar otivamin dughiamɨn, a bar faraghavɨra iti. Ezɨ e a baregha, uan damazibar deravɨram an garava egha uan dafaribar an suiki.

Aisaia 40:26

Ia pɨn overiamɨn gan! Tinara mɨkoveziba ko overiamɨn itir bizibar ingarizɨ, da otifi? Bizir kaba, Godɨn mɨdorozir gumazibar mɨn iti. A ziaba dagh arɨgha dar pone. An adar dɨbobonim gɨfogha, vaghvagha dar ziabagh fo. A gavgaviba bar iti, kamaghɨn amizɨ, bizir pɨn itir katam ovengan kogham.

Onger Akaba 104:30

Nɨ ikɨrɨmɨrir angamɨra itim anɨdir amɨnim me ganɨngizɨ, me angamɨra iti. Nɨ nguazimɨn bizir igiabagh amima da otifi.

1 Eghaghaniba 16:26

Nguazimɨn itir gumazamizibar aseba, da pura ifavarir godba. Ikiavɨra Itir God, an overiamɨn ingari.

Akar Mogomem 21:6

Egha a kamaghɨn na mɨgei, “Biziba bar otivigha gɨfa. Ezɨ kɨrara, kɨ faraghavɨra ikia egh bar gɨn ikɨva abuan ikɨvɨra ikiam. Kɨ biziba bar dar mɨngarim, egha ingangarir kɨ amiba kɨ uaghan bar da agefi. Eghtɨ gumazim kuarim an pɨrtɨ, kɨ dɨpar ikɨrɨmɨrir zurara itim anɨdim a danɨngtɨ, aneremam. Dɨpar kam nguazimɨn aven anadi. Dɨpar a isir kam, an a givezan kogham, a puram a iniam.

Efesus 3:9

God biziba bar dar ingari, egha faragha zuir dughiaba uan nɨghnɨzir mogomem men ghuara. Egha iza datɨrɨghɨn a uan nɨghnɨzir mogomem aghurasa, ingangarir kam na ganɨngi, eghtɨ kɨ gumazamiziba bar me damutɨ me God damuamin araziba bar dagh fogham.

Aisaia 51:13

Kɨ Ikiavɨra Itir God, ia ti na bakɨnɨghɨnigha gɨfa. Kɨrara, kɨ ian ingari. Kɨ overiam an danganimram anetɨgha, nguazimɨn ingarigha, gavgavim an mɨngarim ganɨngi. Ezɨ ia tizim bagha gumazir kurar ia dɨkabɨn ia gasɨghasɨghamibar atiati? Gumazir kaba bizitamɨn ia damighan kogham. Men anɨngazir kuram pura gɨvagham.

Aisaia 65:17

Ikiavɨra Itir God kamaghɨn mɨgei, “Ia ganigh! Kɨ overiar igiam ko nguazir igiamɨn ingarasava ami. Eghtɨ gumazamiziba ua fomɨram otivizir bizibagh nɨghnɨghan kogham. Guizbangɨra, ia bar da bakɨnɨghnigham.

Akar Mogomem 3:14

Gumazir kam ua kamaghɨn mɨgei, “Nɨ Laodisian nguibar ekiamɨn itir siosɨn garir ensel bagh akataba osirigh. Akar kaba kamakɨn: “Kɨ gumazir ‘guizbangɨra’ mɨgeim. Godɨn akar dɨkɨrɨziba ko an akaba bar, kɨ guizbangɨra mɨgɨa, zurara guizɨn akamrama akuri. Kɨ God ingarizir biziba bar dar mɨngarim. Egha akar kam nɨ bagha anemadazɨ a izi.

Jopɨn Akɨnafarim 26:13

God uabɨ amɨnir ekiam amadazɨ a iza ghuariabagh ivarazɨ, overiam uam angazangari. Egha a uan dafarimɨn kuruzir aser ekiar kam bɨrazɨma, an areme.

Fofozir Gumazim 12:1

God bar en ingari, kamaghɨn, ia igiamra itir dughiamɨn, ia a gɨnɨghnɨgh. Ia kamaghɨn a gɨn amadagh gɨn ghurightɨ, dughiar kuram ia batoghtɨ, ia vaghvagh kamaghɨn mɨkɨmam, “Kɨ uan ikɨrɨmɨrim gakongezir puvatɨ.”

Matyu 11:25

Egha dughiar kamɨn Iesus kamaghɨn mɨgei, “Afeziam, nɨ nguazim ko overiam gativazir Ekiam! Nɨ fofozim ko nɨghnɨzir aghuiba itir gumazamiziba bizir kaba men modo, egha boribar mɨn itir gumazamizibar aka. Kamaghɨn kɨ nɨ mɨnabi.

Ua Me Ini 31:18

Egha Ikiavɨra Itir God, Moses ko Sainain Mɨghsɨamɨn mɨkemegha gɨvagha, egha God uabɨ dagɨar akuar pumuning isa Moses ganɨngi. God uabɨ uan dafarir puzimɨn Akar Gavgaviba aningɨn da osiri.

Jopɨn Akɨnafarim 9:8

A uabɨ overiam pɨn anetɨ. Ezɨ ongarim dɨpɨrima, an a gisɨn arui.

Aisaia 40:21

Ia ti fozir puvatɨ? Egha ia ti oraghizir puvatɨ? Gumazitam ti ia mɨkemezir puvatɨ, ezɨ ia bar fomɨra iza datɨrɨghɨn bizir kam gɨfozir puvatɨ?

2 Atriviba 19:15

Egha Hesekia kamaghɨn Ikiavɨra Itir God ko mɨgei, “O Ikiavɨra Itir Godɨn Gavgaviba Bar Itim, nɨ Israelian God, nɨ enselɨn bar gavgavibagh afiragha bar pɨn uan atrivir dabirabim gaperaghav iti. Ezɨ nɨn gavgavim enselɨn bar gavgavibar gavgavim gafira. Nɨrara, nɨ guizbangɨra God, nɨ nguazir kamɨn kantribar gumazamiziba bar me gativagha men gari. Nɨrara, overiam ko nguazimɨn ingari.

2 Eghaghaniba 2:11

Tairɨn Atrivim Hiram, Solomonɨn akam baregha gɨvagha, akɨnafarim osira, Solomonɨn akam ikarvagha kamaghɨn a mɨgɨa ghaze: “Ikiavɨra Itir God uan gumazamiziba bar me gifonge, kamaghɨn a nɨ gamizɨ, nɨ men atrivimɨn oto.

Onger Akaba 8:4

kɨ kamaghɨn nɨghnɨgha ghaze, e gumazamiziba ti manmaghɨram amizir biziba, ezɨ nɨ mɨghɨgha e gɨnɨghnɨsi? E pura biziba. Manmaghɨram amizɨ, nɨ bar puvɨrama e gɨnɨghnɨsi?