Jems 5:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ian bizir aghuiba da bar ikuvigham. Eghtɨ ian korotiaba barareba dar ghoregham.

Godɨn Akar Aghuim; Akar Dɨkɨrɨzir Gavgavir Igiam

² Ian bizir aghuiba da bar kuvigham. Eghtɨ ian korotiaba barareba dar ghoregham.

Jems 5:2 ပူးပေါင်းရင်းမြစ်များ

Jopɨn Akɨnafarim 13:28

E gumazamiziba mati temem, apiziba anemezɨ a mazigha gɨfa, egha mati korotiam barareba anepa toriba a garɨki.”

Luk Osirizir Akar Aghuim 12:33

Ia uan biziba amangɨva dagɨaba inigh, egh gumazamizir onganarazibar anɨng. Egh uari bagh dagɨaba azuir mɨtariba inigh dar arightɨma da dɨghoran kogham. Ian bizir aghuir Godɨn Nguibamɨn itiba, da gɨvaghan kogham. Godɨn nguibamɨn okɨmakɨar gumaziba roghɨra izan kogham, eghtɨ barareba dagh asɨghasɨghan kogham.

Aisaia 50:9

Ia gan! Ikiavɨra Itir God, nan Ekiam, a uabɨra nan akurvasi. Ezɨ ua tina na mɨkɨm suam, kɨ arazir kuram iti? Puvatɨ. Akaba na gasi darasi, me mati korotiaba barareba da api, da okozokoregha bar ikuvizɨ moghɨn, me bar moghɨra ikuvigham.

Aisaia 51:8

Barareba inim apa bar anegɨvazɨ moghɨn, me bar gɨvagham. Eghtɨ nan arazir gumazamizibar akurvagha ua me isim, gɨvaghan kogham. Bar puvatɨ. A zurara ikɨ mamaghɨra ikiam.”

1 Pita 1:4

Ezɨ God, ikɨrɨmɨrir aghuir kam uan Nguibamɨn e danɨngasa e amɨsefe. Ezɨ ikɨrɨmɨrir kam a ikuvighan kogham. A bar deraghavɨra ikɨ, egh uaghan mɨgoveghan kogham. God uan Nguibamɨn ikɨrɨmɨrir aghuir kam ia bagha anetɨ.

Jeremaia 17:11

Gumazim ifarɨva bizir avɨriba ikɨ, a mati kuarazir mam, kuarazir igharazimɨn aroriaba okemegha dagh isɨn itima da afoaghirezɨ, an adar nguziba ini. Ezɨ gumazir kamɨn dagɨaba ko biziba, da gumazir kam tɨghar ghurighamin dughiam da ovengam. Eghtɨ gɨn, gumazamiziba fogham, a mati gumazir onganim.

Onger Akaba 39:11

Nɨ gumazimɨn arazir kuram ikarvagha osɨmtɨzim a ganɨdi. Egha bizir a ifongeziba, nɨ bar dagh asɨghasɨsi, mati barereba ko omebaba da apima da mazava akuaghiri. Bar guizbangɨra, gumazimɨn ikɨrɨmɨrim mati amɨnim varagha ghu. (Ighiam gamua an suiam atugha avughsegha ua ighiam gami.)

Hosea 5:12

Kamaghɨra, kɨ Efraimia ko Judaba vɨrara me gasɨghasigham, mati apizir bizibagh asɨghasɨzim.

Jems 2:2

Eghtɨ gumazitam kurukazir bar aghuim damigh, egh golɨn ring uan dafarim datɨgh, God ko mɨgeir dɨpenimɨn aven mangam, eghtɨ gumazir onganarazim korotiar bɨbɨzibar kurukegh egh uaghan God ko mɨgeir dɨpenimɨn aven mangam,