Jems 5:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Ezɨ dughiar ia nguazir kamɨn itim, ia bizir aghuir avɨriba isa bar akuegha iti. Egha ia dagher avɨriba apa bar ekefe. Ezɨ God ia mɨsoghtɨ ia arɨmɨghiramin dughiam, an otogha gɨfa.

Godɨn Akar Aghuim; Akar Dɨkɨrɨzir Gavgavir Igiam

⁵ Ezɨ dughiar ia nguazir kamɨn itim, ia bizir aghuir avɨriba isava egha ia bar akuegha iti. Egha ia dagher avɨriba apava bar ekefe. Ezɨ God ia mɨsoghtɨ ia arɨmɨghɨramin dughiam, an otogha gɨfa.

Jems 5:5 ပူးပေါင်းရင်းမြစ်များ

1 Timoti 5:6

Ezɨ amizir odiarir uan mɨkarzim isa pura tintinimɨn bizir igharazibagh amim, an angamɨra ikiava, navir averiamɨn aven, a mati aremegha gɨfa.

Luk Osirizir Akar Aghuim 16:25

“Ezɨ Abraham an dɨmdiam ikaragha ghaze, ‘Otarim, nɨ bizir kam uam a ginɨrɨgh, nɨ angamɨra itir dughiamɨn, nɨ bizir aghuiba iti. Ezɨ Lasarus bizir kuraba iti. Ezɨ a datɨrɨghɨn kagh deraghavɨra itima nɨ mɨzazir kuram isi.

Luk Osirizir Akar Aghuim 16:19

Iesus ua kamaghɨn mɨgei, “Dughiar mamɨn, gumazir dagɨaba avɨrasemezir mam iti. Egha a korotiar bar aghuir aghevim arugha dagher aghuiba ikia zurara isabagh amua da apa mamaghɨra iti.

Amos 6:1

Egha God ghaze: Iavzika, ia Saionɨn nguibamɨn gumazamizir deravɨra itiba, ko ia Samarian nguibamɨn itir gumazamiziba, Iavzika, ia kamaghɨn nɨghnɨgha ghaze, bizitam e gasɨghasighan kogham. Iavzika! Ia Israelɨn kantrin faragha zuir gumazir dapaniba, ia ghaze, e ziar ekiaba ikia, egha kantrin igharaziba bar me gafira. Ezɨ gumazamiziba akurvazim bagha ia bagha izi. Iavzika, ia bar moghɨra ikuvigham!

Jeremaia 12:3

O Ikiavɨra Itir God, nɨ bar na gɨfogha, kɨ amir araziba sara fo. Egha na tuisigha bar deravɨra na gɨfo. Nɨ na bagh apanir kaba batueghasa, kɨ ifonge. Mati gumaziba sipsipbav sueghtɨ da aremeghasa, da inigha zui. Kɨ nɨn azai, nɨ inabazir dughiamɨn, nɨ me mɨsueghtɨ me arɨghiregham.

Akar Mogomem 18:7

A uabɨra kamagh uabɨn mɨgɨa ghaze, ‘Kɨ atrivir amizim, egha atrivir dabirabim gaperaghav iti. Kɨ amizir odiarimɨn mɨn itir puvatɨ, eghtɨ osɨmtɨziba na bativan koghtɨ, kɨ azian kogham!’ A uabɨ uan ziar gavgavim fa egha arazir mɨzɨrɨzir avɨribagh amua, egha arazir kurar igharaziba saram ami. Kamaghɨn amizɨ, ia mɨzazir kurar ekiam ko osɨmtɨzir bar ekiam a danɨngigh, mangɨ an amir arazibar ikegh mangɨ tuzɨ naghɨram, a danɨng.

Jeremaia 25:34

Ia gumazamizibar gumazir dapaniba ko me geghuva men gariba, mati sipsipbar garir gumaziba uan sipsipbagh eghufi, ia bar puvɨrama azi. Apaniba izɨ ia mɨsoghtɨ ia arɨmɨghiramin dughiam otogha gɨfa. Eghtɨ gɨn me gumazamizir ikiavɨra itiba batuegham. Kamaghɨn amizɨ, ia nguazim giregh a gɨpoghpogh. Ia nguazir mɨner aghuim irɨgha bɨaghirezɨ moghɨn, ia iregh bar ikuvigham.

Aisaia 22:13

Egh ia gan! Ia azir arazibagh amir puvatɨ. Ia akazim gamua bar akuegha iti. Egha ia sipsipba ko bulmakaubav sogha, isar dafam gamua, egha wainɨn dɨpaba api. Egha ia kamaghɨn mɨgei, “E fo, e gurumɨn ovengam, kamaghɨn amizɨ, ia izɨ e damɨ wainɨn dɨpabar amam.”

1 Samuel 25:36

Ezɨ Abigel uamategha dɨpenimɨn ghugha Nabalɨn garima, an atriviba amir isar ekiabar mɨn isam gami. Egha a bar akongegha wainɨn dɨpar avɨrim apava bar ongani. Kamaghɨn amizɨ, Abigel bizitamɨn gun a geghanizir puvatɨgha ghua amɨmzaraghan.

Jut Osirizir Akɨnafarim 1:12

Ia uarigh ifongezir isar dughiabar, gumazamizir kaba izava Godɨn damazimɨn arazir mɨzɨrɨzir kurabagh ami. Me damasa aghumsɨzir puvatɨ, egha kamaghɨn nɨghnɨzir puvatɨ, e isar ekiamɨn iti. Egha me uarira uarigh nɨghnɨsi. Me mati amozim puvatɨzir ghuariabar mɨn, amɨnim dagh ivaima, da tintinibar zui. Egha me mati temem uan dughiamɨn ber puvatɨ. Egha me mati temem mɨsigha gɨvazɨ gumaziba an povim asiaghatɨ. Me gumazamizir bar ovengeziba.

2 Pita 2:13

Ezɨ me amizir arazir kurabar, gumazamiziba men arazir kaba bagh ua arazir kurabar me ikarvagham. Me ghaze, aruebar dagher ekiaba apir arazim ko dɨpar onganiba apir arazim, kar arazir bar aghuim. Egha me ia koma apava, egha ia gamima ia bar mɨze, egha ian ziabagh asɨghasɨsi. Egha me uan ifavarir arazir me amiba bagha bar akonge.

2 Timoti 3:4

Egh me pazɨ uan namakabar amuam. Egh me deraghvɨra nɨghnighan kogh, atamra uan nɨghnɨzir kurabar gɨn mangam. Egh me uarira uarigh nɨghnɨgh suam, erara gumazir ekiaba, e bar pɨn iti. Egh me uan inivafɨzir agorogebar gɨn mangɨsɨ, God gifueghan kogham.

Akɨnafarir Pol Romɨn Nguibar Ekiamɨn Itir Sios Bagha Osirizim 13:13

E angazangarimɨn aruir gumazamizibar mɨn deraghvɨra daruam. E dɨpar onganibar amɨva onganan kogh, egh pura gumazamiziba isɨ pamten dɨmɨva ighiar kurabar arazibar amuan kogham. Egh gumaziba ko amiziba pura tintinibar uari ko dakuva, afiar arazibar amuan markɨ. Egh uari uariv soghɨva, munavɨn biziba bagh navim ikuvighɨva da inisɨ navim isian markɨ.

Esekiel 39:17

“Kɨ Ikiavɨra Itir Godɨn Ekiam, kɨ kamaghɨn mɨgɨa ghaze: O nguazir kamɨn gumazim, kɨ kamaghsua, nɨ kuarazir guar avɨriba ko, asɨzir atiar tintinibar itiba bar dar diaghtɨ, me izɨ uari akuvagh ofan kɨ me bagh damuamin kam amɨ. Kar Israelɨn mɨghsɨabar isar bar ekiam. Da izɨva gumazir kuar kabar tuzibar amɨva dar ghuzim dozam.

Aisaia 56:12

Me uari akuvazir dughiamɨn, me vaghvagha kamaghɨn uariv gɨa ghaze, ‘Aria, ia izɨ, kɨ wainɨn dɨpam inigh, e anemɨ mangɨ e uan ifongiaba agɨvaka. Egh e, gurumzaraghan uam uari akuvagh bar an dafam damuam.’ ”

Aisaia 47:8

“Nɨ dughiar aghuim baghavɨra nɨghnɨzir amizim, nɨ akar kam baragh! Nɨ ti ghaze, nɨ deravɨra ikɨtɨ, bizir kuratam nɨ batoghan kogham. Egha nɨ kamaghɨn uabɨ mɨgɨa ghaze, ‘Kɨ uabɨra kɨ gavgaviba bar iti, ezɨ tav nan mɨn itir puvatɨ. Kɨ amizir pam ko boriba ariaghirezimɨn mɨn otoghan kogham.’

Aisaia 3:16

Egha Ikiavɨra Itir God kamaghɨn mɨgei, “Ia Saionɨn itir amizibar gan. Me ghaze, me bar pɨn mar iti. Me aruir dughiabar, gumazamiziba men ganasa me uan suer kurkazibar amutɨ da tɨngaghasa, me pura darorir afangtɨzir kabagh ami. Me arua uan dapaniba fezɨ, men fɨriba bar ruara, ezɨ men damaziba pura tintinibar gumazibar gari.”

Fofozir Gumazim 11:9

Ia gumazamizir igiaba, ia igiamra itir dughiamɨn, ia bar akongegh ikɨ. Ia uan nɨghnɨziba ko ifongiamɨn gɨntɨgh. Kamaghɨn ia uari bagh gan, God uan kotiamɨn dughiam, a ian araziba tuisɨgham.

Aghuzir Akaba 17:1

Gumazim uan amuiroghboriba ko deraghavɨra ikia, dagher kurar abuananaba iti, arazir kam deragha, gumazir uari ko atariba ko, isar ekiam gamir arazim, bar a gafira.

Aghuzir Akaba 7:14

“Kɨ datɨrɨghɨn ofan mam gami, ezɨ ofan kamɨn asɨzir nar mam nan dɨpenimɨn iti.

Onger Akaba 17:14

O Ikiavɨra Itir God, nɨ uan gavgavir ekiamɨn nan akuraghtɨ, gumazir kaba nan ikɨrɨmɨrir kam agɨvaghan kogham. Nguazir kamɨn bizir gumaziba uari bagha akuviba, nɨ men dafaribar ua da inigh. Kɨ fo, gumazamizir nɨ bar ifongeziba, nɨ men mɨtiriaba agefi. Men boriba dagher avɨriba iti. Ezɨ me uan ovavir borir gɨn otivamiba bagha bizir aghuiba arɨsi.

1 Samuel 25:6

Ia kamaghɨn a mɨkɨm, ‘Devit ghaze, O nan namakam, kɨ kamaghɨn Godɨn azai, a nɨ ko nɨn ikɨzim ko nɨn biziba bar, navir amɨrizim ko dabirabir aghuim isɨ ia danɨngam.

Onger Akaba 73:7

Men nɨghnɨziba ko navibar aven, arazir kurar avɨrir me damuasa ifongeziba otivaghiri.

Esekiel 16:49

“Nɨ oragh. Nɨn afumim Sodom uan guiviba ko, me gavgavigha uari fava, dagher avɨrim ikia navir amɨrizimɨn ikia nɨmɨra iti. Ezɨ men osɨmtɨzim kamakɨn, me onganarazibagh amir gumazamizibar akurvaghan aghua.